Maꞈtehˬ 15:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khaqmae-anr nae anr-ir-eu jeq-aq, tsawrhaq-anr maqshawrni bi pyeuflar-eu maqngeur-a. Khaqmae-anr nae dovlar-eu jeq taef-aer tsawrhaq-anr maqshawrni bi pyeuflar nya-eu mae.”

Akha

¹¹ Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

Maꞈtehˬ 15:11 Referans Kwoze

Maˬkuˆ 7:15

Lafnyir paw nae anr-ir-eu jeq-aq, tsawrhaq-anr maqshawrni bi pyeuflar nya-eu maqngeur-a. Lafkhoer paw nae dovlar-eu jeq taef-aer tsawrhaq-anr maqshawrni bi pyeuflar nya-eu mae.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Jaceuq 12:2

Aqyawfmaf, yawqghaq navluf, yawqha-euq dawqpae jawr-eu tsawrhaq-anr jaqmyawf myawf-awr, Nuima povpov lavlav-aer ghae-eu lafkhoer, jaceuq-eu janrgeuf-eu maeqluq nae ngaeq-eu mae.

Jaceuq 10:7

Aqyawf-euq khaqmae, yaqkhaer yaq-awr, jaqmyawf maershuir hawr-eu lmqguv-eu jeq taef-aer byan-awr, Aqyawf-euq maeqlar-anr nae gardzaq garkawv hawr-eu yawlaeq yawca jeq dovle-eu mae.

Lormav 14:20

Dzaqdzaq dawrdawr-euq baqda’nae, Miqyaer-euq gar-anr taq lavcawv. Dzaqdzaq dawrdawr dawqtawvluf yawshawr mae. Aerkhawf, tsawrhaq tiq ghaq, dzaqdzaq dawrdawr-euq baqda’nae aqcawq-anr sanqtif bitif nar-aq, dzaq-eu khoerghaq yawdoer jeq mr-euq mae.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

Lormav 14:14

Sanqpaq Yeqsur-euq baqda’nae aqgeu jeq maqkaq, aqyawxyawf maqshawr-eu tiqjeq-iq maqjav-a laer ngar siqnya-awr, janduq lar-euq ma. Aerkhawf, aqgeu jeq maqkaq maqshawr-a laer tsawrhaq tiqghaqnav noeq nar-aq, aqyawf-euq gharduq maqshawr-eu jeq pyeuf-eu mae.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

Tiˇtuˆ 1:15

Yawshawr tsawrhaq deuq-euq gharduq-aq, yawqjeq navluf yawshawr mae. Aerkhawf, maqjan-aer jawflafni ghae-eu tsawrhaq deuq-euq gharduq-aq, yawshawr tiqjeq-iq maqjav-a. Aqyawf maf-euq nuinoeq nuidur hawr-eu zaqsiq nuisiq khawf yawjawf mae.

Maꞈtehˬ 15:10

Khoernar-aq, Yeqsur, tsawrhaq armaf mafma deuq-anr kur-awr heulof-aer aernaeq-euq mae, “Nawmaf narhaq-awr ghovshaw geuf-awq.

Maꞈtehˬ 15:12

Khoerngae, aqyawf-euq zaqlanr deuq, aqyawf jawr-eu gar lar-awr aer-eu, “Paqliqsaer deuq, nawq nae aer-euq dawq heudeuq-anr yagaq ngae coeqler-aq laer nawr siqnya ma lor?”

1 Tiˆmoˇseˬ 4:3

Miqzaq taqsheuq, smrmir taqir laer aqyawfmaf aer-awr, khoerjeq heujeq maq dzaqkhmq-a laer aer-eu mae. Yawtsaq yawdawr-anr jan-awr siqnya-eu tsawrhaq-aq, Miqyaer-anr jaceuq-awr dzaq nar-aq, dzaqdzaq dawrdawr khoerdeuq-aq, Miqyaer nae baetaq-euq mae.