Luˇkaꞈ 16:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Akha

¹⁵ Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Luˇkaꞈ 16:15 Referans Kwoze

Dawqdaq 21:2

Tsawrhaqzaq-euq garma dawqtawvluf, Yawqha-euq myavnuiv-euq gharduq yawtsaq mae. Aerkhawf, Ya’we Miqyaer-aq, nuima-anr savhaw-eu mae.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Dawqdaq 16:5

Ya’we Miqyaer, nuima-euq lafkhoer nuima huiq-eu jeq anr-eu tsawrhaq yawqghaq navluf-anr nuidav dav-awr, Yawduq bawni darnaeq-eu jeq-anr, maqya daq-aer maqya dzeur-ir-ar.

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

1 Beˬtuˆluˆ 3:4

Aerkhawf, maq mawrlar-eu nawmaf-euq nuima-anr maqcawv-ir nya-eu myawqgur pyeuf-eu; nanqyuni ghae-awr, ciqcurni ghae-eu saflar nae lavmuiq-awq. Heu-aq, Miqyaer-euq maeqshi poeq duidui-eu jeq pyeuf-eu mae.

Luˇkaꞈ 11:39

Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Luˇkaꞈ 10:29

Aerkhawf, heughaq, yawqha-aq tsaq-awr dawr-eu ma laer geufmawf-eu mirnae Yeqsur-anr narhaq-eu, “Ngaq-euq dawqpae jawr-eu tsawrhaq aqsur ghaq la?”

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

Lormav 3:20

Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Luˇkaꞈ 18:21

Khoerngae, aqyawf aer-eu, “Ngar, yawnyir ngae nae heudeuq dawqtawv luf-anr mrcaw laf-euq ma.”

Dawqdaq 20:6

Tsawrhaq myaqni-aq, yawqha yawmuiq ma laer taef-aer aer-eu mae. Aerkhawf, sarjax zif-eu tsawrhaq-anr aqsur ghaq povmawr nya-eu?

Luˇkaꞈ 18:11

Paqliqsaer khoerghaq gawqyawf yawf-awr, guiqlanq heulof-aer shar-eu mae, ‘Miqyaer-or! Ngar-aq, aqcawq-anr maqdur-eu mirnae, nawq-euq guiqlanq-anr jaceuq ma. Aqcawq-aq, khaeqdzaq khavdzaq-eu tsawrhaq, maqdawr-aer maqtsaq-eu tsawrhaq hawr-eu banq-awr joe-eu tsawrhaq mae. Khoeruqtaf, ngar-aq, jeq taf-eu teughaq-anr khawf maqdur.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Gʼaˬkʼehˇ 1:18

“(Yurdav, aqyawf nae yawlaeq jeq mr-awr za-euq arpoeq khoer yur-awr, mirtsaq tiq tsanr zeur-euq mae. Yurdav uqduq tanqpov-aer ga-ir-awr, uqmav gapav-awr nae bawur bawma dawqtawvluf yoerdov lef-euq mae.

Luˇkaꞈ 20:47

Aqyawfmaf, miqcoeq miqma-euq nymr-anr khaeqdzaq khavdzaq-eu mae. Aqcawq bimawr-eu gharduq guiqlanq ghawqmanrni shar-eu mae. Tsawrhaq khoerdeuq-aq, aqcawq navmaqtser yarkhaq dar-eu gar yadaq taef-a.”

Luˇkaꞈ 20:20

Khoermirnae, Yeqsur-euq dawq-anr yawlaeq nyaef-awr, aqyawf-anr baoq hawr-eu aryaq jav-eu meuqsanr-anr a’naeqni, khoeqsho haw-eu tsawrhaq-anr tsaq-awr dawr-eu tsawrhaq bi janrgeuf-awr, Yeqsur jawr-eu gar bi’ir-euq mae.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 6:5

“Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 6:2

“Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

Jaceuq 49:18

Aqyawf yawdaefdaef ngae, yawqha-euq nuima saflar-anr dawq ngaeqghae naeq-euq mae. (Aqjeq mirnae aernar-aq, nawr daefdzaq nar-aq, aqcawq khawf, nawq-anr jaceuq-eu mae.)

Jaceuq 49:13

Heu-aq, aqdzawq argan deuq hawr-eu aqyawf maf-euq dawq-anr gatsaq-eu, Aqyawf maf-euq nanqzaq deuq-euq garma mae. Sela.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Jaceuq 10:3

Tsawrcawv-aq, yawqha-euq nuima nuikhanr jav-eu jeq-anr khanqsaer jaev-awr; Yawlof maqbaw-eu tsawrhaq-anr jaceuq-eu uqtaf, Ya’we Miqyaer-anr yaeqbawq-aer aer-eu mae.

Luˇkaꞈ 18:9

Yawqhar yawqha tsaq-awr dawr-eu tsawrhaq ma laer yawduq baw-awr, aqcawq-anr taqnyir-eu tsawrhaq deuq-anr Yeqsur yawjeq majeq dawq-anr nae heulof-aer aernaeq-euq mae:

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Gʼaˬkʼehˇ 1:24

Khoernar-aq, aqyawfmaf guiqlanq heulof-aer shar-euq mae, “Sanqpaq Miqyaer-or! Nawr-aq, tsawrhaq yawqghaq navluf-euq nuima-anr siqnya-eu mae. Nawr, heu nyiq ghaq-anr nae aqgeu ghaq-anr tserdov-euq le laer panmaeq naeqlaf-awq.

Lormav 8:27

Tsawrhaq-euq nuima-anr povtser haw-eu Miqyaer-aq, muiq-eu Saflar-euq nuinoeq-anr siqnya-eu mae. Aqjeq mirnae aernar-aq, muiq-eu Saflar-aq, tsawrshawr deuq-euq gharduq Miqyaer nuima tsaq-eu lof-aer guiqlanq shardan-eu mae.