Luˇkaꞈ 21:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Nawmaf orcoer-eu baqda’nae, nawqmaf-euq nuima saflar za taef-a.”

Akha

¹⁹ Naw maꞈ ziꞈ dah ni kamˬ coeˇ naˇ, dehꞈ-eu jeˬ-ahˇ za tehꞈ-a.

Luˇkaꞈ 21:19 Referans Kwoze

HeˬByehˇ 10:36

Nawmaf, Miqyaer nuima tsaq-eu jeq-anr mrbyan-euq nar-aq, aqyawf nae sarjax dzaqtaq-euq jeq-anr za’ni daqcoer orcoer-eu jeq ya’anr-eu mae.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Yaˬkoˆ 1:3

Aqjeq mirnae aernar-aq, nawmaf-euq jan-eu jeq-anr tsermr haw-eu khoer-aq, nawmaf-anr daqcoer orcoer-eu tsawrhaq bi pyeuflar-eu mae.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Lormav 5:3

Khoeruqtaf, shaq-awr zanq-eu jeq-anr yadaq ngae khawf, aqdui laqkhaqcaer ma. Aqjeq mirnae aernar-aq, shaq-awr zanq-eu baqda’nae daqcoer orcoer lar-eu mae laer siqnya-eu ma.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Panmaeq 13:10

Aqcawq-anr nyaefghae-euq tsawrhaq-aq, aqcawq nae yabi nyaefghae-awr, aqcawq-anr micaer nae saef-euq tsawrhaq-aq, micaer nae yabi saef taef-a. Heu-aq, tsawrshawr deuq orcoerni jan-eu jeq pyeuf-eu mae.

Jaceuq 37:7

Ya’we Miqyaer-euq lafkhoer ghaqnaq naq-awr, Or-awr nae aqyawf-anr dawq-awq; Yawdoer mr-eu bawqtov mrpyeuf-awr garma khardov-ir-eu paw muiqlar sanrlar-eu deuq-euq baqda’nae nuima taqlanr.

Panmaeq 14:12

Heulof-aer aer-eu-aq, Yeqsur-anr jan-awr, Miqyaer-euq zanrdawq khofdawq-anr mrcaw-eu tsawrshawr deuq-anr bi daqcoer bi orcoer-eu gharduq ma.

HeˬByehˇ 6:11

Nawmaf nae noeqtmqduq taq-euq lof-aer aqdir byanlarni, nawmaf yawqghaq navluf arsaqsaq ngae keuvni yawmuiq-aer laejae-awr mrghae-eu gar nga’maf geufmawf mir-a.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

Maꞈtehˬ 24:13

Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

HeˬByehˇ 6:15

Aqbyaqhaq oror-aer dawq-euq nar-aq, Miqyaer nae aqyawf-anr sarjax dzaqtaq-euq lof-aer za-euq mae.

2 Teˇsaˬloˇni 3:5

Sanqpaq Miqyaer, nawmaf-euq nuima-anr Miqyaer-euq gaq-eu jeq hawr-eu Kali-euq daqcoer orcoer-eu jeq-anr bi ghovshawnya dzaeqlar luf-ur.

Lormav 8:25

Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.

Luˇkaꞈ 8:15

Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

Jaceuq 40:1

Ngar or-awr Ya’we Miqyaer-anr dawq-euq ma. Aqyawf, ngar jawr-eu paw ciqpyawr lef-awr, Ngar gur-eu gar narhaq naeqlaf-euq mae.

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

Lormav 5:4

Daqcoer orcoer-eu baqda’nae, jancoer ghoecoer lar-eu mae. Jancoer ghoecoer lar-euq baqda’nae noeqtmqnya lar-eu mae.

Yaˬkoˆ 1:4

Nawmaf tiqjeq-iq maqteq-aer, byan-awr kuf-eu tsawrhaq pyeuflarni, aqmyanluf oror-aer daef-awq.

2 Beˬtuˆluˆ 1:6

Siqnya-eu tsawrganr-anr yawqha-euq nuima-anr ghaqler-eu jeq bi lanqlar-awr, yawqha-euq nuima-anr ghaqler-eu jeq-anr daqcoer orcoer-eu jeq bi lanqlar-awq. Daqcoer orcoer-eu jeq-anr Miqyaer-anr yawzeu baw-eu jeq bi lanqlar-awq.