Luˇkaꞈ 18:43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoerngae, myavbaef khoerghaq tiqpov taef-aer mawrnya lar-awr, Miqyaer-anr jaceuq jaceuq-aer Yeqsur-euq maeqnan cantae ghae-euq mae. Tsawrhaq dawqtawvluf khoer-anr ya’mawr ngae, Miqyaer-anr jaceuq-eu mae.

Akha

⁴³ Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, Yeˬsuˇ-euˬ mehˬ nah caw teh gʼeh-euˬ meh. Tsawˇ haˬ dawˬ tawˆ luꞈ kʼoeˇ gaˇ ya mawˇ ngeh, Miˬyehˇ-ahˇ ja ceuˬ-euˬ meh.

Luˇkaꞈ 18:43 Referans Kwoze

Jaceuq 146:8

Ya’we Miqyaer, myavbaef-anr bi danrlar-awr; Ya’we Miqyaer, awbyav-eu tsawrhaq-anr ciqtur naeq-eu mae. Ya’we Miqyaer, tsaq-awr dawr-eu tsawrhaq-anr gaq-eu mae.

Gaˬlaˬtiˆ 1:24

Ngaq-euq baqda’nae aqyawfmaf, Miqyaer-anr jaceuq-eu mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 4:21

Khoerngae, aqyawfmaf, tsawrhaq baqmaf-anr guv-eu lafkhoer, aqyawf nyaf-anr aqjox-aer khaeqnaeq-eu paq nga laer noeq maqdov-eu mirnae, aqyawf nyaf-anr guvtsiq yawkhav-aer parnyaef-awr pyaeqnaeq-euq mae. Aqjeq mirnae aernar-aq, khoergar pyeuflar-euq garkawv-euq baqda’nae, tsawrhaq dawqtawvluf Miqyaer-anr ciqhuiq ciqmanr luf-eu mae.

Luˇkaꞈ 13:17

Yeqsur khoerlof-aer aernaeq ngae, aqyawf-anr muir-eu tsawrhaq dawqtawvluf shafdawr-ir-euq mae. Aerkhawf, tsawrhaq armaf dawqtawvluf, Yeqsur nae yawshaef khanqsaer huiq-eu jeq mr-euq gar laqkhaq caer-eu mae.

Luˇkaꞈ 5:26

Tsawrhaq armaf mafma dawqtawvluf zanq duidui ler-awr Miqyaer-anr ciqhuiq ciqmanr-eu uqtaf, guv duidui-eu lafkhoer aer-eu, “Iqnan aqduimaf maq mawrhaw-euq jeq-anr ya’mawr-euq ma.”

Luˇkaꞈ 4:39

Yeqsur, aqyawf-euq dawqpae yawf-awr, yawlanr lanrlanr-aer pyaqluf-eu khoer-anr daeqnaeq ngae, pyaq-eu khoer lawq-ir-euq mae. Aqyawf tiqpov taef-aer tsawqtur-awr, aqyawf maf-anr hawqbyawr lavdawv naeq-euq mae.

Maꞈtehˬ 21:14

Myavbaef baef-eu tsawrhaq hawr-eu kuircawv cawv-eu tsawrhaq, uqduq tanqnymr nymrma-euq lafkhoer Yeqsur jawr-eu gar lar-awr, Yeqsur, aqyawf maf-anr lavtaq naeq-euq mae.

Maꞈtehˬ 11:5

Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Maꞈtehˬ 9:8

Tsawrhaq baqmaf deuq khoer-anr ya’mawr ngae, aqyawfmaf zanqler-awr, tsawrhaqzaq-anr khoerlof-aer ghae-eu aryaq bif-euq Miqyaer-anr ciqhuiq ciqmanr-eu mae.

Jaceuq 107:15

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 107:8

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 30:2

Ngaq-euq Miqyaer pyeuf-eu Ya’we Miqyaer-or! Ngar, nawq-anr gurgaq ngae, Nawr, ngaq-anr lavsavtaq naeqlaf-euq mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Luˇkaꞈ 19:37

Aqyawf, Yeqlursaqlaeq-euq dawqpae, Saqloq gawqjawq-euq gartoeq-anr irkaluf ngae, zaqlanr baqmaf maflan-aer aqyawfmaf nae ya’mawr-euq baoq huiq-eu lafkhoer mr-euq yawqjeq navluf-euq baqda’nae, danqbae-awr laqkhaq caertavni tersar yawkhav-aer Miqyaer-anr jaceuq jaceuq-aer aer-eu,

Luˇkaꞈ 9:43

Khoerngae, tsawrhaq dawqtawvluf, Miqyaer khanqsaer huiq-eu gar zanq duidui ler-euq mae. Yeqsur nae mr-euq yawqjeq navluf-anr tsawrhaq dawqtawvluf zanqler-awr jawrluf ngae, Yeqsur, zaqlanr deuq-anr aernaeq-eu,