Maꞈtehˬ 11:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ “Ngar, nawmaf-anr aqdirma-aer aernaeq nyar, zaqmiq aqbur-anr nae khar daefle-euq tsawrhaq-anr nae, bartirsaq mrnaeq-eu Yorhaq navmaqtser huiqdzaeq-eu tiqghaq-iq maq dovlar haw-aq. Aerkhawf, mqtav mirkhanq-euq lafkhoer nyirdzaeq-eu ghaq khawf, Yorhaq navmaqtser huiqdzaeq-eu mae.

Akha

¹¹ Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Iˇ cuꞈ shawˇ-eu Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, mˬ taˆ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dui dui-eu gʼaˬ kʼawꞈ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.

Maꞈtehˬ 11:11 Referans Kwoze

Luˇkaꞈ 7:28

Ngar, nawmaf-anr aernaeq nyar. Zaqmiq aqbur-anr nae khar daefle-euq tsawrhaq-euq lafkhoer, Yorhaq taf-aer huiqdzaeq-eu Miqyaer gharduq ngaeqdan-eu tsawrhaq tiqghaq-iq maqjawr-a. Aerkhawf, Miqyaer uvlanr-eu jeq-euq lafkhoer nyirdzaeq-eu ghaq khawf, Yorhaq navmaqtser huiqdzaeq-eu mae.”

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Yoˇhaˬ 1:15

Yorhaq, aqyawf-euq garkawv sarkir kamq-awr, heulof-aer yawkhav-aer gur-eu lafkhoer aer-eu, “ ‘Ngaq-euq maeqnan oeluf-eu heughaq-aq, ngaq-euq navmaqtser huiqdzaeq-eu mae. Aqjeq mirnae aernar-aq, ngar maq daefle-euq minav-aer aqyawf daefluf-eu mae’ laer ngar aer-eu khoerghaq-aq aqyawf mae.”

Maꞈtehˬ 5:19

Khoermirnae, aqsur ghaq maqkaq, zanrdawq khofdawq-euq lafkhoer nae nyirdzaeq dzaeq-eu tiq dawq-anr maq mrcaw-aer, aqcawq-anr khawf khoerlof-aer maeqnaeq tsovnaeq nar-aq, aqyawf-aq, mqtav mirkhanq-euq lafkhoer nyirdzaeq dzaeq-eu ghaq laer yabi kur taef-a. Aerkhawf, aqsur ghaq maqkaq, aqyawf mrcaw-eu uqtaf, aqcawq khawf khoerlof-aer mrcawni maeqnaeq tsovnaeq nar-aq, aqyawf-aq, mqtav mirkhanq-euq lafkhoer yawhuiq ghaq laer yabi kur taef-a.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Luˇkaꞈ 9:48

Khoernar-aq, aqyawf, aqyawf maf-anr aernaeq-eu, “Ngaq-euq tsawrmyanr-euq uqmov zaq yawnyir heughaq-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae. Nawmaf dawqtawv luf-euq lafkhoer aqcawq navmaqtser nyirdzaeq-eu ghaq-aq, aqcawq navmaqtser huiqdzaeq-eu ghaq pyeuflar taef-a.”

1 Beˬtuˆluˆ 1:10

Miqyaer gharduq ngaeqdan-eu deuq, kakhof-eu jeq hawr-eu nawmaf-anr guiqlanq yawdzanr keuvle-eu garkawv heu-anr, yawmuiq paq-aer narhaq duq-awr, povtser-euq uqtaf, ngaeqdan taq-euq mae.

HeˬByehˇ 11:40

Aqjeq mirnae aernar-aq, Miqyaer, aqdui-euq gharduq khoernav maqtser muiqdzaeq-eu jeq laeqhmq taq-euq mae. Aqdui khawf maqkeuq nar-aq, aqyawfmaf byan-eu jeq maq za’nya-a siq.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

1 Gawˇliˬtu 6:4

Daefzir-euq lafkhoer garkawv heulof-aer ghae-eu deuq dovlar ngae, Kalizaq armur maq taqhuiq-eu tsawrhaq-anr, yarkhaq dar-eu ghaq bigeuf-awr bidar-eu laer ghae-eu le lor?

Yoˇhaˬ 10:41

Tsawrhaq ghawqmya’ni aqyawf jawr-eu gar oe-awr aer-eu, “Yorhaq-aq, bisiq bimawr-eu tiqjeq-iq maqmr-aq. Aerkhawf, Yorhaq nae heughaq-euq garkawv aertaq-euq jeq dawqtawvluf tsaq duidui nga.”

Yoˇhaˬ 3:30

Aqyawf-aq, yahuiq ya manrlar-awr, ngar-aq, yateq ya’nyir-ir-eu mae.”

Jaceuq 51:5

Hawsher-eq, ngar iqbax-euq lafkhoer ngaqma-euq uqmav-anr tsaevler-awr, Daefle ngae nae yawlaeq yawca anrluf-eu ma.

Yoˇhaˬ 5:35

Yorhaq-aq, dofbya taq-euq tsirkhmq lof-aer dur-eu mae. Nawmaf, aqyawf-euq yawshaef-euq lafkhoer tiqkhaeq-euq lafkhoer laqkhaq caer-eu nuima anr-eu mae.

Yoˇhaˬ 1:27

Aqyawf, ngaq-euq maeqnan oe-euq khawf, ngaq-euq navmaqtser huiqdzaeq-eu mae. Ngar, aqyawf-euq saeqnawv arcav puirnaeq-eu taef-aer khawf maqgeux-a.”

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Eˇpeˇsu 2:3

Khoerngae, aqdui khawf aqyawf maf-euq lafkhoer keuq-awr, shiqshaq-euq nuikhanr tiqshir mr-awr, nuinoeq hawr-eu shiqshaq khar lovlar-eu jeq mr-euq ma. Aqdui khawf aqcawq kharpyeuf-eu jeq pyeuf-awr, nuima paer-eu jeq-euq zaq pyeufyaf-euq ma.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

Luˇkaꞈ 1:15

Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Maꞈtehˬ 3:1

Khoerngae yamq-anr, Bartirsaq mrnaeq-eu Yorhaq dovlar-awr, Yurdav mirkhanq-anr jav-eu bawrtsanq bawrdanr-anr jawr-awr dawqmaeq heulof-aer maeqluf-eu mae,

Maꞈtehˬ 11:10

Yaerbof-euq lafkhoer boftaq-euq heudawq-aq, Yorhaq-anr aermawf-eu mae. ‘Hawde-eq. Ngar, ngaq-euq ghaqzaq ghaqkhaer-anr nawq-euq maeqhu bi’ir-awr, Nawq-euq maeqshi garma bi shardanr-ir ma.’ (Mlk 3:1)

Maꞈtehˬ 11:12

Bartirsaq mrnaeq-eu Yorhaq dovle-euq yamq-anr nae iqnan keuvni, mqtav mirkhanq za’ni deuvcae caeluf-eu mae. Nuima keuv-awr deuvcae cae-eu tsawrhaq deuq-aq, deuvza luf-eu mae.