Maꞈtehˬ 16:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yeqsur, Gaersaqlir Pirlirpuv mirkhanq-anr lekeuv ngae, aqyawf-euq zaqlanr deuq-anr narhaq-eu, “Aqcawq, Tsawrhaq-euq Zaqyo-anr aqsur ghaq nga laer aerluf-eu la?”

Akha

¹³ Gehˇsaˬliˇ Piˇliˇpuˆ meuˬ dawˬ peh Yeˬsuˇ iˇ keuˆ ngeh, zaˬ lahˇ deuˬ-ahˇ aˬ yawꞈ naˇ haˬ-eu, “Tsawˇhaˬ-euˬ Zaˬmaˇ-ahˇ aˬ suˇ gʼaˬ nga lehˇ aˬ cawˬ ehˇ luꞈ ta.”

Maꞈtehˬ 16:13 Referans Kwoze

Yoˇhaˬ 5:27

Khoeruqtaf, aqyawf-aq, Tsawrhaq-euq Zaqyo pyeuf-eu mirnae, aqyawf-anr yarkhaq dar-eu aryaq biftaq-euq mae.

Maꞈtehˬ 9:6

Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, Yeqsur, kuirshir lafshir shir-eu khoerghaq-anr aernaeq-eu, “Tur-awr, nawq-euq yufzar baf-awr irkanr ghof-ir-awq.”

Maꞈtehˬ 13:37

Khoerngae, Yeqsur, aqyawf maf-anr heulof-aer aerkhof naeq-euq mae: “Siqyoeq yawmuiq saeq-euq khoerghaq-aq, Tsawrhaq-euq Zaqyo mae.

Maꞈtehˬ 12:8

Aqjeq mirnae aernar-aq, Tsawrhaq-euq Zaqyo-aq, landaw jawrnan-euq Yawsanr ma.”

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 7:56

aer-eu, “Hawsher-eq! Mq pantaq-awr, Tsawrhaq-euq Zaqyo, Miqyaer-euq armar paw yawfluf-eu gar ngar mawrluf-eu ma!”

Yoˇhaˬ 12:34

Khoerngae, tsawrhaq armaf deuq, aqyawf-anr aerkhof naeq-eu, “Kali-aq, mqmaq maqbyav yarzir daef-eu mae laer zanrdawq-euq lafkhoer nga’maf yagaq-euq ma. Aqjeq mirnae nawr, ‘Tsawrhaq-euq Zaqyo yabi ciqgor-eu mae’ laer aer-eu le? Tsawrhaq-euq Zaqyo khoerghaq aqsur ghaq la?”

Maˬkuˆ 10:45

Aqjeq mirnae aernar-aq, Tsawrhaq-euq Zaqyo-aq, aqcawq, aqyawf-euq gharduq kuirlaf bigeuf-eu laer oe-euq maqngeur-aer, aqcawq-euq kuirlaf geuf-awr, tsawrhaq ghawqmya ni-euq gharduq aqyawf-euq daefzir bif-awr zeurkhof-eu laer oe-euq mae.”

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 15:21

Yeqsur khoergar nae dov-ir-awr, Durlu hawr-eu Sirdoq mirkhanq paw ir-euq mae.

Maꞈtehˬ 13:41

Tsawrhaq-euq Zaqyo, aqyawf-euq mqtav ghaqkhaer deuq-anr khaerlef-awr, aqcawq-anr sanqtif bi tiflar-eu yawqjeq navluf hawr-eu zanrdawq-anr leur-eu jeq mr-eu tsawrhaq dawqtawv luf-anr, aqyawf-euq uvlanr-eu jeq-euq lafkhoer nae yurdovdzae taef-a.

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Yoˇhaˬ 3:14

Morseq, bawrtsanq bawrdanr-anr arlawr khanqtur-euq lof-aer, Tsawrhaq-euq Zaqyo-anr khawf khoerlof-aer yabi khanqtur taef-a.

Yoˇhaˬ 1:51

Yeqsur, aqyawf-anr paraer-eu, “Ngar, nawmaf-anr aqdir aqmar aernaeq nyar, mq pantaq-euq gar ya’mawr taef-a. Miqyaer-euq mqtav ghaqkhaer, Tsawrhaq-euq Zaqyo-euq khoertav tsawqtoeq tsawqdav-aer canluf-eu gar khawf ya’mawr taef-a.”

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”