Luˇkaꞈ 18:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Paqliqsaer khoerghaq gawqyawf yawf-awr, guiqlanq heulof-aer shar-eu mae, ‘Miqyaer-or! Ngar-aq, aqcawq-anr maqdur-eu mirnae, nawq-euq guiqlanq-anr jaceuq ma. Aqcawq-aq, khaeqdzaq khavdzaq-eu tsawrhaq, maqdawr-aer maqtsaq-eu tsawrhaq hawr-eu banq-awr joe-eu tsawrhaq mae. Khoeruqtaf, ngar-aq, jeq taf-eu teughaq-anr khawf maqdur.

Akha

¹¹ “Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Luˇkaꞈ 18:11 Referans Kwoze

Maꞈtehˬ 6:5

“Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Panmaeq 3:17

Nawr aer-eu, ‘Ngar-aq, smrmuiq smrbaw ma. Pyurshuir myawqganq javganq-awr, tiqjeq-iq maqnym.’ Aerkhawf, nawr-aq, shaqdui zanq duidui-awr ghawqshaq gaqlar paq-aer ghae-eu, irshaq irkov pyeuf-awr, myavbaef baef-eu uqtaf, nermyawvni ghae-eu gar nawr maq siqnya-a.

Maˬkuˆ 11:25

“Nawmaf yawf-awr guiqlanq sharluf ngae, tiqghaq nav-anr iqbax taqluf-eu gar nawmaf noeqdovlar nar-aq, aqyawf-anr iqbax pyaeqnaeq-awq. Nawmaf iqbax pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq mrlaeq-euq iqbax-anr pyaeqnaeqlaf taef-a.

Gaˬlaˬtiˆ 3:10

Zanrdawq-euq maeqnan khar cantae-eu tsawrhaq-aq, yaqkhaer yaq-eu lafov jawrluf-eu mae. Aqjeq mirnae aernar-aq, “Zanrdawq-euq lafkhoer khar boftaq-euq yawqjeq navluf-anr aqmyanluf maqmr-eu tsawrhaq dawqtawvluf, yaqkhaer yaqgar yadaq mae,” (Dm 27:26) laer Yaerbof-euq lafkhoer boftaq-euq mae.

Luˇkaꞈ 20:47

Aqyawfmaf, miqcoeq miqma-euq nymr-anr khaeqdzaq khavdzaq-eu mae. Aqcawq bimawr-eu gharduq guiqlanq ghawqmanrni shar-eu mae. Tsawrhaq khoerdeuq-aq, aqcawq navmaqtser yarkhaq dar-eu gar yadaq taef-a.”

Jaceuq 135:2

Nawmaf, Ya’we Miqyaer-euq nymr-euq lafkhoer yawfluf-eu deuq, Aqdui-euq Miqyaer-euq nymr-euq povka jawr-eu deuq,

Jaceuq 134:1

Hawsher-eq! Nawmaf, Ya’we Miqyaer-euq kuirlaf zaqkhav dawqtawvluf, Ya’we Miqyaer-anr jaceuq-awq! Uqcif paw, Ya’we Miqyaer-euq nymr-euq lafkhoer yawfluf-eu deuq, Aqyawf-anr jaceuq-awq.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

Dawqdaq 20:6

Tsawrhaq myaqni-aq, yawqha yawmuiq ma laer taef-aer aer-eu mae. Aerkhawf, sarjax zif-eu tsawrhaq-anr aqsur ghaq povmawr nya-eu?

Dawqdaq 30:12

Yawqha-euq yawjawf maqbi tsiqshawr-euq khawf, Yawqhar yawqha, yawshawr ma laer noeq-eu tsawrhaq tsawrtsuif jawr-eu mae.

Maꞈtehˬ 5:20

Ngar, nawmaf-anr aernaeq nyar, nawmaf-euq tsaq-awr dawr-eu jeq, zanr maeq-eu deuq hawr-eu Paqliqsaer deuq navmaqtser maq myaqdzaeq nar-aq, mqtav mirkhanq-euq lafkhoer tiqjeq ghaenae-iq maqya urler-ar.

Maꞈtehˬ 10:3

Pirlirpuv hawr-eu Baqtawrlaqmaer, Tormav hawr-eu jeq taf-eu Maqtaeq, Aqlaqpaer-euq zaqyo Yaqkov hawr-eu Taqdaer (Tsawrmyanr myanrmar-aq, Leqbaer laer mae),

Luˇkaꞈ 22:41

Khoernar-aq, aqyawf, aqyawfmaf jawr-eu gar nae khaqlo darbiq tiq biq kaq-eu gar ir-awr, pawqtsuif pawqdmq dmq-awr guiqlanq shar-eu lafkhoer aer-eu,