Luˇkaꞈ 8:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

Akha

¹⁵ Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Luˇkaꞈ 8:15 Referans Kwoze

HeˬByehˇ 10:36

Nawmaf, Miqyaer nuima tsaq-eu jeq-anr mrbyan-euq nar-aq, aqyawf nae sarjax dzaqtaq-euq jeq-anr za’ni daqcoer orcoer-eu jeq ya’anr-eu mae.

Luˇkaꞈ 6:45

Tsawrhaq yawmuiq deuq-aq, aqyawf-euq nuima-euq lafkhoer, myawqganq yawmuiq shardawv taq-euq gar nae, yawmuiq jeq yurdov laf-eu mae. Tsawrhaq yawdoer deuq-aq, aqyawf-euq nuima-euq lafkhoer myawqganq yawdoer shardawv taq-euq gar nae, yawdoer jeq ngaeqdov laf-eu mae. Aqjeq mirnae aernar-aq, nuima-euq lafkhoer khardawvbyan taq-euq jeq, khaqmae-anr ngaeqdov laf-eu mae.

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Lormav 7:4

Ngaq-euq aqyuif aqnyir deuq-or! Khoerlof-aer durni, nawmaf khawf Kali-euq mawrdo-anr ghoe-awr, zanrdawq-anr nae shirdzeur-euq mae. Khoeruqtaf, nawmaf, shir-euq gar nae ghofdaef lar-euq khoerghaq-anr danqdzaq-ir-euq mae. Khoer-aq, aqdui, Miqyaer-euq gharduq arsiq bi siqle-eu laer mae.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Maꞈtehˬ 24:13

Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

HeˬByehˇ 2:1

Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

1 Gawˇliˬtu 7:19

Bawkhov maeqdzaq yaeq-euq khawf, maqyaeq-euq khawf tiqjeq-iq gardanr tsoeq-eu maqngeur-a. Miqyaer-euq zanrdawq khofdawq-anr mrcaw-eu taef-aer gardanr tsoeq-eu mae.

Lormav 7:18

Shiqshaq-anr taf-eu ngaq-euq mawrdo-euq lafkhoer yawmuiq jeq maqanr nya laer ngar siqnya ma. Aqjeq mirnae aernar-aq, yawmuiq jeq mrmawf-eu nuima anr-eu khawf, aqjox-aer ya’mr-eu la laer maq povmawrnya nya.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Yaˬkoˆ 1:4

Nawmaf tiqjeq-iq maqteq-aer, byan-awr kuf-eu tsawrhaq pyeuflarni, aqmyanluf oror-aer daef-awq.

Dawqdaq 3:1

Ngaq-euq zaqyo-or! Ngaq nae maeqnaeq tsovnaeq-euq zanrdawq-anr maqngaer-aer, Nawq-euq nuima, ngaq-euq khaerdawq jeqhmq taq-awq.

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Luˇkaꞈ 8:14

Aqgan daefmyaq-eu tsanr-anr ga-ir-euq deuq-aq, Miqyaer-euq dawq yagaq-awr irdov ngae, mirtsaq-euq khoertav jawr ngae khanqlanr-eu jeq, pyurshuir myawqganq hawr-eu lurgha caergha-eu jeq nae bi uvtaeq taq-awr, arsiq siqle khawf maq lovlar nya-eu deuq-anr aermawf-eu mae.

Luˇkaꞈ 8:16

“Tsawrhaq tiqghaq-iq tsirkhmq dof-awr oeqlanq nae maq moftsanq taq-aer, jaciq-euq uqmov khawf maq ciqtaq-ar. Urlar-eu tsawrhaq yawshaef-anr ya’mawrni, tsirkhmq ciqtaq duq-anr ciqdav taq-eu mae.

Lormav 8:25

Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.