Luˇkaꞈ 14:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Kuirlaf zaqkhav khoerghaq ghoflar-awr, garkawv khoerdeuq nymrsanr ghaq-anr dzawrnaeq lar-euq mae. Khoerngae, nymrsanr ghaq nuima paer duidui lar-awr aqyawf-euq kuirlaf zaqkhav-anr aernaeq-eu, ‘Meuq-euq lafkhoer danr-eu garjawq hawr-eu garma deuq-anr yawkawr-aer ir-awr, irshaqzaq, arsaer cawv-ir-euq deuq, myavbaef deuq, kuircawv deuq-anr sheuqlaq-ir-awq.’

Akha

²¹ “Zaˬ kʼaˆ kʼoeˇ gʼaˬ gʼoꞈ laˇ-awˇ, nymˇ sahˇ gʼaˬ-ahˇ gaˇ kawˆ kʼoeˇ deuˬ dzawˇ nehˬ laˇ-euˬ meh. Kʼoeˇ ngeh, nymˇ sahˇ gʼaˬ nui ma pehˇ laˇ-awˇ, aˬ yawꞈ-euˬ zaˬ kʼaˆ-ahˇ ehˇ nehˬ-eu, ‘Meuˬ laꞈ kʼoeˇ kʼaˇ jaˆ-eu gaˇ ma huiˬ huiˬ nyiˇ nyiˇ doe ni yaw kawˇ-ehˇ iˇ-awˇ, shaˬ zaˬ zahˬ zaˬ deuˬ, kuiˇ kuˆ laꞈ kuˆ deuˬ, kuiˇ shiˇ laꞈ shiˇ deuˬ hawˇ-eu, myaˆ behꞈ deuˬ kuˇ uiˬ laˬ-iˇ-awˬ.’

Luˇkaꞈ 14:21 Referans Kwoze

Luˇkaꞈ 14:13

Nawr hawqbyawr lawr ngae, irshaqzaq, arsaer cawv-ir-euq tsawrhaq, kuircawv deuq hawr-eu myavbaef deuq-anr kur-awq.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Maꞈtehˬ 11:5

Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Yoˇhaˬ 9:39

Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”

Luˇkaꞈ 14:24

Aqjeq mirnae aernar-aq, ngar, nawmaf-anr aernaeq nyar, yawbae kurtaq-euq tsawrhaq khoerdeuq tiqghaq-iq ngaq-euq hawqbyawr-anr maqya myeufhaw-ar.’ ”

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.

HeˬByehˇ 13:17

Nawmaf-anr uvlanr-eu deuq-anr narhaq geuf-awr, aqyawf maf-euq lafov yawmuiq-aer jawr-awq. Aqjeq mirnae aernar-aq, aqyawfmaf, Miqyaer-anr ya dzawrnaeq ler-eu lof-aer, nawmaf-euq nuima saflar-anr hawpir luf-eu mae. Aqyawfmaf hawpirluf ngae, laqkhaq caertavni bi mrnya-awq. Noeqshaq-eu lafkhoer mr-eu jeq taqbi pyeuf, khoerlof-aer ngeur nar-aq, nawmaf-euq gharduq khawf gardanr maqtsoeq-a.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Maꞈtehˬ 11:28

Khavbaev yawkan pi-awr ghaqdoer doer-eu tsawrhaq yawqghaq navluf, ngar jawr-eu gar lar-awq. Ngar, nawmaf-anr ghaqnaq bi’naq ma.

Luˇkaꞈ 9:10

Khoerngae, ghaqkhaer deuq ghoflar-awr, kharmr kharshar-euq deuq Yeqsur-anr dzawrnaeq-euq mae. Yeqsur, aqyawf maf-anr taef-aer kurceuv-awr, Baeqdzerdaq-euq bawrtsanq bawrdanr-anr dov-ir-euq mae.

Maꞈtehˬ 18:31

Aqyawf khoerlof-aer janrnaeq-eu gar, gar mrcawq nuideuq ya’mawr-awr noeqshaq duidui-eu mae. Khoernar-aq, garkawv khoer dawqtawvluf yawsanr ghaq-anr tsafnaeq ler-euq mae.

Maꞈtehˬ 15:12

Khoerngae, aqyawf-euq zaqlanr deuq, aqyawf jawr-eu gar lar-awr aer-eu, “Paqliqsaer deuq, nawq nae aer-euq dawq heudeuq-anr yagaq ngae coeqler-aq laer nawr siqnya ma lor?”

Jaceuq 38:7

Aqjeq mirnae aernar-aq, ngaq-euq dawqdzmr-anr yawpir yawlanr lanrluf-awr, Ngaq-euq shiqshaq tiqpawf-iq maqtsaq maqtsanr nya.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Luˇkaꞈ 14:20

Tiq ghaq paraer-eu, ‘Ngar miqzaq sheuq-euq mirnae, ngar maq larnya nga.’

Luˇkaꞈ 14:22

Khoerngae, kuirlaf zaqkhav khoerghaq aer-eu, ‘Sanqpaq-or! Nawq nae khaer-euq lof-aer mrjir-euq ma. Aerkhawf, jawrduq ngaef nga siq.’

Maꞈtehˬ 20:7

Khoerngae, aqyawfmaf aer-eu, ‘Tsawrhaq tiqghaq-iq, nga’maf-anr gar bimr-eu laer maq povle-eu beu.’ Aqyawf, aqyawf maf-anr aernaeq-eu, ‘Tox-aer mar-iq, nawmaf khawf, aqgaf yarkmr-euq lafkhoer gar mrlar-awq, mrpoeq tsaqtsaqni za taef-a.’