Maꞈtehˬ 15:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawfmaf, tsawrhaq-euq zanrtaq khoftaq deuq, maeqdawq tsovdawq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ ” (Isy 29:13)

Akha

⁹ Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Maꞈtehˬ 15:9 Referans Kwoze

Maˬkuˆ 7:7

Tsawrhaq-euq zanrtaq khoftaq deuq jan-eu jeq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ (Isy 29:13)

1 Tiˆmoˇseˬ 1:4

Khoeruqtaf, dawqmawq dawqoer ja-eu hawr-eu arsaq saq-eu maqbaw-eu tsuif gui-eu gar taq narhaq’ laer aqyawf maf-anr dawq bibif-eu laer khawf ngeur ma.” Garkawv khoerdeuq-aq, jan-eu lafkhoer Miqyaer-euq gar mr-eu gar maq cawba-eu uqtaf, tsawrpyaer pyaer-eu jeq taef-aer bi dovlar-eu mae.

Tiˇtuˆ 1:14

Yawtsaq yawdawr dawq-anr byaerdzae-euq tsawrhaq nae dawq bif-euq deuq-anr hawr-eu Yurdav tsawrhaq-euq dawqmawq dawqoer-anr taq narhaq.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

Yaˬkoˆ 2:20

Maq sharnoeq nya-eu tsawrhaq deuq-or! Mr-awr shar-eu jeq maqanr-eu nuijan-aq, tiqjeq-iq gardanr maqtsoeq nga laer nawr siqnya’mawf mir-a lor?

Jaceuq 73:13

Ngar aqdir yawqngaef-aer, ngaq-euq nuima lavshawr-awr; Maq siqnya’ni ngaq-euq aqlaf dzuifshawr-euq ngar-a.

Jaceuq 39:6

Aqdir aernar-aq, tsawrhaq yawqghaq navluf doedoe-aer canluf-eu heu-aq, narshmr-anr dur-awr, Aqyawfmaf tiqjeq-iq gardanr maqtsoeq-eu gar banqghasaef luf-eu mae. Aqyawf, pyurshuir myawqganq povcu taq-euq khawf, aqsur ghaq-anr of-ir-eu laer maq siqnya-a.

Panmaeq 22:18

Sanqbof heudmq-euq lafkhoer boftaq-euq, Miqyaer gharduq ngaeqdan-eu dawq heudeuq-anr yagaq-euq tsawrhaq yawqghaq navluf yanrnya larni, ngar heulof-aer aernaeq nyar: tsawrhaq tiqghaqnav sanqbof heudmq-euq lafkhoer boftaq-euq taf-aer dawvlanq nar-aq, Miqyaer, aqyawf-anr sanqbof heudmq-euq lafkhoer boftaq-euq taf-aer khaeqlanq khavlanqnaeq taef-a.

1 Gawˇliˬtu 15:2

Ngaq nae nawmaf-anr maeqnaeq-euq guiqlanq dawq-anr yawqngaef-aer jan-eu maqngeur-aer, yawmuiq-aer nyaeftaeqtaq nar-aq, guiqlanqdawq heu-euq baqda’nae nawmaf yabuq-ir taef-a.

Maꞈtehˬ 15:10

Khoernar-aq, Yeqsur, tsawrhaq armaf mafma deuq-anr kur-awr heulof-aer aernaeq-euq mae, “Nawmaf narhaq-awr ghovshaw geuf-awq.