Luˇkaꞈ 2:46 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Smq nan dzeur-awr, aqyawf, uqduq tanqnymr nymrma-euq lafkhoer jawr-eu gar ya’mawr-euq mae. Aqyawf, saqlaq deuq-euq ghanrcae nuir-awr, aqyawfmaf ngaeq-eu gar narhaq-awr, aqyawf maf-anr kharngeur-eu jeq narhaqtser luf-eu mae.

Akha

⁴⁶ Smˬ nah poˆ keuˆ laꞈ ngeh, Uˬ duˬ tahˬ nymˇ nymˇ ma laꞈ kʼoeˇ poˆ mawˇ leˇ-euˬ meh. Yuˇdaˆ tsawˇ haˬ saˬ laˬ deuˬ nehˬ-ehˇ aˬ yawꞈ nuiˇ-awˇ, aˬ yawꞈ maꞈ neh mehˬ nehˬ tsoˆ nehˬ-euˬ gaˇ naˇ haˬ-awˇ, aˬ yawꞈ maꞈ-ahˇ gʼawˬ mya jeˬ naˇ haˬ poˆ luꞈ-eu meh.

Luˇkaꞈ 2:46 Referans Kwoze

Luˇkaꞈ 5:17

Tiqnan, Yeqsur maeqnaeq tsovnaeqluf ngae, Paqliqsaer deuq hawr-eu zanrdawq maeq-eu tsawrhaq deuq gardzer paw nuirluf-eu mae. Aqyawf maf-aq, Yeqlursaqlaeq, Gaqliqlaer mirkhanq hawr-eu Yurdav mirkhanq-euq lafkhoer jav-eu pu dawqtawv luf-anr nae oe-eu mae. Aqyawf-euq lafkhoer, nar-eu tsawrhaq-anr lavtaq nya-eu Sanqpaq Miqyaer-euq baoq anr-eu mae.

Gʼaˬkʼehˇ 5:34

Aerkhawf, tsawrhaq dawqtawvluf yawzeu baw-eu zanrdawq maeq-eu saqlaq, Gaqmaqleqlar laer kur-eu Paqliqsaer tiq ghaq, khavma armur-euq lafkhoer turlar-awr, ghaqkhaer deuq-anr lafnyir tiqkhaeq bi sheuqdov ghaeni aqyawf maf-anr dawq bif-euq mae.

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Maꞈtehˬ 16:21

Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Luˇkaꞈ 2:47

Aqyawf ngaeq-eu gar kharya gaq-euq tsawrhaq dawqtawvluf, aqyawf ghovshaw nya-awr ngaeqkhof nya-eu gar zanq duidui ler-eu mae.

Yoˇhaˬ 3:10

Yeqsur, aqyawf-anr heulof-aer aerkhof naeq-euq mae, “Nawr, Irsaqleqlav tsawrhaq-euq saqlaq geufluf-eu khawf, garkawv heudeuq-anr maq ghovshaw nya-eu le siq laq?

1 Tiˆmoˇseˬ 1:7

Zanrdawq maeq-eu tsawrhaq geufmawf-eu gar nae, yawqha aqjeq aerluf-eu garkawv maq siqnya-aer, yawha maq ghovshaw nya-eu jeq-anr khaqduqni ngaeq-eu mae.