Luˇkaꞈ 2:40 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Zaq khoerghaq huiqlar-awr, saflar khawf ghaq khavlar-euq uqtaf, zaqsiq tsawrganr tiqbyanni anrlar-awr, Miqyaer-euq guiqlanq yawdzanr khawf, aqyawf-euq khoertav jav-eu mae.

Akha

⁴⁰ Aˬ li kʼoeˇ gʼaˬ huiˬ laˇ-awˇ, nui ma saꞈ laˇ gʼaˬ ahˇ laˇ luꞈ-eu uˬ taꞈ, zaˬ siˬ tsawˇ gahˇ byah-awˇ, Miˬyehˇ-euˬ guiˬ lahˬ aˬ yawꞈ kʼoeˇ taˆ jaˆ-eu meh.

Luˇkaꞈ 2:40 Referans Kwoze

Luˇkaꞈ 2:52

Yeqsur-aq, zaqsiq tsawrganr hawr-eu mawrdo huiqlar-awr, Miqyaer khawf, tsawrhaqzaq khawf, aqyawf-anr ghoer mr-eu mae.

Luˇkaꞈ 1:80

Zaq heughaq huiqlar-awr, saflar khawf ghaq khavlar-euq mae. Aqyawf, Irsaqleqlav tsawrhaq-euq maeqshi maq dovlar-euq khoerkeuvni, bawrtsanq-anr jawr-euq mae.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Luˇkaꞈ 2:47

Aqyawf ngaeq-eu gar kharya gaq-euq tsawrhaq dawqtawvluf, aqyawf ghovshaw nya-awr ngaeqkhof nya-eu gar zanq duidui ler-eu mae.

Jaceuq 22:9

Aerkhawf, nawr-aq, ngaq-anr zaq-euq jawrzar-anr nae bi daefle-euq ghaq pyeuf-awr; Ngar, ngaqma-euq aqcoer dawrluf ngae nae, nawq-anr bi ghoenya naeqlaf-euq mae.

2 Tiˆmoˇseˬ 2:1

Khoermirnae, ngaqli-or! Nawr, Yeqsur Kali-euq guiqlanq yawdzanr-euq lafkhoer ghaq khavlar-awq.

Eˇpeˇsu 6:10

Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Nawmaf, Sanqpaq Miqyaer-euq lafkhoer, ghaq khav-eu aqyawf-euq baoq-anr ghoe-awr, ghaq khavlar-awq.

Gʼaˬkʼehˇ 4:33

Ghaqkhaer deuq huiq-eu baoq anr-eu lafkhoer, Sanqpaq Yeqsur ghofdaef lar-euq garkawv sarkir kamq-euq mae. Aqyawfmaf yawqghaq navluf-euq khoertav, Miqyaer-euq guiqlanq yawdzanr huiq duidui-eu mae.

Jaceuq 45:2

Nawr-aq, tsawrhaq-euq zaqyo deuq navmaqtser arghaer shaevdzeuf muiqdzaeq-awr; Nawq-euq maeqluq-anr guiqlanq yawdzanr shaevdav taq-euq mae. Khoermirnae, Miqyaer, nawq-anr mqmaq maqbyav yarzir guiqlanq bif-eu mae.