Maˬkuˆ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, heumyav nan byanlar ngae, Yeqsur, Gaqbeqneqoq-anr tiq pov par urler-euq mae. Aqyawf irkanr jawrluf-eu garkawv, aqcawq yagaq-euq mae.

Akha

¹ Heu myaˆ nah byah laˇ ngeh, Gaˬbeˬneˬoˬ meuˬ-ahˇ Yeˬsuˇ paˇ gʼoꞈ-iˇ-awˇ, aˬ yawꞈ iˇ kahˇ-ahˇ jawˇ luꞈ-eu gaˇ kawˆ gaˬ byah-iˇ-euˬ meh.

Maˬkuˆ 2:1 Referans Kwoze

Yoˇhaˬ 4:47

Yeqsur, Yurdav mirkhanq-anr nae Gaqliqlaer mirkhanq-anr lartaq-euq mae laer tsawrhuiq tsawrma heughaq yagaq ngae, Yeqsur jawr-eu gar le-awr aqyawf-euq zaqyo-anr bi lavtaq leni Yeqsur-anr tanqshar-euq mae. Aqjeq mirnae aernar-aq, aqyawf-euq zaqyo shirler luf-eu mae.

Maˬkuˆ 7:24

Khoernar-aq, Yeqsur tur-awr khoergar nae dov-ir-awr, Durlu mirkhanq hawr-eu Sirdoq mirkhanq paw ir-euq mae. Aqyawf, nymr tiq nymr-anr ur-ir-awr, aqyawf khoergar jawr-eu garkawv aqcawq-anr maqbi siqnya mawf-a. Aerkhawf, aqyawf maq jawrzaf nya-a.

Luˇkaꞈ 5:18

Khoerngae, tsawrhaq tiqpavnav deuq kuirshir lafshir shir-eu tiq ghaq-anr yufzar-euq khoertav biyuf-awr baflaf-awr nae, Yeqsur-euq maeqshi bafanr lef-eu laer ghae-euq mae.

Maˬkuˆ 1:45

Aerkhawf, aqyawf dov-ir-awr nae garkawv khoer yawkhav-aer jakhawq ghae-awr, yawqgar navluf gaqdoe-ir taq-euq mae. Khoermirnae, Yeqsur, meuq-euq lafkhoer byacaevni maqpar urler nya-aer, bawrtsanq doeni jawrluf ngae, kharngeur-eu gar jawr-eu tsawrhaq deuq, aqyawf jawr-eu gar lar-euq mae.

Maꞈtehˬ 9:1

Yeqsur, lawq-anr urler-awr lan-anr tsaev-awr nae, aqyawf-euq meuq-anr ghofkeuv lar-euq mae.

Gʼaˬkʼehˇ 2:6

Tersar khoer manrdovlef ngae, tsawrhaq armaf mafma uiqlar-awr, aqyawfmaf ngaeqluf-eu dawq khoer, yawqha-euq jawrkhanq-anr ngaeq-eu dawqkawq lof-aer yawqha-anr gaqlar-eu mirnae, aqyawfmaf noeq maqdov-a.

Maꞈtehˬ 4:13

Khoernar-aq, Naqzaqlaer-anr nae dov-ir-awr, Zaqburloq hawr-eu Naqtaqlir mirkaq-anr lan landzer jav-eu Gaqbeqneqoq meuq-anr jawr-ir-euq mae.

Maˬkuˆ 2:2

Tsawrhaq ghawqmya’ni uiqlar-euq mirnae, nymr-euq lafkhoer jawrbyan taq-euq uqtaf, nymr-euq larghov-euq lafnyir paw khawf jawrkhar maqza-a. Khoerngae, Yeqsur, aqyawf maf-anr dawqmaeq maeqnaeq luf-eu mae.

Maˬkuˆ 3:20

Khoernar-aq, Yeqsur, irkanr-euq lafkhoer urler ngae, tsawrhaq armaf mafma par uiqlar-euq mirnae, aqyawfmaf hawqdzaq khawf maq dzaqnya-a.

Maˬkuˆ 7:17

Yeqsur, tsawrhaq armaf mafma-anr ghawq-awr, irkanr urler ngae, aqyawf-euq zaqlanr deuq, aqyawf-anr yawjeq majeq dawq khoerdawq-euq dawqtsuif narhaq-eu mae.

Maˬkuˆ 9:28

Khoernar-aq, Yeqsur, irkanr-euq lafkhoer urler ngae, aqyawf-euq zaqlanr deuq, aqyawf-anr ciqcurni narhaq-eu, “Aqjeq mirnae nga’maf, naef khoermawr-anr maq taedov nya-eu nga?”

Luˇkaꞈ 4:23

Khoerngae, Yeqsur, aqyawf maf-anr aernaeq-eu, “ ‘Nargawr lavsav-eu tsawrhaq-or! Nawr, nawq-euq nargawr-anr lavtaq-awq’ laer aer-eu dawqdaq jav-eu lof-aer, nawq nae Gaqbeqneqoq-anr mr-euq gardeuq nga’maf yagaq-euq lof-aer, yawqha-euq jawrkhanq-anr khawf mr-awq lawr’ laer nawmaf, ngaq-anr aerlar taef-a laer ngar siqnya ma.”