Luˇkaꞈ 23:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Khoernar-aq, aqyawf, Yeqsur-anr aernaeq-eu, “Sanqpaq Yeqsur-or! Nawr uvlanr-eu jeq keuvle ngae, ngaq-anr taqngaer naeqlaf de-eq.”

Akha

⁴² Kʼoeˇ naˇ, aˬ yawꞈ ehˇ-eu, “Yeˬsuˇ-oˇ, nawˇ Sahˬ paˬ loꞈ-ehˇ zaꞈ le ngeh, ngaˬ-ahˇ taˬ ngehˇ nehˬ laꞈ.”

Luˇkaꞈ 23:42 Referans Kwoze

Gʼaˬkʼehˇ 16:31

Khoerngae, aqyawfnyaf aer-eu, “Sanqpaq Yeqsur Kali-anr jan-awq. Nawr hawr-eu nawq-euq nymrkhanq-euq zaq dawqtawvluf yabuq-ir taef-a.”

Luˇkaꞈ 12:8

“Ngar, nawmaf-anr aernaeq nyar, Ngaq-euq zaqlanr ma laer tsawrhaq-euq maeqshi aerdov-eu aqgeu ghaq-anr maqkaq, Tsawrhaq-euq Zaqyo khawf, Miqyaer-euq mqtav ghaqkhaer deuq-euq maeqshi ngaq-euq zaqlanr ma laer aerdov taef-a.

Luˇkaꞈ 18:13

“Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Luˇkaꞈ 24:26

Kali shaqzanq heudeuq yadaq ghaq-awr nae taef-aer, aqyawf-euq yawshaef khanqsaer-euq lafkhoer ya urler-eu maqngeur-a lor?”

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

Luˇkaꞈ 23:41

Arnyaf heulof-aer yadaq-eu-aq tsaq mae. Arnyaf mrbanq-euq mirnae, daq paq-aer ghae-eu lof-aer daqluf-eu ma. Aerkhawf, teughaq-aq, tiqjeq-iq maq mrbanq-aq.”

Luˇkaꞈ 23:43

Khoerngae, Yeqsur, aqyawf-anr aernaeq-eu, “Ngar, nawq-anr aqdirma-aer aernaeq nyar. Iqnan, nawr, ngaq naeq-aer Baqlaqdirsuv-euq lafkhoer yajawr taef-a.”