Maꞈtehˬ 12:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khoermirnae, aqyawf aer-eu, ‘Ngar, ngaq nae dovle-euq ngaq-euq nymr-anr ghofler ma.’ Khoernar-aq, aqyawf ghofkeuvler ngae, nymr khoernymr yavjur taq-awr juirkheuni lavsav taq-euq uqtaf, yawqngaef-aer jav-eu gar ya’mawr-euq mae.

Akha

⁴⁴ Kʼoeˇ naˇ, ‘Ngaˬ-euˬ nymˇ-ahˇ paˇ gʼoꞈ jawˇ leˇ ma’ lehˇ ehˇ-awˇ gʼoꞈ leˇ ngeh, nymˇ kʼoeˇ nymˇ juˇ tsui ni laˆ saˆ taˬ-awˇ, tiˬ gʼaˬ-iˬ maˬ jawˇ ni ngehꞈ luꞈ gaˇ ya mawˇ-euˬ meh.

Maꞈtehˬ 12:44 Referans Kwoze

1 Yoˇhaˬ 4:4

Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Yoˇhaˬ 13:27

Yurdav, kaqmur khoerpyaeq yurghaq-euq naeq-aer, naef Saqdaq, aqyawf-euq nuima-euq lafkhoer urler-euq mae. Khoerngae, Yeqsur, aqyawf-anr aernaeq-eu, “Nawr mr-eu laer ghae-eu jeq yawkawr-aer mr-ir-awq.”

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Yoˇhaˬ 12:6

Aqyawf khoerlof-aer aer-eu-aq, shaqzaq zanqzaq deuq-anr sharnoeq-awr aer-eu maqngeur-eu, smrkhoeq pyeuf-eu mirnae aer-eu mae. Aqyawf pyur pawqbaev jeqhmq-eu ghaq pyeuf-awr, khoer-euq lafkhoer anr-eu pyur khoeqluf-eu mae.

Maꞈtehˬ 12:29

“Ghaqkhav aqda tiq ghaq-euq nymr-anr urler-awr, aqyawf-euq myawqganq aqjox-aer daegeuf nya-eu la? Ghaqkhav aqda khoerghaq-anr jeqhu pafcuf ghaq-awr nae taef-aer, aqyawf-euq nymr-euq lafkhoer jav-eu myawqganq yurgeuf nya-eu mae.

Maꞈtehˬ 12:43

“Naef yawjawf tiq mawr, tsawrhaq tiq ghaq-euq lafkhoer nae dov-ir-awr, guicorni ghae-eu gar irir larlar-aer, ghaqnaq naqduq pov-ir-euq khawf maq povmawr nya-aq.

Maꞈtehˬ 12:45

Khoerngae, aqyawf, aqyawf naeq-aer bijawr-eu laer, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Arsaq saqlar ngae-aq, tsawrhaq khoerghaq-euq ardeuv artiv, yawbae navmaqtser doerdzaeq-ir-euq mae. Zawr cawv-eu heuzir khawf khoerlof-aer pyeuflar taef-a.”

Luˇkaꞈ 11:25

Aqyawf ghofkeuvler ngae, nymr khoernymr yavjur taq-awr juirkheuni lavsav taq-euq gar ya’mawr-euq mae.