Luˇkaꞈ 16:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Maqdawr-aer maqtsaq-eu myawqganq hawpir-eu heughaq zaqsiq tsawrganr zmqnya-eu mirnae, yawsanr ghaq, aqyawf-anr jaceuq-euq mae. Mirtsaq-euq zaqdeuq-aq, aqyawf maf-euq heuzir lafkhoer, yawshaef-euq zaqdeuq navmaqtser zaqsiq tsawrganr zmqnya dzaeq-eu mae.

Akha

⁸ Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Luˇkaꞈ 16:8 Referans Kwoze

1 Teˇsaˬloˇni 5:5

Nawmaf yawqghaq navluf yawshaef-euq zaq hawr-eu nan’ghanr-euq zaq mae. Aqdui-aq, uqcif-anr taf-eu tsawrhaq maqngeur, yawzanr-euq lafkhoer jawr-eu tsawrhaq khawf maqngeur.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Luˇkaꞈ 16:10

Yawnyir jeq-anr sarjax zif-eu tsawrhaq-aq, yawhuiq jeq-anr khawf sarjax zif taef-a. Yawnyir jeq-anr maqdawr-aer maqtsaq-eu tsawrhaq-aq, yawhuiq jeq-anr khawf maqdawr-aer maqtsaq-ar.

Yoˇhaˬ 12:36

Nawmaf jawr-eu gar yawshaef byaluf ngae, nawmaf yawshaef-euq zaq pyeuflarni yawshaef-anr jan-awq.” Yeqsur dawq heudeuq ngaeqghaq ngae, aqyawfmaf jawr-eu gar nae dov-ir-awr yawzaf zaf-aer jawr-ir-euq mae.

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.

Luˇkaꞈ 16:4

Myawqganq hawpir-eu ghaq maqya geuf-aer pyeuf-ir ngae, aqcawq, ngaq-anr aqyawf ha-euq nymr-euq lafkhoer hageufanr naeqlafni, ngar aqjox-aer yajanr-eu nga laer noeqdov taq-euq ma.’

Luˇkaꞈ 20:34

Yeqsur, aqyawf maf-anr heulof-aer aerkhof naeq-euq mae, “Heuzir-euq tsawrhaq deuq-aq, sheuqdanq dzaq-awr, smrmir ir-eu mae.

Jaceuq 17:14

Ya’we Miqyaer-or! Nawq-euq aqlaf nae Heulof-aer ghae-eu tsawrhaqzaq, heuzir-euq lafkhoer shaqbymr za-euq mirtsaqzaq-anr nae bibuq-ir naeqlaf-awq. Nawq nae aqyawf maf-euq uqmav-anr pyurshuir myawqganq tiqbyanni shardawv naeq-awr, Aqyawfmaf, yawqha-euq zaqdeuq-anr nuikhanr shir-eu uqtaf, Aqyawf maf-euq zaq-euq gharduq myawqganq zanqnaeq yaf-euq mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Piˇliˇpiˆ 3:19

Aqyawf maf-euq uqmav-aq, aqyawf maf-euq miqyaer pyeuf-awr, aqyawf maf-euq khanqsaer-aq, shafdawr paq-aer ghae-eu jeq-euq lafkhoer jav-eu uqtaf, aqyawf maf-euq nuinoeq-aq, mirtsaq-anr taf-eu jeq-anr sharnoeq-eu mirnae, arsaq saqlar ngae-aq, aqyawfmaf yacawv-ir taef-a.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.

Luˇkaꞈ 18:6

Khoerngae, Sanqpaq Yeqsur heulof-aer aer-eu mae, “Maqdawr-aer maqtsaq-eu yarkhaq dar-eu heughaq aer-eu gar narhaq sher-eq.

Maꞈtehˬ 17:26

Beqtuvluv, “Aqcawq-anr taef-aer jeq taf-eu mae” laer aerkhofnaeq ngae, Yeqsur aer-eu, “Tox-aer ngeur nar-aq, aqyawf-euq zaqdeu-aq, jeq maqdov khawf geufnya nga-eq.

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Luˇkaꞈ 16:7

Khoernar-aq, yawqghaq yawq-anr narhaq-eu, ‘Nawr dzirdzov armyavni davle?’ Aqyawf aer-eu, ‘Caer 100 zeur dav-eu ma.’ Myawqganq hawpir-eu ghaq aernaeq-eu, ‘Nawq-euq dzirdzov pardmq yur-awr, 80 zeur laer boftaq-awq.’

Luˇkaꞈ 20:35

Aerkhawf, aqkar karzir hawr-eu shir-awr ghofdaef lar-eu gar geux-eu laer sawxtaq-euq tsawrhaq deuq-aq, sheuqdanq dzaq-eu hawr-eu smrmir ir-eu maqbaw-a.

Dawqdaq 12:8

Tsawrhaqzaq-aq, yawqha zaqsiq tsawrganr anr-eu navni yabi ciqpoeq taef-a. Aerkhawf, nuima biryawf-aer ghae-eu tsawrhaq-aq, Hawdoer-eu gar yadaq taef-a.