Maꞈtehˬ 13:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Mirtsaq mirmuiq-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-awr ghovshaw nya-eu tsawrhaq-anr aer-eu mae. Khoerlof-aer ghae-eu tsawrhaq deuq-aq, arsiq siqle-eu mae. Tiqpavnav deuq-aq 100 bymr, tiqpavnav deuq-aq 60 bymr, tiqpavnav deuq-aq 30 bymr laer siqle-eu mae.”

Akha

²³ Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-awˇ gʼoˆ shaw-euˬ tsawˇ haˬ deuˬ-ahˇ ehˇ mawꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ diˇ aˬ maˇ aˇ siˬ siˬ le-eu meh. Tiˬ paˆ na deuˬ tiˬ yaˇ bymˇ, tiˬ paˆ na deuˬ koꞈ tseˇ bymˇ, tiˬ paˆ na deuˬ smˬ tseˇ bymˇ siˬ le-eu meh.”

Maꞈtehˬ 13:23 Referans Kwoze

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Maꞈtehˬ 12:33

“Arbawr yawmuiq nar-aq, arsiq khawf yawmuiq mae laer nawmaf siqnya-awr, arbawr maqmuiq nar-aq, arsiq khawf maqmuiq-a laer siqnya-eu mae. Arsiq-anr haw nar-aq, arbawr-anr siqlar taef-a.

Maꞈtehˬ 13:8

Aerkhawf, tiqpavnav deuq-aq, mirtsaq mirmuiq-anr ga-ir-awr arsiq siqle-euq mae. Tiqpavnav deuq-aq 100 bymr, tiqpavnav deuq-aq 60 bymr, tiqpavnav deuq-aq 30 bymr laer siqle-euq mae.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Maꞈtehˬ 3:8

Nawmaf noeqpov noeqpar-euq gar geux-eu arsiq bi siqle-awq.

Luˇkaꞈ 13:9

Aqkar arsiq siqle nar-aq, yawmuiq taef-a. Maq siqle nar-aq, khoerngae nawr turdzaenya taef-a.’ ”

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

HeˬByehˇ 8:10

Khoeryamq dzeur-euq nar-aq, Ngar, Irsaqleqlav-euq nymrkhanq-anr dawqma sarjax heulof-aer dzaq ma laer Sanqpaq Miqyaer aer-eu mae: Ngar, ngaq-euq zanrdawq aqyawf maf-euq nuinoeq-euq lafkhoer dawvanr naeq-awr, aqyawf maf-euq nuima-anr bofmyanqnaeq ma. Khoernar-aq, ngar, aqyawf maf-euq Miqyaer pyeuf-awr, Aqyawfmaf khawf ngaq-euq tsawrhaq pyeuflar taef-a.

HeˬByehˇ 4:2

Aqjeq mirnae aernar-aq, aqyawf maf-anr guiqlanqdawq maeqnaeq-euq lof-aer, aqdui-anr khawf maeqnaeq laf-euq mae. Aqyawfmaf dawq khoer-anr yagaq-euq khawf maqjan-eu mirnae, yagaq-euq dawq khoer gardanr maqtsoeq-a.

2 Teˇsaˬloˇni 2:10

Khoeruqtaf, cawv-ir luf-eu tsawrhaq-anr myawfza shuirza nya’ni, aqyawf maqtsaq maqdawr-eu yawqjeq navluf-anr ghoe taef-a. Aqyawfmaf kakhof-eu jeq za’ni, yawtsaq yawdawr-anr maqgaq-aer maq hageuf-eu mirnae yacawv-ir-eu mae.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

Piˇliˇpiˆ 4:17

Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

2 Gawˇliˬtu 9:10

Miqyaer, siqyoeq saeq-eu tsawrhaq-euq gharduq siqyoeq zanqnaeq-awr, dzaq-eu gharduq dzaqdzaq dawrdawr bifnaeq luf-ur! Aqyawf, nawmaf ka-eu gharduq, siqyoeq laeqhmq naeq-awr, nawmaf nae saeqtaq-euq siqyoeq khoer bibaw bi zale-eu uqtaf, tsaq-awr dawr-eu jeq bimyaq bi sanrlar luf-ur!

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Gʼaˬkʼehˇ 16:14

Khoerngae, Miqyaer-anr uqduq tanq-eu, Tiqyaqdiqlar meuq-anr jawr-euq Luqdir laer kur-eu, nerpuir puir-eu saqpar anq-eu zaqmiq aqbur tiq ghaq, nga’maf ngaeq-eu gar gaq-euq mae. Pawrluv nae ngaeq-euq garkawv deuq-anr yawmuiq-aer narhaqni, Sanqpaq Miqyaer, aqyawf-euq nuima pan-euq mae.

Yoˇhaˬ 8:47

Miqyaer-anr nae dovle-euq tsawrhaq-aq, Miqyaer-euq dawq narhaq taef-a. Nawmaf-aq, Miqyaer-anr nae dovle-euq maqngeur-eu mirnae maq narhaq-eu nga.”

Luˇkaꞈ 8:15

Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

Maˬkuˆ 10:15

Ngar, nawmaf-anr aqdirma-aer aernaeq nyar, zaq yawnyir tiq ghaq lof-aer Miqyaer uvlanr-eu jeq-anr maq hageuf-eu aqsur ghaq maqkaq, Miqyaer uvlanr-eu jeq-anr tiqjeq ghaenae-iq maqya urler-ar.”

Maˬkuˆ 4:20

Mirtsaq mirmuiq-anr ga-ir-euq deuq-aq, tsawrhaq tiq ghaq Yaerdawq yagaq-awr hageuf-euq mirnae, arsiq siqle-eu mae. Tiqpavnav deuq-aq 30 bymr, tiqpavnav deuq-aq 60 bymr, tiqpavnav deuq-aq 100 bymr laer siqle-eu mae.”

Maꞈtehˬ 3:10

Nymq-mr deuvhaq, arbawr-euq dawqpaeq-anr bafmawq taq-euq mae. Arsiq yawmuiq maq siqle-eu arbawr yawqbawr navluf turdzae-awr, miqdzaq-anr bafpuiv taef-a.

HeˬByehˇ 6:7

Mirtsaq tiq tsanr-anr uqyaer tiqkhaeq maqtaqni yaershaeq le-awr, kadzaq kadawr-eu deuq-euq gharduq, gardanr tsoeq-eu sanqlanq ghawqdar daefdov lar-eu khoer-aq, Miqyaer-euq guiqlanq za-euq mae.

Luˇkaꞈ 8:8

Tiqpavnav deuq-aq, mirtsaq mirmuiq-anr ga-ir-awr, daeflar maerlar-awr, arsiq 100 bymr siqle-euq mae.” Yeqsur khoerlof-aer aerghaq ngae, tersar yawkhav-aer aer-eu, “Naqbawr tsof-awr khar gaqnya-eu tsawrhaq narhaq-awq.”