Maꞈtehˬ 13:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ “Mqtav mirkhanq-aq, daeyar-anr duqpanq taq-euq pyurpanq-anr dur-eu mae. Pyurpanq khoer-anr mawr-euq ghaq daeqkaq yaf-awr, aqyawf laqkhaq caertavni ghof-ir-awr kharjav-eu yawqjeq navluf anqdzae jir-awr nae, daeyar khoerkawq zeur-euq mae.

Akha

⁴⁴ “Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Tsawˇ haˬ tiˬ gʼaˬ deh ma tiˬ kawˬ-ahˇ pyuˇ pahˬ mawˇ-awˇ, yaˆ pymˬ taˬ yaꞈ-euˬ meh. Aˬ yawꞈ laˬ kʼaˬ cehˇ dui dui-eu laꞈ kʼoeˇ, kʼaˇ jaˆ-eu jeˬ dawˬ tawˆ luꞈ ahˬ jiˇ-awˇ, deh ma kʼoeˇ kawˬ zeuˇ tsehˆ-euˬ meh.

Maꞈtehˬ 13:44 Referans Kwoze

Gawˇlawˇsehˇ 2:3

Poeq-awr lawq-eu zaqsiq tsawrganr hawr-eu siqnya-eu tsawrganr dawqtawvluf, Kali-euq lafkhoer zaftaq-euq mae.

Luˇkaꞈ 14:33

Khoerlof-aer durni, nawmaf aqgeu ghaq maqkaq, yawqha kharjav-eu dawqtawvluf maq byaerdzaeyaf nar-aq, ngaq-euq zaqlanr maq geufnya-a.

Maꞈtehˬ 6:21

Aqjeq mirnae aernar-aq, nawq-euq pyurshuir myawqganq aqgeugar jav nar-aq, nawq-euq nuima khawf khoergar jav-eu mae.

Maꞈtehˬ 19:29

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

Dawqdaq 16:16

Shuir za-eu navmaqtser, Zaqsiq tsawrganr za-eu arnavni muiqdzaeq-eu nga. Pyur za-eu navmaqtser, ghovshaw nya-eu jeq za’ni tsergeuf-eu tsaq mae.

Dawqdaq 23:23

Yawtsaq yawdawr jeq zeur-awr taq anqdzae, Zaqsiq tsawrganr, maeqdawq tsovdawq hawr-eu ghovshaw nya-eu jeq khawf zeur-awq.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.

Maꞈtehˬ 19:27

Khoerngae, Beqtuvluv, aqyawf-anr narhaq-eu, “Hawsher-eq, nga’maf yawqjeq navluf byaerdzae yaf-awr, nawq-euq maeqnan cantae luf-eu ma. Khoer-euq gharduq, nga’maf aqjeq za-eu la?”

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

Maꞈtehˬ 13:24

Yeqsur, aqyawf maf-anr yawjeq majeq dawq, yawqdawq yawq-anr nae heulof-aer maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, aqyawf-euq caeryar-anr caer siqyoeq yawmuiq saeq-euq mae.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.

Yoˇhaˬ 6:35

Yeqsur, aqyawf maf-anr heulof-aer aernaeq-euq mae: “Ngar-aq, daef-eu jeq bif-eu kaqmur ma. Ngar jawr-eu gar lar-eu tsawrhaq-aq, hawq maqpar maef-ar. Ngaq-anr jan-eu tsawrhaq-aq, ircuf tiqjawr-iq maqpar maef-ar.

Dawqdaq 17:16

Aqdzawq argan tiq ghaq, aqyawf-euq aqlaf-euq lafkhoer, Zaqsiq tsawrganr-euq arpoeq bif-eu jeq anr-eu khawf, Geufmawf-eu nuima maqanr nar-aq, Aqjeq gardanr tsoeq-eu la?

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

Dawqdaq 18:1

Yawqha taef-aer yawceuv ceuv-aer jawr-eu tsawrhaq-aq, Yawqha-euq yawmawf ya’mrni pov-awr, Tsawrganr-euq lafkhoer dartsaev-euq yawqjeq navluf-anr caeler-eu mae.

Maꞈtehˬ 13:46

Aerkhawf, zawr poeq-eu arcar carkhawf-euq saer tiq siq povmawr ngae, ghof-ir-awr aqyawf kharjav-eu yawqjeq navluf anqdzae jir-awr nae saer khoersiq zeur-euq mae.

Maꞈtehˬ 13:47

“Khoeruqtaf, mqtav mirkhanq-aq, za gheu-eu gar dur-eu mae. Iqmalavshav-anr za gheu ngae, ngaqshaq ngaqder yawqjeq navluf pafler-eu mae.