Maꞈtehˬ 10:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav mirtsaq navmaqtser yadaq taef-a.

Akha

¹⁵ Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu aˇ nah keuˆ le ngeh, Sawˇdoˬ meuˬ hawˇ-eu Gawˇmawˇlaˆ meuˬ -ahˇ kʼehˬ nehˬ-euˬ naˆ maˬ tseˇ, meuˬ kʼoeˇ meuˬ-ahˇ Miˬyehˇ kʼehˬ nehˬ tehꞈ-a.”

Maꞈtehˬ 10:15 Referans Kwoze

2 Beˬtuˆluˆ 2:6

Sordoq hawr-eu Gormorlav khawf, cawvjir-eu gar keuvni darnaeq-awr, khaqlaertsar bi pyeufjir-euq mae. Khoer-aq, aqkar Miqyaer-anr yawzeu maqbaw-eu tsawrhaq deuq, bi hawgeuf bi dzawgeuf-eu gharduq mae.

1 Yoˇhaˬ 4:17

Yarkhaqdar ngae nan, aqdui nuima zifdanni ghaenya’ni, aqdui-euq lafkhoer gaq-eu jeq byanlar-euq mae. Aqjeq mirnae aernar-aq, mirtsaq-euq khoertav, aqdui khawf, Yeqsur lof-aer pyeufluf-eu ma.

2 Beˬtuˆluˆ 3:7

Nymq-mr javluf-eu mq hawr-eu mir-anr khawf, Yaerdawq aqyawf tiqdawq nae jeqhmq taq-euq mae. Heu-aq, Miqyaer-anr yawzeu maqbaw-eu tsawrhaq-anr yarkhaq dar-awr, lavcawv ngae nan keuvni miqdzaq-euq gharduq jeqhmq taq-euq mae.

2 Beˬtuˆluˆ 2:9

Miqyaer-anr yawzeu baw-eu tsawrhaq murjur jur-eu gar yadaq ngae, aqyawf maf-anr aqjox-aer bibuq-ir-eu hawr-eu, maqtsaq maqdawr-eu tsawrhaq deuq-anr yarkhaqdar ngae nan keuvni, aqjox-aer ya kaflanr taq-eu la laer Sanqpaq Miqyaer siqnya luf-eu mae.

Maˬkuˆ 6:11

Aqgeugar jawr-eu tsawrhaq maqaer, nawmaf-anr maqha-aer, nawmaf-euq dawq maq narhaq nar-aq, nawmaf khoergar nae dov-ir ngae, aqyawf maf-euq yawlaeq bi dovlar-eu sarkir pyeufni, nawmaf-euq aqkuir paeqzaq-euq uqmov-euq khaqlaer byuqkhar yaf-awq. Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav navmaqtser yadaq taef-a.”

Maꞈtehˬ 12:36

Ngar, nawmaf-anr aernaeq nyar, tsawrhaq yawqghaq navluf yawqha nae gardanr maqtsoeq-eu dawq khar ngaeqtaq-euq lof-aer, yarkhaqdar ngae nan, yawqdawq navluf ya dzawrpov taef-a.

Maꞈtehˬ 5:18

Ngar, nawmaf-anr aqdirma-aer aernaeq nyar, mq hawr-eu mir byov-ir jir khawf, zanrdawq-euq lafkhoer-euq sanqbof tiq bof, tiq toeq taef-aer khawf maqbyov-ir-ar, dawqtawvluf ya byanlar taef-a.

Maꞈtehˬ 7:22

Khoerngae nan, tsawrhaq ghawqmya’ni, ngaq-anr heulof-aer aerlar taef-a, ‘Sanqpaq-or! Sanqpaq-or! Nga’maf, nawq-euq tsawrmyanr-anr ghoe-awr Miqyaer gharduq ngaeqdan-awr, nawq-euq tsawrmyanr-anr ghoe-awr naef-anr taedov-euq uqtaf, nawq-euq tsawrmyanr-anr ghoe-awr zanqler paq-aer ghae-eu ghawqmya jeq mr-euq maqngeur-a lor?’

Yoˇhaˬ 6:39

Ngaq-anr khaerghae lef-euq Aqda Miqyaer, aqyawf nae ngaq-anr khar bifnaeq laf-euq tsawrhaq tiqghaq-iq maqya byov-ir-eu uqtaf, arsaqsaq ngae nan, yawqghaq navluf-anr bi ghofdaef lar-eu nuima tsaq-eu mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Yoˇhaˬ 12:48

Ngaq-anr byaerdzae-awr, ngaq-euq dawq-anr maq hageuf-eu tsawrhaq-anr yarkhaq dar-eu jeq jav-eu mae. Ngaq nae ngaeq-euq dawqdeuq-aq, arsaqsaq ngae nan aqyawf-anr yarkhaqdar taef-a.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

1 Gawˇliˬtu 3:13

yawqghaq navluf, yawqha nae mrtaq-euq lof-aer dovlar taef-a. Aqjeq mirnae aernar-aq, khoerngae nan aqgeu ghaq aqjeq zmq-awr tsov-euq nga laer byacaevni dovlar taef-a. Tsawrhaq yawqghaq navluf nae mr-awr shar-euq jeq-anr miqdzaq nae panmaeq naeqlaf taef-a.

1 Teˇsaˬloˇni 5:4

Aqyuif aqnyir deuq-or! Nawmaf yawzanr-euq lafkhoer jawr-eu maqngeur-eu mirnae, arnan khoernan smrkhoeq tanrjoe lof-aer oe ngae, nawmaf zanqlerduq maqjav-a.

HeˬByehˇ 10:25

Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

Yuˇdaˆ 1:6

Khoeruqtaf, yawqha ya’mr-eu yawbae jeq-anr byaerdzae-awr, yawqha-euq jawrduq jawrzar-anr maqjawr-euq mqtav ghaqkhaer deuq-anr, Miqyaer mqmaq maqbyav yarzir-euq shmrcav nae paf-awr, zanrtsuini ghae-eu jawrduq-euq lafkhoer kalanr taq-awr, yarkhaq dar-eu arnan nanma khoernan-euq gharduq laeqhmq taq-euq mae.

Yuˇdaˆ 1:7

Sordoq, Gormorlav hawr-eu dawqpae jav-eu meuqdeuq-anr jawr-eu tsawrhaq, yawqha-euq mawrdo maqtsaq-eu lafkhoer banq-awr joe-eu jeq-anr a’naeq-awr, shiqshaq-anr taf-eu aqcawq maqmr-eu jeq-euq maeqnan cantae-euq mirnae, hawgeuf dzawgeufduq pyeufni, miv-ir-eu maqbawni dof-eu miqdzaq nae janrkhof naeq-eu lafkhoer, khaeq-awr khav-eu gar yadaq-euq lof-aer, aqyawfmaf khawf yadaq taef-a.