Maꞈtehˬ 10:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Nawmaf tiq meuq-anr jawr ngae, aqcawq khaeqlar nar-aq, yawqmeuq yawq-anr caevjawr-ir-awq. Ngar, nawmaf-anr aqdirma-aer aernaeq nyar, nawmaf, Irsaqleqlav-euq meuqdeuq-anr maq candoe-euq minav-aer, Tsawrhaq-euq Zaqyo oekeuv taef-a.

Akha

²³ Meuˬ tiˬ meuˬ laꞈ kʼoeˇ, aˬ caw naw maꞈ-ahˇ kʼehˬ laˇ naˇ, yawˬ meuˬ yawˬ-ahˇ cehˆ-awˬ. Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ naw maꞈ gaˇ maˬ mˇ jiˇ mi naˆ-ehˇ, Tsawˇhaˬ-euˬ Zaˬmaˇ oe keuˆ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.

Maꞈtehˬ 10:23 Referans Kwoze

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Gʼaˬkʼehˇ 17:10

Khoernar-aq, uqcif cifle ngae, aqyuif aqnyir deuq tiqpov taef-aer, Pawrluv hawr-eu Siqlav-anr Beqlir meuq-anr khaerghae-euq mae. Aqyawfnyaf khoergar irkeuv ngae, Yurdav tsawrhaq-euq zanrdawq khawqnymr-anr urler-euq mae.

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

Maˬkuˆ 13:26

Khoerngae, aqyawfmaf, Tsawrhaq-euq Zaqyo zawr huiq-eu baoq hawr-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Luˇkaꞈ 21:27

Khoerngae, aqyawfmaf, Tsawrhaq-euq Zaqyo baoq hawr-eu zawr huiq-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Luˇkaꞈ 18:8

Ngar, nawmaf-anr aernaeq nyar, aqyawf maf-euq gharduq yawtsaq yawdawr jeq yawkawr-aer janrnaeq taef-a. Aerkhawf, Tsawrhaq-euq Zaqyo zafkale ngae, mirtsaq-euq khoertav jan-eu jeq javluf-eu gar aqdir ya’mawr taef-a laq?”

Yoˇhaˬ 7:1

Khoernar-aq, Yeqsur, Gaqliqlaer mirkhanq doedoe-aer can-euq mae. Yurdav tsawrhaq, aqyawf-anr saef-eu laer jawq-eu mirnae, aqyawf, Yurdav mirkhanq-anr maq canmawf-a.

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

Maꞈtehˬ 24:30

Khoerngae, Tsawrhaq-euq Zaqyo-euq bisiq bimawr-eu jeq mq-anr ya’mawr taef-a. Mirtsaq-euq khoertav-euq tsawrjeuq tsawrca dawqtawvluf tsawrngoerngoer taef-a. Tsawrhaq-euq Zaqyo, baoq hawr-eu huiq duidui-eu yawshaef khanqsaer-euq lafkhoer, mq-euq khoertav-euq mqdmr-anr dziq-awr nae zafka le-eu gar aqyawfmaf ya’mawr taef-a.

Gʼaˬkʼehˇ 17:14

Khoerngae, aqyuif aqnyir deuq, Pawrluv-anr iqmalavshav-euq lawrdzer paw yawkawr-aer bi’ir-euq mae. Aerkhawf, Siqlav hawr-eu Tivmorseq-aq, khoergar jawryaf-euq mae.

Maꞈtehˬ 25:13

“Nawmaf, Tsawrhaq-euq Zaqyo zafka le-eu arnan aryamq khoer-anr maq siqnya-eu mirnae, yawbeur beur-aer jawr-awq.

Maꞈtehˬ 24:48

Aerkhawf, kuirlaf zaqkhav yawdoer nar-aq, ‘Ngaq-euq yawsanr ghaq yawkawr-aer maq ghofle-ar’ laer, nuima-euq lafkhoer noeqnoeq-aer,

Maꞈtehˬ 24:27

Aqjeq mirnae aernar-aq, nanrma dovkhaeq paw mqmyawf myawf-eu, nanrma gakhaeq paw byakeuv-ir-eu lof-aer, Tsawrhaq-euq Zaqyo zafkale ngae khawf khoerlof-aer dur taef-a.

Maꞈtehˬ 23:34

Khoermirnae, Miqyaer gharduq ngaeqdan-eu tsawrhaq deuq, siqzaq ganryo deuq hawr-eu zanr maeq-eu deuq-anr, ngar, nawmaf jawr-eu gar bi’oe ma. Nawmaf tiqpavnav deuq-anr saef-awr, lafyaq-euq khoertav taftaeq taef-a. Tiqpavnav deuq-anr zanrdawq khawqnymr-euq lafkhoer juif-awr, tiqmeuq sair tiqmeuq doeni, nawmaf ir-awr, aqyawf maf-anr khaeqnaeq khavnaeq taef-a.

Maꞈtehˬ 4:12

Yorhaq, kuv-anr bi nyaefur-euq garkawv Yeqsur yagaq ngae, Gaqliqlaer mirkhanq-anr le-euq mae.

Maꞈtehˬ 2:13

Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Gʼaˬkʼehˇ 20:1

Luiqgha-eu khoer cof-ir-euq nar-aq, Pawrluv, zaqlanr deuq-anr kuruiq-awr, aqyawf maf-anr byarcuf-awr, Maqgeqdawrniv mirkhanq-anr irghae-euq mae.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 23:36

Ngar, nawmaf-anr aqdirma-aer aernaeq nyar, heudeuq dawqtawvluf heuzir-euq khoertav keuvle taef-a.

Maꞈtehˬ 24:34

Ngar, nawmaf-anr aqdirma-aer aernaeq nyar, khoerdeuq dawqtawvluf heuzir maqjir-euq minav-aer maq pyeuflar-aer maqdzeur-ir nya-ar.