Maꞈtehˬ 11:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq huiq-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tawvdav tawvdav-aer noeqpov noeqpar taef-a.

Akha

²¹ “Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 11:21 Referans Kwoze

Gʼaˬkʼehˇ 12:20

Heqlor-aq, Durlu hawr-eu Sirdoq-anr jawr-eu tsawrhaq deuq-anr nuima paer duidui-eu mae. Khoermirnae, aqyawfmaf nuima tiqgar gm-awr, aqyawf jawr-eu gar lar-euq mae. Sanqpaq-anr cawba-eu ghaq Baqlaqdur laer kur-eu ghaq-anr bawqdzaq tsaq-awr, tsaqler dzoerlerni sharler-euq mae. Aqjeq mirnae aernar-aq, aqyawf maf-euq dzaqdzaq dawrdawr Heqlor-euq mirkhanq-anr ghoeluf-eu mae.

Yoˇhaˬ 12:21

Khoerngae, aqyawfmaf, Gaqliqlaer mirkhanq-anr jav-eu Baeqdzerdaq-anr nae oe-euq Pirlirpuv jawr-eu gar oe-awr shar-eu, “Saqlaq-or! Nga’maf, Yeqsur-anr mawrmawf nya.”

Luˇkaꞈ 9:10

Khoerngae, ghaqkhaer deuq ghoflar-awr, kharmr kharshar-euq deuq Yeqsur-anr dzawrnaeq-euq mae. Yeqsur, aqyawf maf-anr taef-aer kurceuv-awr, Baeqdzerdaq-euq bawrtsanq bawrdanr-anr dov-ir-euq mae.

Maˬkuˆ 6:45

Yeqsur, tsawrhaq armaf mafma deuq-anr bighof-ir luf ngae, zaqlanr deuq-anr-aq, lawq-anr yawkawr-aer biur-ir-awr, aqyawf-euq maeqhu nae lan-euq nuibaq paw jav-eu Baeqdzerdaq-anr bitsaev-ir tawq-euq mae.

Maꞈtehˬ 15:21

Yeqsur khoergar nae dov-ir-awr, Durlu hawr-eu Sirdoq mirkhanq paw ir-euq mae.

Yuˇdaˆ 1:11

Aqyawfmaf ghawqshar shaq-aer ya ghaesaef taef-a! Aqjeq mirnae aernar-aq, aqyawf maf-aq, Gaqirnav-euq garma-anr canluf-awr, Baqlamq nae pyurshuir-anr maerjuir juir-awr mrpoeq za’ni noeqtmq-awr mrbanq-euq garma-anr canluf-eu uqtaf, Korlav puiq-awr muir-euq lof-aer puiq-awr muir-eu mirnae yacawv-ir taef-a.

Yoˇhaˬ 1:44

Pirlirpuv heughaq-aq, Aqdaeqlaeq hawr-eu Beqtuvluv jawr-eu, Baeqdzerdaq-anr jawr-eu mae.

Luˇkaꞈ 6:17

Yeqsur, aqyawfmaf naeq-aer gawqjawq-anr nae oeka ngae, Yurdav mirkhanq hawr-eu Yeqlursaqlaeq doeni, iqmalavshav-euq lawrdae-anr jav-eu Durlu hawr-eu Sirdoq-anr nae lar-euq tsawrhaq deuq, aqyawf-euq zaqlanr baqmaf hawr-eu aqyawf dawqmaeq maeq-eu gar narhaq-eu uqtaf, aqyawf maf-euq nargawr deuq bi lavtaq-eu laer uiqlar taq-euq tsawrhaq armaf mafma deuq khawf yawfluf-eu mae.

Maˬkuˆ 8:22

Khoernar-aq, aqyawf, Baeqdzerdaq-anr irkeuv-euq mae. Tsawrhaq tiqdeuq myavbaef tiq ghaq-anr sheuqlaf-awr, aqyawf-anr bi toeqcivni Yeqsur-anr tanqshar-eu mae.

Maˬkuˆ 7:31

Khoernar-aq, Yeqsur, Durlu mirkhanq-anr nae dov-ir-awr, Sirdoq mirkhanq-anr nae Deqgaqborlir mirkhanq-anr irpav-awr, Gaqliqlaer lan-anr irkeuv-euq mae.

Maˬkuˆ 3:8

Yeqlursaqlaeq, Irdurmaer mirkhanq, Yawrdaq lawrbaq-euq nanrma dovkhaeq paw, Durlu mirkhanq hawr-eu Sirdoq mirkhanq-anr jawr-eu tsawrhaq, aqyawf mrluf sharluf-eu garkawv yagaq-euq mirnae, baqmaf purjeq-aer Yeqsur jawr-eu gar oe-euq mae.

Maꞈtehˬ 18:7

Aqcawq-anr sanqtif bitifni mr-eu mirtsaqzaq-aq, ghawqshar shaq-aer ya ghaesaef taef-a. Aqcawq-anr sanqtif bitif-eu jeq javlar-eu yawduq baw-eu mae. Aerkhawf, aqcawq-anr sanqtif bitifni mr-eu tsawrhaq-aq, ghawqshar shaq-aer ya ghaesaef taef-a.

Maꞈtehˬ 11:22

Aerkhawf, ngar, nawmaf-anr aernaeq nyar, yarkhaqdar ngae nan, Durlu meuq hawr-eu Sirdoq meuq-aq, nawmaf nav-aer maqya daq-ar.

Gʼaˬkʼehˇ 27:3

Nishawq ngae nan, nga’maf, Sirdoq meuq-anr naq-ir-euq ma. Yardzoeq guirhuq Yurluv-aq, Pawrluv-anr ghawqshaq gaq-eu mirnae, aqyawf-euq cawq jawr-eu gar le-awr, khoerdeuq nae bi ngaeqghaeni pyaeqnaeq-euq mae.

Luˇkaꞈ 4:26

Aerkhawf, Miqyaer, Erlirya-anr, miqcoeq miqma nuideuq jawr-eu gar maqbi ir-aer, Sirdoq mirkhanq-anr jav-eu Zaqlaqdar-anr jawr-eu, miqcoeq miqma tiq ghaq jawr-eu gar taef-aer bi’ir-euq mae.

Maˬkuˆ 7:24

Khoernar-aq, Yeqsur tur-awr khoergar nae dov-ir-awr, Durlu mirkhanq hawr-eu Sirdoq mirkhanq paw ir-euq mae. Aqyawf, nymr tiq nymr-anr ur-ir-awr, aqyawf khoergar jawr-eu garkawv aqcawq-anr maqbi siqnya mawf-a. Aerkhawf, aqyawf maq jawrzaf nya-a.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Panmaeq 6:12

Ngar hawghaelef ngae, Yawrzaq, jmq diqtaq-euq kof tsanr tiqtsanr-anr pan-euq naeq-aer, hawsher-eq, mirluv yawkhav-aer luvlar-awr, nanrma-aq, uqduq tsaerkanr nae janr-euq guqdar paerzeur lof-aer navcawfni pyeuf-ir-euq uqtaf, bala-aq, shiq lof-aer pyeuf-ir-euq mae.

Panmaeq 11:3

Ngar, ngaq-euq sarkir kamq-eu khoer nyiq ghaq-anr baoq bif ma. Aqyawf nyaf-aq, guqdar paerzeur-euq maeqtsoeq dm-awr 1,260 nan Miqyaer gharduq ngaeqdan taef-a.”