Maꞈtehˬ 10:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Ngar, nawmaf-anr aqdirma-aer aernaeq nyar, aqsur ghaq maqkaq, aqcawq taf-aer nyirdzaeq-eu ngaq-euq zaqlanr tiq ghaq-anr ircuf yawtsaef tiq khmq bidawr-euq taef khawf, khoerghaq-aq, guiqlanq maqza-aer maqghae-ar.”

Akha

⁴² Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 10:42 Referans Kwoze

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

2 Gawˇliˬtu 8:12

Aqjeq mirnae aernar-aq, yawbae jeq-aq, tsawrhaq tiq ghaq bifmawf-eu nuima anr nar-aq, aqyawf kharjav-eu lof-aer Miqyaer hageuf-eu mae. Maqjav-eu gar keuvni mr laer Miqyaer maqaer-a.

Luˇkaꞈ 6:35

Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Dawqdaq 24:14

Zaqsiq tsawrganr-anr siqnya-eu jeq khawf, Nawq-euq nuima saflar gharduq, khoerlof-aer dur taef-a. Nawr povmawr-euq nar-aq, Maeqhu paw yadaef-eu yawduq baw-awr, Nawq nae noeqtmq taq-euq jeq maqya bi deuvtsaev dzae-ar.

Luˇkaꞈ 17:2

Tsawrhaq khoerghaq, zaq yawnyir heudeuq-euq lafkhoer tiqghaq nav-anr bi mrlaeq-eu navmaqtser, aqyawf-euq kawqlanr-anr lolaeq paftawf-awr, iqmalavshav-anr bafpuf-eu-aq, aqyawf-euq gharduq muiqdzaeq-eu mae.

Maꞈtehˬ 18:14

Khoerlof-aer durni, mq-euq khoertav jawr-eu nawmaf-euq Aqda khawf, zaq yawnyir heudeuq, tiq ghaq taef-aer khawf maqbi cawv-ir mawf-a.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.