Luˇkaꞈ 4:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, Yeqsur, aqyawf-anr aerkhof naeq-eu, “ ‘Tsawrhaqzaq-aq, dzaqdzaq dawrdawr-euq baqda’nae taef-aer daefnya-eu maqngeur-a.’ Aerkhawf, ‘Miqyaer-euq khaqmae-anr nae dovle-euq dawq yawqdawq navluf-euq baqda’nae daefnya-eu mae,’ (Dm 8:3) laer, Yaerbof-euq lafkhoer boftaq-euq mae”

Akha

⁴ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Dzaˬ dzaˬ dawˇ dawˇ baˬ da neh tehꞈ-ehˇ tsawˇ haˬ zaˬ yaw dehꞈ dehꞈ nya-eu maˬ ngeuˇ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

Luˇkaꞈ 4:4 Referans Kwoze

Maꞈtehˬ 4:4

Aerkhawf, Yeqsur aerkhof naeq-eu, “ ‘Tsawrhaqzaq-aq, dzaq-eu jeq-euq baqda’nae taef-aer daefnya-eu maqngeur-a. Miqyaer-euq khaqmae-anr nae dovle-euq dawq yawqdawq navluf-euq baqda’nae daefnya-eu mae’ (Dm 8:3) laer Yaerbof-euq lafkhoer boftaq-euq mae.”

Eˇpeˇsu 6:17

Shmr uqkhov khov-eu lof-aer kakhof-eu jeq-anr khov-awr, micaer shaf-eu lof-aer muiq-eu Saflar-euq micaer pyeuf-eu Miqyaer-euq dawq-anr shaf-awq.

Maꞈtehˬ 6:31

“Khoermirnae, khanq taqlanr, heulof-aer taqngaeq, ‘Aqjeq yur-awr nae dzaq-eu? Aqjeq yur-awr nae dawr-eu? Aqjeq yur-awr nae dm-awr ghaq-eu paq nga?’

Luˇkaꞈ 4:10

Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Sanqpaq Miqyaer, aqyawf-euq mqtav ghaqkhaer deuq-anr khaer-awr nawq-anr bi hawpir taef-a.

Luˇkaꞈ 4:8

Khoerngae, Yeqsur, aqyawf-anr aernaeq-eu, “ ‘Naef Saqdaq-or! Ngaq-euq narkhan paw caev-awq. Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae’ (Dm 6:13) laer Yaerbof-euq lafkhoer boftaq-euq mae.”

Luˇkaꞈ 22:35

Yeqsur, aqyawf maf-anr aernaeq-eu, “Ngar, nawmaf-anr pyur pawqbaev, paertanr hawr-eu saeqnawv maqyurni ir-awq laer khaerghae ngae, nawmaf-anr tiqjeqpaq mawflar-euq la laq?” Aqyawfmaf aer-eu, “Tiqjeq-iq maq mawflar-aq.”

Luˇkaꞈ 4:3

Khoerngae, naef sanqpaq, aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heusiq-anr kaqmur pyeuflar-awq laer dawq bif-awq lawr.”