Maꞈtehˬ 13:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Akha

¹¹ Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 13:11 Referans Kwoze

1 Gawˇliˬtu 2:14

Aerkhawf, Miqyaer-euq Saflar-anr taf-eu deuq-anr maq daefpov-euq tsawrhaq maq hageuf nya-a. Khoerdeuq-aq, aqyawf-euq gharduq aqdzawq argan-euq dawq lof-aer pyeuf-awr aqyawfmaf, garkawv heudeuq-anr maq ghovshaw nya-a. Aqjeq mirnae aernar-aq, saflar paw tserpav birpav nya-eu tsawrhaq taef-aer heudeuq-anr ghovshaw nya-eu mae.

Maꞈtehˬ 19:11

Khoerngae, Yeqsur heulof-aer aernaeq-euq mae: “Dawq teudawq-aq, yawqghaq navluf hageuf coer-eu maqngeur-a. Miqyaer nae biftaq-euq deuq taef-aer hageuf coer-eu mae.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

1 Yoˇhaˬ 2:20

Yawshawr ghaq, nawmaf-anr tsaqtsov-euq mirnae, nawmaf yawqjeq navluf-anr siqnya mae.

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Eˇpeˇsu 5:32

Heu-aq, zaftaq-euq huiq duidui-eu tiqjeq pyeuf-eu mae. Aerkhawf, ngar-aq, Kali hawr-eu Kalizaq armur-anr taf-eu garkawv aermawf-eu ma.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

Luˇkaꞈ 8:10

Khoerngae, aqyawf heulof-aer aernaeq-euq mae, “Miqyaer uvlanr-eu garkawv zaftaq-euq deuq nawmaf-anr taef-aer bi siqnya-eu ma. Aerkhawf, nuideuq-anr-aq, ‘Haw khawf maq mawrnya-aer, gaq khawf maq ghovshaw nya’ni, Aqyawf maf-anr-aq, yawjeq majeq dawq-anr nae maeqnaeq-eu ma.’ (Isy 6:9)

1 Gawˇliˬtu 15:51

Haeqsher-eq, ngar, nawmaf-anr zaftaq-euq tiq jeq aernaeq nyar. Aqdui dawqtawvluf yashir-eu maqngeur-a. Aerkhawf, aqdui dawqtawv luf-anr lavpar naeqlaf taef-a.

1 Gawˇliˬtu 2:7

Dzeurlaf ngae zaftaq-awr daeqkaq taq-euq Miqyaer-euq zaqsiq tsawrganr-euq garkawv nga’maf jaluf-eu ma. Zaqsiq tsawrganr heu-aq, aqdui khanqsaer za’ni, mirtsaq heu maqbae-euq minav-aer Miqyaer nae noeqtsaev taq-euq mae.

Yoˇhaˬ 6:65

Yeqsur aer-eu, “Khoermirnae, ngaqDa nae maqbi lar-euq nar-aq, tsawrhaq tiqghaq-iq ngar jawr-eu gar maq larnya-a laer ngar, nawmaf-anr aernaeq-euq ma.”

1 Tiˆmoˇseˬ 3:9

Shawrjaevni ghae-eu zaqsiq nuisiq anr-awr, jan-eu jeq-anr tafler-eu zaftaq-euq deuq-anr zifdanni tuvtaeq taq-euq tsawrhaq yapyeuf-eu mae.

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

Maˬkuˆ 4:11

Khoerngae, Yeqsur, aqyawf maf-anr heulof-aer aernaeq-euq mae, “Miqyaer uvlanr-eu garkawv zaftaq-euq jeq, nawmaf-anr taef-aer bi siqnya-eu ma. Aerkhawf, aqcawq-anr-aq, yawqjeq navluf yawjeq majeq dawq-anr nae taef-aer maeqnaeq ma:

Gawˇlawˇsehˇ 2:2

Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

Eˇpeˇsu 6:19

Ngar guiqlanq dawq-anr taf-eu zaftaq-euq jeq-euq garkawv bisiqni, khaqmae mrnga-awr ngaeq-eu laer ghae ngae, Miqyaer, ngaq-anr dawq bifnaeq laf-awr, nuima khaqduqni maeqnya’ni, ngaq-euq gharduq khawf guiqlanq sharcaw naeqlaf-awq.

1 Gawˇliˬtu 4:7

Aqsur ghaq nae nawmaf-anr bi beugar lar-euq la? Nawr bifnaeq laf-eu gar za-euq maqngeur-eu aqjeq jav-eu le? Nawr aqdir bifnaeq laf-eu gar za-euq ngeur nar-aq, maqngeur-eu lof-aer aqjeq mirnae nuima huiqluf-eu le?

1 Gawˇliˬtu 4:1

Nga’maf-aq, Kali-euq ghaqzaq ghaqkhaer pyeuf-awr, Miqyaer nae zaftaq-euq deuq-anr hawpir-eu tsawrhaq nga laer tsawrhaqzaq sawxnaeq laf-eu tsaq taef-a.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Jaceuq 25:14

Ya’we Miqyaer nae zaftaq-euq jeq-aq, aqyawf-anr guv-eu tsawrhaq deuq naeq-aer jav-awr; Aqyawf, aqyawf maf-anr aqyawf-euq dawqma sarjax bimawr-eu mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Gʼaˬkʼehˇ 16:14

Khoerngae, Miqyaer-anr uqduq tanq-eu, Tiqyaqdiqlar meuq-anr jawr-euq Luqdir laer kur-eu, nerpuir puir-eu saqpar anq-eu zaqmiq aqbur tiq ghaq, nga’maf ngaeq-eu gar gaq-euq mae. Pawrluv nae ngaeq-euq garkawv deuq-anr yawmuiq-aer narhaqni, Sanqpaq Miqyaer, aqyawf-euq nuima pan-euq mae.

Maꞈtehˬ 13:10

Khoerngae, zaqlanr deuq lar-awr Yeqsur-anr narhaq-eu, “Nawr aqjeq mirnae tsawrhaq armaf mafma-anr yawjeq majeq dawq zmqzmq-aer maeq-eu le?”

Maꞈtehˬ 20:23

Yeqsur, aqyawf nyaf-anr aernaeq-eu, “Nawnyaf, ngaq nae dawr-euq khmqmaq, aqdir yadawr-awr, ngaq nae hageuf-euq bartirsaq-anr khawf nawnyaf ya hageuf taef-a. Aerkhawf, ngaq-euq arcar paw hawr-eu armar paw ya’nuirni ngar bifnya-eu maqngeur. Nuirduq khoer-aq, ngaqDa nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Maˬkuˆ 10:40

Aerkhawf, ngaq-euq arcar paw hawr-eu armar paw ya’nuir ni-aq, ngar bi nuirnya-eu maqngeur, nuirduq khoer-aq, Miqyaer nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.