Maꞈtehˬ 12:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Yarkhaqdar ngae nan, Nirnaqbeq meuq-anr jawr-eu tsawrhaq deuq turlar-awr, heuzir-anr yarkhaqdar taef-a. Aqjeq mirnae aernar-aq, Nirnaqbeq meuq-anr jawr-eu tsawrhaq deuq, Yornav dawqmaeq maeq-eu gar yagaq ngae, noeqpov noeqpar-euq mae. Hawsher-eq, heugar Yornav navmaqtser huiq-eu ghaq jawrluf ma.

Akha

⁴¹ Yaˇ kʼaˬ daˇ-eu Aˇ nah keuˆ le ngeh, Niˇnaˬbeˬ meuˬ-ahˇ jawˇ-eu tsawˇ haˬ deuˬ tuˇ laˇ-awˇ, naw maꞈ-ahˇ iˬ baˇ taˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ Yawˇnaˆ dawˬ mehˬ mehˬ ngeh, aˬ yawꞈ maꞈ iˬ baˇ noeˬ poˆ-euˬ meh. Yawˇnaˆ naˆ maˬ tseˇ huiˬ dzehˬ-eu gʼaˬ nymˬ-mˇ heu gaˇ jawˇ luꞈ ma lehˇ, naw maꞈ-ahˇ ngaˇ ehˇ-eu ma.

Maꞈtehˬ 12:41 Referans Kwoze

Maꞈtehˬ 12:42

Yarkhaqdar ngae nan, lafov paw-euq sanqpaqma turlar-awr, heuzir-anr yarkhaqdar taef-a. Aqjeq mirnae aernar-aq, zaqsiq tsawrganr zawr byan-eu Sorlaqmoq-euq dawq narhaq-eu laer, mqdzer mirdzer-anr nae aqyawf lar-euq mae. Hawsher-eq, Sorlaqmoq navmaqtser huiqdzaeq-eu ghaq heugar jawrluf ma.

HeˬByehˇ 11:7

Noraq jan-eu mirnae, maq mawrhaw-euq jeq Miqyaer, aqyawf-anr aernaeq ngae, yawzeu baw-awr guv-eu lafkhoer narhaq geuf-awr, aqyawf-euq nymrkhanq yabuq-ir ni lawq lawqma tiq lawq tsov-euq mae. Aqyawf jan-eu khoer-aq, mirtsaqzaq-anr dar-eu jeq pyeuf-awr, aqyawf-anr tsaq-awr dawr-eu jeqbir of-eu tiq ghaq bi pyeuflar-euq mae.

Lormav 2:27

Boftaq-euq zanrdawq jav-awr, shiqshaq paw bawkhov maeqdzaq yaeq-euq khawf, nawr zanrdawq-anr mrlaeq-euq nar-aq, bawkhov maeqdzaq maqyaeq-euq khawf, zanrdawq mrbyan-eu tsawrhaq nae nawq-anr yarkhaq yabi dar-eu maqngeur-a laq?

Yoˇhaˬ 3:31

“Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae. Mirtsaq-anr nae dovlar-euq ghaq-aq, mirtsaq-anr taf-awr, mirtsaq-euq garkawv taef-aer ngaeq-awr tmr-eu mae. Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae.

Maꞈtehˬ 12:6

Aerkhawf, ngar, nawmaf-anr aernaeq nyar, uqduq tanqnymr nymrma navmaqtser huiq-eu ghaq heugar jawr-eu ma.

Yoˇhaˬ 4:12

Nawr, landuq heuduq bifnaeq laf-euq, aqdui-euq aqda Yaqkov navmaqtser huiqdzaeq-eu le lor? Aqyawf hawr-eu aqyawf-euq zaqdeuq, aqyawf-euq jeqzaq deuq khawf, landuq heuduq-anr dawr-euq mae.”

Luˇkaꞈ 11:32

Yarkhaqdar ngae nan, Nirnaqbeq meuq-anr jawr-eu tsawrhaq deuq, heuzir-euq tsawrhaq naeq-aer turla-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, Yornav dawqmaeq maeq-eu gar aqyawfmaf yagaq ngae, iqbax noeqpov noeqpar-euq mae. Hawsher-eq. Yornav navmaqtser huiqdzaeq-eu ghaq heugar jawrluf ma.

Maꞈtehˬ 23:36

Ngar, nawmaf-anr aqdirma-aer aernaeq nyar, heudeuq dawqtawvluf heuzir-euq khoertav keuvle taef-a.

Maꞈtehˬ 17:17

Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr ya’or-eu la siq? Aqyawf-anr, ngar jawr-eu gar sheuqlaf-awq.”

Maꞈtehˬ 16:4

Zawr cawv-awr banq-awr muv-eu heuzir-aq, bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq khoer maqngeur nar-aq, aqyawf maf-anr nuijeq maqbi mawr.” Khoernar-aq, Yeqsur, aqyawf maf-anr nae ghawq-awr dov-ir-euq mae.

Maꞈtehˬ 12:45

Khoerngae, aqyawf, aqyawf naeq-aer bijawr-eu laer, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Arsaq saqlar ngae-aq, tsawrhaq khoerghaq-euq ardeuv artiv, yawbae navmaqtser doerdzaeq-ir-euq mae. Zawr cawv-eu heuzir khawf khoerlof-aer pyeuflar taef-a.”

Maꞈtehˬ 12:39

Khoerngae, Yeqsur, aqyawf maf-anr heulof-aer aerkhof naeq-euq mae: “Zawr doer-awr jawflafni banq-awr joe-eu heuzir-aq, bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maq mrhawnaeq.