Luˇkaꞈ 2:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerngae, Sanqpaq Miqyaer-euq mqtav ghaqkhaer dovle-awr aqyawf maf-euq dawqpae yawfluf-eu mae. Sanqpaq Miqyaer-euq yawshaef khanqsaer aqyawf maf-euq tiqjawq byale-awr, yawr bo-eu deuq guv duidui-ir-euq mae.

Akha

⁹ Mˬ taˆ gʼaˬ kʼehˇ tiˬ gʼaˬ aˬ yawꞈ maꞈ jawˇ gaˇ doˆ le-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ yawꞈ maꞈ-euˬ tiˬ jawˬ bya le-euˬ miˇ neh, aˬ yawꞈ maꞈ guˆ dui dui-iˇ-euˬ meh.

Luˇkaꞈ 2:9 Referans Kwoze

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Panmaeq 18:1

Khoernar-aq, ngar, mqtav ghaqkhaer yawqghaqyawq, mq-anr nae zafka le-eu gar ya’mawr-euq ma. Aqyawf huiq duidui-eu aryaq jav-awr, aqyawf-euq yawshaef khanqsaer-euq baqda’nae, mirtsaq-anr yawshaef bya-eu mae.

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Gʼaˬkʼehˇ 5:19

Aerkhawf, uqcif paw Sanqpaq Miqyaer-euq mqtav ghaqkhaer tiq ghaq, kuv-euq larghov deuq panle-awr, aqyawf maf-anr sheuqdov ghae-awr aer-eu,

Yoˇhaˬ 12:41

Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Luˇkaꞈ 24:4

Khoerngae, heulof-aer pyeuflar-euq mae. Aqyawfmaf garkawv khoer-anr zanq duidui ler-awr jawrluf ngae, yawshaef bya-eu maeqtsoeq dmluf-eu tsawrhaq nyiq ghaq dovle-awr, dawqpae yawfluf-eu mae.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.

HeˬByehˇ 12:21

Ya’mawr-euq khoer-aq, guv duiduilar paq-aer ghae-eu mirnae, Morseq aer-eu, “Ngar, yawdzuq gan’gan-aer guv duidui nya.” (Dm 9:19)

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gʼaˬkʼehˇ 12:7

Khoerngae, Sanqpaq Miqyaer-euq mqtav ghaqkhaer tiq ghaq Beqtuvluv-euq gardzer yawfle-awr, kuv-euq arlawv-euq lafkhoer yawshaef byalar-euq mae. Aqyawf, Beqtuvluv-euq byaghar-anr taevtaev-aer kurnoeq-eu, “Yawkawr-aer tur-awq.” Khoerngae, shmrcav deuq aqyawf-euq aqlaf-anr nae galaev jir-euq mae.

Luˇkaꞈ 1:28

Mqtav ghaqkhaer khoerghaq, Maqliv jawr-eu gar oe-awr aer-eu, “Guiqlanq zawr huiq-eu zaqmiq-or! Nawr nuisar of luf-ur. Sanqpaq Miqyaer, nawq naeq-aer jawrluf mae!”

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Luˇkaꞈ 2:8

Khoerngae, Baeqlaeqhaeq-euq yarpeuq-anr yawr bo-eu tsawrhaq, uqcif paw yawrdeuq-anr lofluf-eu mae.