Maꞈtehˬ 13:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Khoernar-aq, aqyawf maf-anr miqdzaq tsawqbym-anr biqanr taef-a. Khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Akha

⁴² Kʼoeˇ naˇ, aˬ yawꞈ maꞈ-ahˇ guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi baꞈ puiˆ-awˇ, kʼoeˇ gaˇ ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.

Maꞈtehˬ 13:42 Referans Kwoze

Maꞈtehˬ 13:50

yawcawv jeq mr-eu tsawrhaq-anr-aq, miqdzaq tsawqbym-anr biqanr taef-a. Aqyawfmaf, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Panmaeq 20:10

Aqyawf maf-anr myawftawv shuirtawv-euq naef sanqpaq-anr khawf, jeqzaq yawghae khoermawr hawr-eu Miqyaer gharduq ngaeqdan-eu jaqmyawf khoerghaq-anr bafpuf taq-euq, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae. Aqyawf maf-aq, li-eu maqbawni, uqcif nan’ghanr maqaer yabi khaeqsaef taef-a.

Maꞈtehˬ 8:12

Aerkhawf, Irsaqleqlav mirkhanq-euq zaqdeuq-aq, lafnyir paw zanrtsuini ghae-eu gar bi taedzae taq-awr, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 14:10

tiqjeq-iq maqkeuq-aer tav duidui-eu, Miqyaer nuima paer-eu khmqmaq-euq lafkhoer khar shaevdanq taq-euq Miqyaer nuima paer duidui-eu aqgaf dzaruir yadawr taef-a. Khoeruqtaf, aqyawf, shawr-eu mqtav ghaqkhaer hawr-eu Yawrzaq-euq maeqshi, miqdzaq hawr-eu miqdzar dzarshuir nae khaeqnaeq khavnaeq-eu gar yadaq taef-a.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Maꞈtehˬ 22:13

Khoerngae, sanqpaq khoerghaq, kuirlaf zaqkhav khoerdeuq-anr aernaeq-eu, ‘Aqyawf-anr kuircuf lafcuf cuf-awr, lafnyir paw zanrtsuini ghae-eu gar bafdzae ghae-awq. Aqyawf khoergar jawr-awr, ngoerngoer-aer seuq yateuf taef-a.’

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Luˇkaꞈ 13:28

Aqbyaqhaq, Irtsav, Yaqkov hawr-eu Miqyaer gharduq ngaeqdan-eu tsawrhaq dawqtawvluf, Miqyaer uvlanr-eu jeq-euq lafkhoer jawrluf-eu gar nawmaf ya’mawr taef-a. Aerkhawf, nawmaf-anr-aq, lafnyir paw taedzae naeqlaf taef-a. Nawmaf khoergar jawr-awr, ngoer-awr seuq yateuf taef-a.

Maꞈtehˬ 3:12

Aqyawf-euq aqlaf-euq lafkhoer caer bawseu nyaeftaeq taq-euq mae. Aqyawf-euq caerbymr saqkhawf lavluiv-awr, caermar deuq caerjir-anr pi’anr taef-a. Caerkhawf deuq-anr-aq, maqmiv-ir-eu miqdzaq nae keuqdzae taef-a.”

Jaceuq 21:9

Nawr nuima paer-eu aryamq-anr, nawr, aqyawf maf-anr miqdzaq tsawqbym lof-aer bi pyeuflar-awr; Ya’we Miqyaer nuima yawkhav-aer paer-eu lafkhoer, aqyawf maf-anr myeufanr jir-awr; Khoernar-aq, miqdzaq, aqyawf maf-anr puivdzaqjir taef-a.

Panmaeq 9:2

Khoerngae, aqguir khoersiq, li-eu maqbaw-eu duqkhanq khoerkhanq-anr pan-euq mae. Khoerngae, miqdzaq tsawqbym bym’ma-anr nae uqkhoeq tanqdov laf-eu lof-aer, duqkhanq khoerkhanq-anr nae uqkhoeq tanqdov laf-eu mae. Uqkhoeq khoer-euq baqda’nae, nanrma hawr-eu mq zanrtsuini pyeuf-ir-euq mae.