Maꞈtehˬ 12:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Naef Saqdaq-aq, naef Saqdaq-anr taedov nar-aq, yawqhar yawqha birpav-awr muir-eu mae. Khoerlof-aer janr nar-aq, aqyawf uvlanr-eu jeq aqjox-aer zifnya nmr-mq?

Akha

²⁶ Kʼoeˇ loꞈ-ehˇ duˇ ni, Saˬdaˬ-euˬ miˇ kʼahˬ laꞈ kʼoeˇ tiˬ muˇ tiˇ muˇ deuˆ ceh ceh naˇ, aˇ muˇ paˆ-iˇ shaw-euˬ miˇ neh, miˇ kʼahˬ kʼoeˇ kʼahˬ gʼawˬ myahˇ ni maˬ paˇ ziꞈ-aˇ.

Maꞈtehˬ 12:26 Referans Kwoze

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

Panmaeq 16:10

Mqtav ghaqkhaer ngaq ghaq tiqghaq, aqyawf-euq khmqmaq, jeqzaq yawghae khoermawr-euq nuirmanq-anr shaevdavghae ngae, jeqzaq yawghae khoermawr uvlanr luf-eu mirkhanq zanrtsuini pyeuf-ir-euq mae. Tsawrhaqzaq nardui gawr duidui-eu mirnae, yawqha-euq maeqlar-anr yawqha kawfluf-eu mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Panmaeq 9:11

Aqyawf maf-euq sanqpaq-aq, li-eu maqbaw-eu duqkhanq-euq mqtav ghaqkhaer mae. Aqyawf-euq tsawrmyanr-aq, Heqbyaer dawq “Aqbaqdoq” laer kur-awr, Heqlaqsar dawq “Aqpawrliroq” laer kur-eu mae. (Dawqtsuif-aq, “Lavcawv-eu ghaq” laer aermawf-eu mae.)

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Yoˇhaˬ 16:11

Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

Maꞈtehˬ 4:10

Khoerngae, Yeqsur, aqyawf-anr aernaeq-eu, “Naef Saqdaq-or! Dov-ir-awq. Aqjeq mirnae aernar-aq, Yaerbof-euq lafkhoer boftaq-euq, ‘Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae.’ ” (Dm 6:13)

Maꞈtehˬ 9:34

Aerkhawf, Paqliqsaer deuq aer-eu, “Aqyawf-aq, naef sanqpaq-anr ghoeghoe-aer naef-anr taedov-eu nga.”

Maꞈtehˬ 13:19

Tsawrhaq tiq ghaq mqtav mirkhanq-euq garkawv yagaq-awr, maq ghovshawnya nar-aq, yawcawv ghaq lar-awr, aqyawf-euq nuima-euq lafkhoer saeqtaq-euq siqyoeq-anr yurdzae-eu mae. Khoer-aq, garma-euq khoertav ga-ir-euq deuq-anr aer-eu mae.