Maꞈtehˬ 13:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqyawf-anr muir-awr shmrma saeq-euq ghaq-aq, naef sanqpaq mae. Caer yaeq-eu aryamq-aq, mirtsaq heu arsaqsaq ngae nan-anr aer-eu mae. Caer yaeq-eu deuq-aq, mqtav ghaqkhaer mae.

Akha

³⁹ Shmˇ ma sehˬ kʼoeˬ-eu muiˇ-eu gʼaˬ lehˇ ehˇ-eu-aˬ, Nehꞈ sahˬ paˬ-ahˇ ehˇ-eu meh. Cehˇ laˆ luiˆ-eu aˇ yamˬ lehˇ ehˇ-eu-aˬ, miˇ tsaˬ heu aˇ saˬ saˬ-eu aˇ yamˬ-ahˇ ehˇ-eu meh. Cehˇ yehˬ cehˇ diˬ-eu tsawˇ haˬ deuˬ lehˇ ehˇ-eu-aˬ, mˬ taˆ gʼaˬ kʼehˇ deuˬ-ahˇ ehˇ-eu meh.

Maꞈtehˬ 13:39 Referans Kwoze

Maꞈtehˬ 13:49

Mirtsaq heu arsaqsaq ngae nan khawf khoerlof-aer pyeuflar taef-a. Mqtav ghaqkhaer oe-awr, tsaq-awr dawr-eu tsawrhaq hawr-eu yawcawv jeq mr-eu tsawrhaq-anr tserpav-awr nae,

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Maꞈtehˬ 24:3

Yeqsur, Saqloq gawqjawq-anr nuirluf ngae, zaqlanr deuq taef-aer ciqcurni aqyawf jawr-eu gar lar-awr Yeqsur-anr narhaq-eu, “Heudeuq aqmyan pyeuflar-eu la? Nawr zafka le-eu hawr-eu mirtsaq heu arsaqsaq ngae pyeuflar-eu deuq, bisiq bimawr-eu jeq aqjeq jav-eu la laer nga’maf-anr ja’maeq naeqlaf-awq.”

Maꞈtehˬ 13:25

Aerkhawf, tsawrhaq yufkhavluf ngae, aqyawf-anr muir-eu ghaq lar-awr, caer siqyoeq saeqtaq-euq gar shmrma saeq-awr can-euq mae.

Yuˇdaˆ 1:14

Aqdaq-anr nae guikalef ngae, shiftsuif tiqtsuif-anr jawr-eu Ernov khawf aqyawf maf-euq garkawv, Miqyaer gharduq heulof-aer ngaeqdan taq-euq mae, “Hawde-eq. Sanqpaq Miqyaer, aqyawf-euq tsawrshawr armyaer arjuirghaq sheuq-awr oe taef-a.

1 Beˬtuˆluˆ 5:8

Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.

HeˬByehˇ 9:26

Khoerlof-aer ya lawrnaeq lawnmr-aq, mqmir bae-euq taf nar-aq, aqyawf ghawqmya pov shaqzanq yadaq-euq law taef-a. Aerkhawf, aqyawf iqbax yurdzae-eu laer arsaq saq-eu aryamq heu-euq lafkhoer, aqyawf-euq mawrdo lawrnaeq-euq baqda’nae, aqyawf tiq pov dovle-euq taef mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Maꞈtehˬ 13:28

Yarsanr ghaq aer-eu, ‘Ngaq-anr muir-eu ghaq nae janr-euq nga.’ Kuirlaf zaqkhav khoerdeuq narhaq-eu, ‘Nawr, nga’maf nae bi ghawrdzae-ir mawf mir-a lor?’

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Maꞈtehˬ 13:40

“Shmrma-anr dzanq-awr, miqdzaq nae keuqdzae-eu lof-aer, mirtsaq heu arsaqsaq ngae nan khoerlof-aer pyeuflar taef-a.

1 Gawˇliˬtu 10:11

Aqyawf maf-anr pyeuflar-euq garkawv heudeuq dawqtawvluf hawgeufduq pyeufni, arsaq saq-eu arnan aryamq-euq lafkhoer jawr-eu aqdui yanrnya larni boftaq-euq mae.

HeˬByehˇ 1:2

Arsaq saq-eu arnan aryamq heu-anr-aq, aqyawf-euq Zaqyo-anr ghoe-awr, aqdui-anr ngaeqcawq-euq mae. Dawqtawvluf, aqyawf-euq jeqbir bipyeuf-eu laer, Miqyaer, aqyawf-anr tsaqtsov-awr, Miqyaer, aqyawf-anr ghoe-awr, mq hawr-eu mir-anr baetaq-euq mae.