Maˬkuˆ 8:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Ngar, tsawrhaq heudeuq-anr ghawqshaqgaq mir-a. Aqyawfmaf, ngaq naeq-aer heugar jawrluf-eu smq nan byanlar-awr, tiqjeq-iq dzaq-eu maqpar anr-eu ngar-a.

Akha

² “Tsawˇ haˬ heu deuˬ-ahˇ ngaˇ gʼawˬ shaˬ gaˬ dui dui nya. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, dzaˬ-euˬ tiˬ jeˬ-iˬ ma paˇ jaˆ meh.

Maˬkuˆ 8:2 Referans Kwoze

Maꞈtehˬ 9:36

Yeqsur, tsawrhaq armaf mafma deuq-anr ya’mawr ngae, aqyawf maf-anr ghawqshaq gaq-eu mae. Aqjeq mirnae aernar-aq, aqyawf maf-aq, bo-eu ghaq maqjawr-aer caevbyav taq-euq yawr lof-aer dur-awr ghaq baqluf-eu mae.

Jaceuq 145:15

Yawdaef khardaef-eu jeq-euq myavnuiv, nawq-anr noeqtmq-awr hawluf-eu mae; Nawr yamqlaw tsaq ngae, aqyawf maf-anr dzaqdzaq dawrdawr bif-eu mae.

Jaceuq 103:13

Aqda tiq ghaq, yawqha-euq zaq-anr ghawqshaq gaq-eu lof-aer; Ya’we Miqyaer, aqyawf-anr guv-eu tsawrhaq deuq-anr ghawqshaq gaq-eu mae.

HeˬByehˇ 5:2

Aqyawf khawf, ghaq baq-eu jeq-euq uqmov jawrhaw-euq mirnae, maq siqnya-eu tsawrhaq hawr-eu garbanq banq-euq tsawrhaq deuq-anr ghawqshaq gaqnya-eu mae.

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

Luˇkaꞈ 15:20

“Khoernar-aq, aqyawf tur-awr aqyawf-euq aqda jawr-eu gar ghofler-euq mae. Aqyawf garmanr kaq-eu gar ghoflarluf ngae nae aqyawf-euq aqda ya’mawr-awr, ghawqshaq gaq-eu lafkhoer caevghae-awr nae, aqyawf-euq kawqlanr-anr byartaeq taq-awr maeqsaw saw-euq mae.

Luˇkaꞈ 7:13

Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Maˬkuˆ 9:22

Ngaqli bishir-eu laer naef heumawr, aqyawf-anr ghawqmya pov miqdzaq-anr dzaepuiv-awr, ircuf-anr daeqpuf naeq-euq mae. Nawr tiqjeqnav janrnya nar-aq, nga’nyaf dazaq-anr ghawqshaq gaq-awr cawba naeqlaf-awq laer shar ma.”

Maˬkuˆ 6:34

Yeqsur, lawq-anr nae dovle ngae, tsawrhaq armaf mafma-anr ya’mawr-awr aqyawf maf-anr ghawqshaq gaq-eu mae. Aqjeq mirnae aernar-aq, aqyawf maf-aq, bo-eu ghaq maqjawr-eu yawr lof-aer dur-eu mae. Khoermirnae, Yeqsur, danqbae-awr aqyawf maf-anr garkawv ghawqmya jeq maeqnaeq tsovnaeq-euq mae.

Maˬkuˆ 5:19

Aerkhawf, Yeqsur, aqyawf-anr maqbi cantae larni aernaeq-eu, “Nawr, irkanr ghof-ir-awr, Sanqpaq Miqyaer nae nawq-anr arnavni cawba naeqlaf-euq garkawv hawr-eu aqyawf, nawq-anr ghawqshaq arnavni gaqnaeq laf-euq garkawv dzawrnaeq-ir-awq.”

Maˬkuˆ 1:41

Yeqsur, aqyawf-anr ghawqshaq hawgaq-awr, aqlaf cawqja-awr, aqyawf-euq khoertav toeqciv-awr nae aer-eu, “Ngar janrmawf mir-a. Nawr shawrlar-awq!”

Maꞈtehˬ 20:34

Yeqsur ghawqshaq gaq-awr, aqyawf nyaf-euq myavnuiv-anr toeqciv ngae, aqyawf nyaf-euq myavnuiv tiqpov taef-aer mawrnya lar-awr, Yeqsur-euq maeqnan cantae ghae-euq mae.

Maꞈtehˬ 14:14

Yeqsur, lawq-anr nae dovlar ngae, tsawrhaq armaf mafma-anr ya’mawr-awr, aqyawf maf-anr ghawqshaq gaq-awr nae, aqyawf maf-euq lafkhoer nar-awr gawr-eu tsawrhaq deuq-anr lavtaq naeq-euq mae.

Jaceuq 145:8

Ya’we Miqyaer-aq, guiqlanq yawdzanr byan-awr, ghoernya gaqnya duidui-eu uqtaf, Nuima yawkawr-aer maqpaerni, ghawqshaq yawkhav-aer gaqnya-eu mae.

HeˬByehˇ 2:17

Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.

Maˬkuˆ 6:32

Khoermirnae, aqyawfmaf taef-aer lawq-anr ur-awr, bawrtsanq-anr cofngaerni ghae-eu gar ir-euq mae.

Maˬkuˆ 8:3

Ngar, aqyawf maf-anr hawqmaef maefmaef-aer irkanr bighof-ir nar-aq, garpaer-anr myafler-eu baw-mr. Aqjeq mirnae aernar-aq, aqyawfmaf tiqpavnav deuq garmanr kaq-eu gar nae lar-euq mae.”