Maꞈtehˬ 13:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aerkhawf, tsawrhaq yufkhavluf ngae, aqyawf-anr muir-eu ghaq lar-awr, caer siqyoeq saeqtaq-euq gar shmrma saeq-awr can-euq mae.

Akha

²⁵ Tiˬ miˇ-aˬ, aˬ cawˬ yuꞈ tsiˇ jiˇ-euˬ yamˬ-ahˇ, muiˇ-eu tsawˇ haˬ tiˬ gʼaˬ oe-awˇ, cehˇ siˬ yoeˬ sehˬ taˬ-euˬ gaˇ shmˇ ma sehˬ kʼoeˬ-awˇ cah-euˬ meh.

Maꞈtehˬ 13:25 Referans Kwoze

1 Beˬtuˆluˆ 5:8

Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.

2 Beˬtuˆluˆ 2:1

Aerkhawf, tsawrhaq-euq ghanrcae, Miqyaer gharduq ngaeqdan-eu jaqmyawf deuq jawr-awr, nawmaf-euq ghanrcae khawf, maeqzaq jaqmyawf deuq dovlar taef-a. Aqyawfmaf lavcawv-eu janbanq janlaeq-eu jeq yuranrkhoeq laf-awr, aqyawf maf-anr zeurkhof-euq Sanqpaq-anr khawf “Maqsiq” laer pyaer taef-a. Khoermirnae, aqyawf maf-euq khoertav cawv-ir-eu jeq yawkawr-aer keuvleni yawqhar yawqha janr-eu mae.

Maꞈtehˬ 13:39

Aqyawf-anr muir-awr shmrma saeq-euq ghaq-aq, naef sanqpaq mae. Caer yaeq-eu aryamq-aq, mirtsaq heu arsaqsaq ngae nan-anr aer-eu mae. Caer yaeq-eu deuq-aq, mqtav ghaqkhaer mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

Maꞈtehˬ 25:5

Yoshuif oemya-euq mirnae, aqyawfmaf dawqtawvluf yufyoer ngeurlar-awr yufkhav-euq mae.

Gaˬlaˬtiˆ 2:4

Aqjeq mirnae aernar-aq, tsawrhaq tiqpavnav deuq aqyuif aqnyir janrgeuf-awr, nga’maf-euq lafkhoer urkhoeq lar-euq mae. Aqdui-anr zaqkhav bigeuf-ir-eu laer Yeqsur Kali-euq lafkhoer za-euq buq-ir-eu jeq-anr khoeqsho luf-eu mae.

Panmaeq 2:20

Aerkhawf, ngar, nawq-anr aer paq-aer ghae-eu heumyav jeq jav-eu ma. Yawqhar yawqha, Miqyaer gharduq ngaeqdan-eu tsawrhaq ma laer aer-eu zaqmiq aqbur Yeqsaqbeqlar-anr nawr bi jawrluf-eu nga siq. Aqyawf, ngaq-euq ghaqzaq ghaqkhaer-anr banq-awr, khaqmiq sheuni hawr-eu tanqpanq aqma mawrkawr-anr lawrnaeq-euq lawrdzar dzaqni, maeqnaeq tsovnaeq-awr murluf-eu mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Maꞈtehˬ 13:24

Yeqsur, aqyawf maf-anr yawjeq majeq dawq, yawqdawq yawq-anr nae heulof-aer maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, aqyawf-euq caeryar-anr caer siqyoeq yawmuiq saeq-euq mae.

Maꞈtehˬ 13:26

Caerji jilar-awr, ghobymq ghodov dovlar ngae, shmrma khawf dovlar taq-euq gar ya’mawr-euq mae.

Maꞈtehˬ 13:27

Khoerngae, yarsanr ghaq-euq kuirlaf zaqkhav deuq, aqyawf-anr tsafgaq lar-awr aer-eu, ‘Sanqpaq-or! Nawr, nawq-euq caeryar-anr siqyoeq yawmuiq saeq-euq maqngeur lor? Shmrma khoerdeuq aqgeugar nae daeflar-euq nga?’

Maꞈtehˬ 13:29

Khoerngae, yarsanr ghaq heulof-aer aerkhof naeq-euq mae: ‘Taq ghawrdzae-ir siq. Shmrma ghawrdzae nar-aq, caerbawq khawf ghawrdzae-eu baw-mr.

Maꞈtehˬ 13:30

Caer yaeq ngae keuvni, nyiq jeq luf-anr tiqkawv lof-aer bidaef-awq. Caer yaeq yamq keuvlar nar-aq, Shmrma jeqhu lavuiq-awr, miqdzaq-anr bafpuiv-eu gharduq ardzanq dzanqtaq-awq. Caer-anr-aq, ngaq-euq caerjir-euq lafkhoer pi’anr taq-awq laer ngar, caer yaeq-eu deuq-anr aernaeq ma.’ ”