Maꞈtehˬ 13:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aerkhawf, aqyawf-euq lafkhoer duqcir maq ka’naf nya-euq mirnae, ghawqmyanrni maqgmq-a. Dawq khoer-euq baqda’nae shaq-awr zanq-eu jeq hawr-eu khaeq-awr khav-eu jeq keuvle ngae, tiqpov taef-aer coq-ir-eu mae.

Akha

²¹ Ehˇ kʼawꞈ, duˬ ciˇ maˬ toeˬ ziꞈ nya-eu miˇ neh, gʼawˬ myahˇ ni maˬ gmˬ-a. Dawˬ kʼoeˇ deuˬ-ahˇ ha geuꞈ-euˬ baˬ da neh shaˬ-eu zahˬ-eu jeˬ hawˇ-eu kʼehˬ-eu kʼaˆ-eu jeˬ-ahˇ ya daˬ ngeh, tiˬ poˆ tehꞈ-ehˇ coˬ-iˇ-eu meh.

Maꞈtehˬ 13:21 Referans Kwoze

Maꞈtehˬ 11:6

Ngaq-euq baqda’nae sanqtif maqtif-eu tsawrhaq-aq, guiqlanqhuiq taef-a.”

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

Dawqdaq 12:3

Tsawrhaq tiqghaq-iq yawcawv jeq-anr ghoe-awr nae maq lavzif nya-a. Aerkhawf, tsaq-awr dawr-eu tsawrhaq deuq-euq duqcir-anr, maq lavjiv nya-a.

Jaceuq 36:3

Aqyawf-euq khaqmae-aq, yawcawv hawr-eu jaqmyawf maershuir-euq dawq ngaeq-awr; Aqyawf tsawrganr anr-eu lof-aer daef-awr yawmuiq jeq mr-eu byaertsaev tsaev-euq mae.

2 Tiˆmoˇseˬ 1:15

Nawr siqnya-eu lof-aer Aqsir mircoer-anr jawr-eu tsawrhaq yawqghaq navluf ngaq-anr byaerdzae naeqlaf-euq mae. Tsawrhaq khoerdeuq-euq lafkhoer, Piqgeqlur hawr-eu Heqlarmorjeq khawf keuq-eu mae.

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Gaˬlaˬtiˆ 6:15

Aqjeq mirnae aernar-aq, Yeqsur Kali-euq lafkhoer bawkhov maeqdzaq yaeq-eu hawr-eu maqyaeq-eu heu-aq, tiqjeq-iq gardanr tsoeq-eu maqngeur-a. Tsawrhaq yawshuif pyeuflar-eu taef-aer gardanr tsoeq-eu mae.

Gaˬlaˬtiˆ 6:12

Shiqshaq-euq lafkhoer yawmuiq janrgeuf mawf-awr tsawrhaq khoerdeuq, nawmaf-anr bawkhov maeqdzaq yaeq laer katir lar-eu khoer-aq, aqyawfmaf, Kali-euq lafyaq-euq baqda’nae khaeq-awr khav-eu gar maqya daqni janr-eu taef mae.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Yoˇhaˬ 6:26

Yeqsur heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, nawmaf, ngaq-anr pov-eu-aq, bisiq bimawr-eu jeq ya’mawr-euq mirnae maqngeur-a. Aerkhawf, kaqmur tiqdaev yadzaq-euq mirnae pov-eu mae.

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Maˬkuˆ 4:17

Aerkhawf, aqyawf maf-euq lafkhoer duqcir maq ka’naf nya-euq mirnae, ghawqmyanrni maqgmq-a. Yaerdawq khoer-euq baqda’nae, shaq-awr zanq-eu jeq hawr-eu khaeq-awr khav-eu jeq keuvle ngae, aqyawfmaf tiqpov taef-aer coq-ir-eu mae.

Maꞈtehˬ 26:33

Beqtuvluv aer-eu, “Aqcawq yawqghaq navluf, nawq-euq baqda’nae sanqtiftif jir-euq khawf, ngar-aq maqtif.”

Maꞈtehˬ 26:31

Khoerngae, Yeqsur, aqyawf maf-anr heulof-aer aernaeq-euq mae, “Nymrcif nawmaf yawqghaq navluf, ngaq-euq baqda’nae sanqtiftif taef-a. Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Ngar, yawr bo-eu ghaq-anr diq ngae, Yawrmaf-euq yawrdeuq caevbyavjir taef-a.’ (Zkl 13:7)

Maꞈtehˬ 24:13

Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Maꞈtehˬ 13:57

Aqyawfmaf, aqyawf-anr nuima maqsar-a. Khoermirnae, Yeqsur aer-eu, “Miqyaer gharduq ngaeqdan-eu tsawrhaq-aq, yawqha-euq jawrkhanq hawr-eu yawqha-euq nymrkhanq-euq lafkhoer maqngeur nar-aq, khanqsaer maqjav-aer maqghae-a.”

Maꞈtehˬ 13:6

Aerkhawf, nanrma dovlar-awr, arji khoerdeuq-anr uqtsar lawfzaw ngae, duqcir maq ka’naf nya-eu mirnae, nyoeq-ir kov-ir-euq mae.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Dawqdaq 12:12

Tsawrcawv-aq, tsawrdoer deuq nae mrza laf-euq jeq-anr maerjuir juir-eu mae. Aerkhawf, tsaq-awr dawr-eu tsawrhaq-euq duqcir-aq, arsiq bi siqle-eu mae.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Maꞈtehˬ 13:20

Khaqlo myaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq naeq-aer laqkhaq caertavni hageuf-euq tsawrhaq-anr aer-eu mae.

Yaˬkoˆ 3:2

Aqdui yawqghaq navluf, ghawqmya jeq-anr sanqtif tifnya mir-a. Aerkhawf, dawq maq ngaeqbanq maq ngaeqlaeq-eu tsawrhaq-aq, byan-eu tsawrhaq pyeuf-awr, yawqha-euq mawrdo dawqtawv luf-anr ghaqler nya-eu maeqkawf dawvtaq-euq tsawrhaq mae.