Maꞈtehˬ 10:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawmaf, tsawrhaq khoerdeuq-anr yanr-awq. Aqjeq mirnae aernar-aq, aqyawfmaf, nawmaf-anr khavma armur-anr a’naeq taef-a. Zanrdawq khawqnymr-euq lafkhoer nawmaf-anr juiflar taef-a.

Akha

¹⁷ Yaw kʼaˆ kʼaˆ-ehˇ yahˇ-awˬ. Aˬ jeˬ miˇ neh ehˇ naˇ, naw maꞈ-ahˇ paꞈ-awˇ, yaˇ kʼaˬ daˇ-eu nymˇ-ahˇ tsahˇ gʼeh-eu tsawˇ haˬ jawˇ tehꞈ-a. Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ, naw maꞈ-ahˇ aˬ yawꞈ maꞈ yahˬ caˆ neh juiꞈ tehꞈ-a.

Maꞈtehˬ 10:17 Referans Kwoze

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Maꞈtehˬ 23:34

Khoermirnae, Miqyaer gharduq ngaeqdan-eu tsawrhaq deuq, siqzaq ganryo deuq hawr-eu zanr maeq-eu deuq-anr, ngar, nawmaf jawr-eu gar bi’oe ma. Nawmaf tiqpavnav deuq-anr saef-awr, lafyaq-euq khoertav taftaeq taef-a. Tiqpavnav deuq-anr zanrdawq khawqnymr-euq lafkhoer juif-awr, tiqmeuq sair tiqmeuq doeni, nawmaf ir-awr, aqyawf maf-anr khaeqnaeq khavnaeq taef-a.

Gʼaˬkʼehˇ 26:11

Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Luˇkaꞈ 12:11

“Aqcawq, nawmaf-anr zanrdawq khawqnymr-anr maqaer, sanqpaq deuq hawr-eu aryaq jav-eu deuq-euq maeqshi sheuqghaelef ngae, aqjox-aer ya ngaeqkhof naeq-awr, aqjox-aer ya’ngaeq yatmr-eu laer khanq taqlanr.

Maꞈtehˬ 5:22

Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Gʼaˬkʼehˇ 22:19

Khoerngae, ngar heulof-aer aer-euq ma: ‘Sanqpaq-or! Ngar, nawq-anr jan-eu tsawrhaq-anr kuv-euq lafkhoer nyaefur-awr, zanrdawq khawqnymr yawqnymr navluf-euq lafkhoer aqyawf maf-anr diq-euq garkawv, aqyawfmaf siqnya-eu mae.

HeˬByehˇ 11:36

Tiqpavnav deuq-aq, aqcawq aqjaf jaf-awr, yanqcav nae juif-eu gar yadaq-euq uqtaf, shmrcav nae bipaf-awr, kuv-anr nyaefur-eu gar khawf yadaq-euq mae.

2 Tiˆmoˇseˬ 4:15

Nawr khawf aqyawf-anr yanr de-eq. Aqjeq mirnae aernar-aq, aqyawf-aq, aqdui maeq-eu dawq-anr lavtsoeq duidui-eu mae.

Piˇliˇpiˆ 3:2

Aqkuiq lof-aer ghae-eu tsawrhaq-anr yanr-awq. Yawdoer jeq mr-eu tsawrhaq-anr yanr-awr, yawqha-euq mawrdo-anr yaeq-awr pyaev-eu tsawrhaq-anr yanr-awq!

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Maˬkuˆ 13:12

Khoerngae, yawqha-euq maernmr yawkaq shir-eu gar keuvni anqdzaq-awr, aqda khawf yawqha-euq zaq-anr khoerlof-aer janr taef-a. Zaqdeuq khawf aqma aqda-anr muir-awr bishirni tov taef-a.

Maꞈtehˬ 26:59

Pirma aqyuif deuq, aqyuif aqtsu deuq hawr-eu khavma armur murlan-aer, Yeqsur yashirni, aqyawf-euq garkawv maqtsaq maqdawr-eu sarkir sharpov luf-eu mae.

Gʼaˬkʼehˇ 17:14

Khoerngae, aqyuif aqnyir deuq, Pawrluv-anr iqmalavshav-euq lawrdzer paw yawkawr-aer bi’ir-euq mae. Aerkhawf, Siqlav hawr-eu Tivmorseq-aq, khoergar jawryaf-euq mae.

Maꞈtehˬ 20:19

Khoernar-aq, aqcawq tsawrjeuq tsawrca-euq aqlaf-euq lafkhoer a’naeq-awr, aqyawf-anr aqjaf jafnaeq-awr, yanqcav nae juif-awr nae lafyaq-euq khoertav tafsaef taef-a. Aerkhawf, smq nan keuvlar nar-aq, aqyawf ghofdaeflar taef-a.”

Maꞈtehˬ 10:18

Khoeruqtaf, ngaq-euq baqda’nae aqcawq, nawmaf-anr meuqsanr deuq hawr-eu sanqpaq deuq-euq maeqshi sheuqghae taef-a. Nawmaf, ngaq-euq gharduq aqyawf maf-euq maeqshi hawr-eu aqcawq tsawrjeuq tsawrca-euq maeqshi sarkir yakamq taef-a.

Gʼaˬkʼehˇ 9:2

Kali-euq Garma khar tawqluf-eu zaqmiq aqbur, zaqyo aqli-anr ya’mawr nar-aq, aqyawf, aqyawf maf-anr paf-awr Yeqlursaqlaeq-anr sheuqghaeni, Daqmaqsaer-anr jav-eu zanrdawq khawqnymr-anr bif-eu sanqbof sharler-euq mae.