Maꞈtehˬ 10:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, Yeqsur, aqyawf-euq zaqlanr 12 ghaq-anr kurlaf-awr, naef yawjawf deuq-anr taedov nya’ni, nar-awr gawr-eu kharngeur-eu jeq hawr-eu nargawr yawqjeq navluf lavtaq nya’ni, aqyawf maf-anr aryaq bif-euq mae.

Akha

¹ Kʼoeˇ naˇ, Yeˬsuˇ-aˬ, aˬ yawꞈ-euˬ zaˬ lahˇ tseˇ nyiꞈ gʼaˬ-ahˇ kuˇ uiˬ-awˇ, nehꞈ yaw jawꞈ deuˬ-ahˇ teh doˆ-eu baoˬ hawˇ-eu, naˇ gawˇ yawˬ jeˬ na luꞈ-ahˇ laˆ taˬ nya-eu baoˬ biꞈ nehˬ-euˬ meh.

Maꞈtehˬ 10:1 Referans Kwoze

Luˇkaꞈ 10:19

Ngar, nawmaf-anr arlawr hawr-eu boeqkaqlaqma-anr nawqtaeq nya-awr, nawmaf-anr muir-eu deuq-euq baoq dawqtawv luf-anr ghaqler nya’ni, aryaq bif-euq ma. Nawmaf-anr lavtanq lavnar nya-eu tiqjeq-iq maqjav-ar.

Luˇkaꞈ 24:49

Narhaq sher-eq. NgaqDa-euq sarjax, ngar, nawmaf-euq khoertav bi jawrle ma. Nawmaf mq-euq khoertav-euq baoq maqza-euq khoerkeuvni meuq-euq lafkhoer dawqtawq siq.”

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Yoˇhaˬ 3:27

Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Luˇkaꞈ 6:13

Uqbya byalar ngae, aqyawf, zaqlanr deuq-anr kurlaf-awr, aqyawf, aqyawf maf-euq lafkhoer nae 12 ghaq tserdov-awr, aqyawf maf-anr ghaqkhaer laer kurnaeq-euq-aq heudeuq mae:

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Gʼaˬkʼehˇ 19:15

Khoerngae, naef yawjawf, aqyawf maf-anr aerkhof naeq-eu, “Ngar, Yeqsur-anr siqnya-awr, Pawrluv-anr khawf siqnya ma. Aerkhawf, nawmaf teu, aqsur ghaq le?”

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 6:70

Khoerngae, Yeqsur, aqyawf maf-anr aernaeq-eu, “Nawmaf 12 ghaq-anr ngaq nae tserdov taq-euq maqngeur-a lor? Aerkhawf, nawmaf-euq lafkhoer keuq-eu tiq ghaq-aq, naef sanqpaq mae.”

Yoˇhaˬ 3:35

Aqda, Zaqyo-anr gaq-awr, yawqjeq navluf aqyawf-euq aqlaf-euq lafkhoer a’naeq jir-euq mae.

Panmaeq 12:1

Khoernar-aq, ngar, mq-euq khoertav huiq-eu bisiq bimawr-eu jeq tiqjeq-anr ya’mawr-euq ma. Zaqmiq aqbur tiq ghaq nanrma dm-awr, bala-anr nawqtaeq-awr, aqguir 12 siq tsof-eu shuir uqkhov khovtaq-euq mae.

Maꞈtehˬ 26:47

Yeqsur khoerlof-aer aernaeqluf ngae, ghaqkhaer 12 ghaq-euq lafkhoer keuq-eu Yurdav laer kur-eu ghaq oekeuv-euq mae. Micaer baf-awr darkawq gheuluf-eu tsawrhaq bafmaf khawf, aqyawf naeq-aer oeluf-eu mae. Pirma aqyuif deuq hawr-eu mirkhanq-euq aqyuif aqtsu deuq nae aqyawf maf-anr khaerghae lef-euq mae.

Maꞈtehˬ 26:20

Uqcif cifle ngae, Yeqsur, ghaqkhaer 12 ghaq naeq-aer hawqjawq jawqluf-eu mae.

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 9:35

Khoerngae, Yeqsur, meuqdeuq pudeuq doeni ir-awr, aqyawf maf-euq zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq garkawv guiqlanqdawq maeqnaeq-euq mae. Khoeruqtaf, kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 9:38

Khoermirnae, Aqyawf-euq caeryar-anr caer yaeq-eu tsawrhaq bi’oe-awq laer caer lavluiv-eu Sanqpaq Miqyaer-anr shar-awq.”