Luˇkaꞈ 2:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoernar-aq, mqtav-euq guirzaq, baqmaf purjeq-aer japyuqni dovle-awr, mqtav ghaqkhaer khoerghaq naeq-aer Miqyaer-anr jaceuq-eu,

Akha

¹³ Jaˬ pyuˬ ni mˬ taˆ gʼaˬ kʼehˇ kʼoeˇ gʼaˬ nehˬ-ehˇ mˬ taˆ gʼaˬ kʼehˇ baˬ maꞈ puˇ jeˬ-ehˇ doˆ le-awˇ, Miˬyehˇ-ahˇ ja ceuˬ-eu caˇ dawˬ heu loꞈ-ehˇ caˇ-eu meh.

Luˇkaꞈ 2:13 Referans Kwoze

Panmaeq 5:11

Ngar par hawghaelef ngae, nuirmanq, yawdaef jeq hawr-eu aqyuif aqtsu-euq tiqjawq, ghawqmya’ni ghae-eu mqtav ghaqkhaer-euq tersar-anr yagaq-euq ma. Mqtav ghaqkhaer khoerdeuq-aq, maq guijir coerni ardui arduighaq byan-eu mae.

Jaceuq 148:2

Aqyawf-euq mqtav ghaqkhaer dawqtawvluf, aqyawf-anr jaceuq-awq; Aqyawf-euq guirmaf dawqtawvluf, aqyawf-anr jaceuq-awq!

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Jaceuq 68:17

Miqyaer-euq manq lavlawq artanr armyaer lar byan-eu lafkhoer, Sanqpaq Miqyaer, Sirnav gawqjawq-anr jawr-euq lof-aer, Yawshawr jawrduq-anr jawrle taef-a.

Eˇpeˇsu 3:10

Khoer-aq, nymq-mr Kalizaq armur-anr ghoe-awr, Miqyaer-euq zaqsiq tsawrganr ghawqmya jeq, mq-euq khoertav-euq mqsanr deuq hawr-eu mq-euq khoertav-euq aryaq jav-eu deuq-anr bisiq-eu laer laeqhmq taq-euq mae.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

Luˇkaꞈ 2:12

Nawmaf-anr bisiq bimawr paq-aer zaqnanq tiq ghaq-anr builoq loq-awr jeqdzar khawrlawq-euq lafkhoer ciqyuf taq-euq gar ya’mawr taef-a.”

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.