Maˬkuˆ 1:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Bartirsaq mrnaeq-eu Yorhaq bawrtsanq bawrdanr-anr dovle-awr, Miqyaer, iqbax pyaeq-eu jeq za’ni, noeqpov noeqpar-awr bartirsaq hageuf-eu garkawv dawqmaeq maeqluf-eu mae.

Akha

⁴ Iˇ cuꞈ shawˇ-eu Yoˇhaˬ bawˇ tsahˬ bawˇ dahˇ-ahˇ doˆ le-awˇ, heu loꞈ-ehˇ dawˬ mehˬ mehˬ-euˬ meh. “Iˬ baˇ noeˬ poˆ-awˇ iˇ cuꞈ shawˇ-awˬ. Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.”

Maˬkuˆ 1:4 Referans Kwoze

Yoˇhaˬ 3:23

Khoerngae, Aernoq-anr jav-eu Saqliq meuq-euq dawqpae ircuf ghawqmya’ni danq-eu mirnae, Yorhaq bartirsaq mrnaeq luf-eu mae. Aqyawfmaf lar-awr bartirsaq hageuf lar-euq mae.

Maꞈtehˬ 3:6

aqyawfmaf, yawqha-euq iqbax jadov jadov-aer, Yawrdaq lawrbaq-euq lafkhoer Yorhaq nae bartirsaq bi mrnaeq-euq mae.

Luˇkaꞈ 1:77

Khoerlof-aer janr-awr, aqyawf-euq tsawrhaq deuq-euq iqbax pyaeqnaeq-euq mirnae, kakhof-eu jeq-anr siqnyalar taef-a.

Gʼaˬkʼehˇ 22:16

Nymq-mr nawr aqjeq ghae-eu dawqdawq-aer jawr-eu le? Tur-awr, bartirsaq hageuf-awr, nawq-euq iqbax tsiqshawr-awq. Sanqpaq Miqyaer-euq tsawrmyanr-anr kur-awq.’ ”

Gʼaˬkʼehˇ 10:37

Yorhaq, bartirsaq-euq garkawv dawqmaeq maeq-eu khoer dzeur-euq nar-aq, Gaqliqlaer mirkhanq-anr danqbae-awr, Yurdav mirkhanq doeni maeqkhawq jir-euq dawq heu-anr nawmaf siqnya-eu mae.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Maˬkuˆ 1:5

Yurdav mirkhanq doeni jawr-eu tsawrhaq hawr-eu Yeqlursaqlaeq-anr jawr-eu tsawrhaq dawqtawvluf, Yorhaq jawr-eu gar ir-awr, aqyawfmaf, yawqha-euq iqbax jadov jadov-aer, Yawrdaq lawrbaq-euq lafkhoer Yorhaq nae bartirsaq bi mrnaeq-euq mae.