Maˬkuˆ 10:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, aqyawf-anr tsermr haw-eu laer Paqliqsaer tiqpavnav deuq lar-awr narhaq-eu, “Khaqdzerzaq tiq ghaq yawqha-euq miqzaq-anr khofkhmq mae lor?”

Akha

² Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Tsawˇ haˬ tiˬ gʼaˬ yawˬ ha-euˬ miˬ zaˬ kʼoꞈ naˇ, zahˇ dawˬ kʼoꞈ dawˬ-ahˇ bahˬ ta loˇ.”

Maˬkuˆ 10:2 Referans Kwoze

Yoˇhaˬ 8:6

Aqyawfmaf khoerlof-aer aer-eu-aq, aqyawfmaf tiqjeqnav zmq-awr, Yeqsur-anr iqbax taqnya’ni tsermr haw-eu jeq pyeuf-eu mae. Aerkhawf, Yeqsur maqgaq-euq geuf-awr, awkhof-awr nae, aqyawf-euq lafnoer nae mirtsa bof-euq mae.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

1 Gawˇliˬtu 10:9

Aqyawfmaf tiqpavnav deuq tsermr haw-euq lof-aer, aqdui, Kali-anr maqya tsermr haw-a. Aqyawfmaf khoerlof-aer janr-euq mirnae, arlawr nae bi tovsaef-euq mae.

Yoˇhaˬ 11:57

Khoerngae, Aqsur ghaq maqkaq, Yeqsur aqgeugar jawr-a laer siqnya nar-aq, aqyawfmaf, Yeqsur-anr ya’nyaefni dawqtsaf yatsaf lar-eu mae laer pirma aqyuif deuq hawr-eu Paqliqsaer deuq dawq biftaq-euq mae.

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Yoˇhaˬ 7:48

Uvlanr-eu deuq hawr-eu Paqliqsaer deuq, aqyawf-anr janlar-euq tsawrhaq tiqghaqnav jawr mae lor?

Yoˇhaˬ 7:32

Tsawrhaq armaf deuq, Yeqsur-euq garkawv lawflawf-aer jaluf-eu gar Paqliqsaer deuq yagaq-euq mirnae, Yeqsur-anr binyaef-ir-eu laer pirma aqyuif deuq hawr-eu Paqliqsaer deuq, lofpir-eu kuirlafdeuq-anr khaerghae-euq mae.

Luˇkaꞈ 16:14

Paqliqsaer deuq-aq, pyurshuir-anr maerjuir juir-eu tsawrhaq mirnae, aqyawfmaf khoerdeuq dawqtawv luf-anr yagaq ngae, Yeqsur-anr aqjaf jafjaf-aer uir-eu mae.

Luˇkaꞈ 11:39

Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Luˇkaꞈ 7:30

Aerkhawf, Paqliqsaer deuq hawr-eu zanrdawq siqzaq deuq-aq, Yorhaq nae bartirsaq maqbi mrnaeq-aer, Miqyaer nae aqyawf maf-euq gharduq lavsav taq-euq gar maq hageuf-aq.

Luˇkaꞈ 6:7

Zanr maeq-eu deuq hawr-eu Paqliqsaer deuq, Yeqsur-euq yawlaeq pov-awr daqler nya’ni, aqyawf, landaw jawrnan ngae nan nargawr lavtaq naeq-eu nga lor laer hawtsov taq-euq mae.

Luˇkaꞈ 5:30

Khoerngae, aqyawf maf-euq zanr maeq-eu deuq hawr-eu Paqliqsaer deuq-aq, Yeqsur-euq zaqlanr deuq-anr jabu jadoer-eu lafkhoer aer-eu, “Nawmaf aqjeq mirnae jeq taf-eu tsawrhaq hawr-eu iqbaxzaq deuq naeq-aer dzaqtaf dawrtaf-eu le?”

Maˬkuˆ 8:15

Khoerngae, Yeqsur, aqyawf maf-anr dawq bif-eu, “Nawmaf, Paqliqsaer deuq-euq daeqtseq hawr-eu Heqlor-euq daeqtseq-anr hawdov-awr yawkhav-aer yanr-awq.”

Maˬkuˆ 8:11

Khoerngae, Paqliqsaer deuq, Yeqsur jawr-eu gar lar-awr danqbae-awr tsawrpyaer pyaer-eu uqtaf, aqyawf-anr tsermrhaw mawf-eu mirnae, mq-euq khoertav-euq bisiq bimawr-eu jeq janrmaeq naeqlaf laer aer-eu mae.

Maꞈtehˬ 22:35

Aqyawf maf-euq lafkhoer zanrdawq siqzaq tiq ghaq, Yeqsur-anr tsermr haw-eu laer narhaq-eu,

Maꞈtehˬ 19:3

Khoerngae, Yeqsur-anr tsermr haw-eu laer Paqliqsaer tiqpavnav deuq, aqyawf jawr-eu gar lar-awr narhaq-eu, “Aqjeq-euq garkawv-anr nae maqkaq, miqzaq khof-eu-aq, zanrdawq khofdawq-anr tsaq mae lor?”

Maꞈtehˬ 16:1

Paqliqsaer deuq hawr-eu Saqduqgaer deuq, Yeqsur-anr tsermrhaw mawf-eu mirnae, mq-anr bisiq bimawr-eu jeq janr-awr bimawr naeqlaf-awq laer shar-eu mae.

Maꞈtehˬ 15:12

Khoerngae, aqyawf-euq zaqlanr deuq, aqyawf jawr-eu gar lar-awr aer-eu, “Paqliqsaer deuq, nawq nae aer-euq dawq heudeuq-anr yagaq ngae coeqler-aq laer nawr siqnya ma lor?”

Maꞈtehˬ 9:34

Aerkhawf, Paqliqsaer deuq aer-eu, “Aqyawf-aq, naef sanqpaq-anr ghoeghoe-aer naef-anr taedov-eu nga.”

Maˬkuˆ 10:1

Khoernar-aq, Yeqsur khoergar nae dov-ir-awr, Yawrdaq lawrbaq-euq khoerpaw baq-anr nae Yurdav mirkhanq-euq mirkaq-anr irkeuv-euq mae. Tsawrhaq armaf mafma, aqyawf jawr-eu gar par uiqlar-awr, aqmyanmyan lof-aer aqyawf, aqyawf maf-anr parmaeq par tsovnaeq-euq mae.

Maˬkuˆ 10:3

Yeqsur, aqyawf maf-anr aerkhof naeq-eu lafkhoer aer-eu, “Morseq nae nawmaf-anr dawq aqjox-aer biftaq-euq la?”