Luˇkaꞈ 9:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tiqpov-aq, Yeqsur tiq ghaq taef-aer guiqlanq sharluf ngae, zaqlanr deuq khawf aqyawf naeq-aer jawr-eu mae. Khoerngae, Yeqsur, aqyawf maf-anr narhaq-eu, “Tsawrhaq armaf mafma, ngaq-anr aqsur ghaq nga laer aerluf-eu la?”

Akha

¹⁸ Tiˬ poˆ-aˬ, Yeˬsuˇ tiˬ gʼaˬ tehꞈ-ehˇ guiˬ lahˬ shaˇ luꞈngeh, zaˬ lahˇ deuˬ aˬ yawꞈ jawˇ gaˇ laˇ-euˬ meh. Yeˬsuˇ aˬ yawꞈ maꞈ-ahˇ ehˇ-eu, “Aˬ cawˬ ngaˬ-ahˇ aˬ suˇ gʼaˬ nga lehˇ ehˇ luꞈ ta.”

Luˇkaꞈ 9:18 Referans Kwoze

Luˇkaꞈ 11:1

Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”

Maꞈtehˬ 26:36

Khoernar-aq, Yeqsur hawr-eu zaqlanr deuq, Geqseqmaqnir laer kur-eu tsanr-anr irkeuv-euq mae. Yeqsur, zaqlanr deuq-anr aernaeq-eu, “Nawmaf heugar nuirtawq-awq, ngar khoerpaw guiqlanq shar-ir la.”

Maꞈtehˬ 14:23

Tsawrhaq armaf mafma deuq-anr bighof-ir jir-euq nar-aq, aqyawf tiq ghaq taef-aer gawqjawq-anr davler-awr, guiqlanq sharler-euq mae. Uqcif cifle ngae, aqyawf tiq ghaq taef-aer khoergar jawrluf-eu mae.

Luˇkaꞈ 3:21

Khoerngae, heulof-aer pyeuflar-euq mae. Tsawrhaq khoerdeuq dawqtawvluf bartirsaq hageufluf ngae, Yeqsur khawf hageuf-awr guiqlanqshar ngae, mq panlar-euq mae.

Luˇkaꞈ 6:12

Khoerngae, heulof-aer pyeuflar-euq mae. Yeqsur dov-ir-awr, gawqjawq-anr davler-awr nae guiqlanq sharler-euq mae. Uqcif mirlan-aer Miqyaer-anr guiqlanq shar-euq mae.

Luˇkaꞈ 9:19

Aqyawfmaf aernaeq-eu, “Tiqpavnav deuq-aq, Bartirsaq mrnaeq-eu Yorhaq nga laer aer-eu mae. Tiqpavnav deuq-aq, Erlirya nga laer aer-awr, tiqpavnav deuq-aq, Arhuba-euq Miqyaer gharduq ngaeqdan-eu tiqghaqnav ghofdaef lar-euq nga” laer khawf aerluf-eu mae.”

Luˇkaꞈ 9:28

Khoerlof-aer aerghaq-awr yaef nan aerghaqni byanlar ngae, Yeqsur-aq, Beqtuvluv, Yorhaq hawr-eu Yaqkov sheuq-awr gawqjawq-anr guiqlanq sharler-eu laer le-euq mae.

Luˇkaꞈ 9:29

Guiqlanq sharluf ngae, aqyawf-euq myavpyawq parlar-awr, maeqtsoeq pyurdeuqni ghaelar-awr yawshaef bya duidui-eu mae.