Maꞈtehˬ 10:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Akha

¹⁶ “Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 10:16 Referans Kwoze

Luˇkaꞈ 10:3

Nawmaf ir-awq. Hawsher-eq, ngar, nawmaf-anr khaqyaer baqmaf-euq tsanq-anr yawrzaq pyaequr ghae-eu lof-aer, khaerghae-eu ma.

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

1 Gawˇliˬtu 14:20

Aqyuif aqnyir deuq-or! Ghovshaw nya-eu paw-aq, nawmaf, zaq lof-aer taqpyeuf. Aerkhawf, yawdoer jeq mr-eu paw-aq, zaq lof-aer pyeuf-awr, ghovshaw nya-eu paw-aq, tsawrkhav pyeuf-awq.

Gawˇlawˇsehˇ 4:5

Kalizaq maqngeur-eu deuq-euq maeqshi, zaqsiq tsawrganr anr-eu tsawrhaq lof-aer daef-awq. Aryamq yawmuiq-aer zmq-awq.

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Gʼaˬkʼehˇ 20:29

Ngar dov-ir dzeur-euq nar-aq, zawr ghae-eu khaqyaer deuq, nawmaf-euq ghanrcae urlar-awr, yawr yawrmaf-anr lavcawv duidui taef-a laer ngar siqnya ma.

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

1 Teˇsaˬloˇni 5:22

yawqdoer yawqjeq navluf-anr garjaw jaw-awq.

2 Gawˇliˬtu 11:14

Aqyawfmaf khoerlof-aer mr-eu gar taq zanqler. Aqjeq mirnae aernar-aq, naef Saqdaq khawf yawshaef-euq mqtav ghaqkhaer lof-aer janrgeuf nya-eu mae.

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.

Gawˇlawˇsehˇ 1:9

Khoermirnae, nga’maf yagaq-euq ngae nan-anr nae, maq naqni nawmaf-euq gharduq guiqlanq sharluf-eu ma. Zaqsiq tsawrganr hawr-eu saflar paw-euq ghovshaw nya-eu jeq dawqtawv luf-euq lafkhoer, nawmaf, Miqyaer nuima tsaq-eu jeq-anr siqnya-eu tsawrganr anrlarni sharluf-eu ma.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 8:20

Nga’maf, aqcawq nae damqtaq-euq zawr myaq-eu pyur heu-anr dzoeqdzaq mrluf-eu gar, aqcawq, nga’maf-anr aerkhar maqbi za paq-aer nga’maf yanrluf-eu ma.

Maꞈtehˬ 24:25

Hawsher-eq, maq pyeuflar-euq minav-aer ngar, nawmaf-anr aernaeq-eu ma.

Maꞈtehˬ 24:45

“Sarjax zif-awr tsawrganr anr-eu kuirlaf zaqkhav aqgeu ghaq la? Yawsanr ghaq nae nymrkhanq-euq zaqdeuq-anr aryamq tsaq ngae, bidzaq bidawr-awr bi hawlanr-eu gharduq, khaertaq-euq kuirlaf zaqkhav khoerghaq mae.

Maꞈtehˬ 25:2

Aqyawf maf-aq, yawlaf ngaq ghaq hawr-eu yawganr ngaq ghaq mae.

Maꞈtehˬ 25:4

Aerkhawf, yawganr deuq-aq, tsirkhmq ciq-awr, tsir danq-eu martsaf khawf ciqghae-euq mae.

Maꞈtehˬ 25:9

Khoerngae, yawganr deuq aerkhof naeq-eu, ‘Nga’maf-euq gharduq maqngeur nar-aq, nawmaf-euq gharduq maq lofler-eu paq. Nawmaf tsir anq-eu tsawrhaq jawr-eu gar ir-awr yawqha-euq gharduq zeurlaq-ir-awq.’