Luˇkaꞈ 14:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawr hawqbyawr lawr ngae, irshaqzaq, arsaer cawv-ir-euq tsawrhaq, kuircawv deuq hawr-eu myavbaef deuq-anr kur-awq.

Akha

¹³ Ehˇ kʼawꞈ, nawˇ hawˬ byawˇ lawˇ ngeh, shaˬ-euˬ zahˬ-eu tsawˇ haˬ deuˬ, kuiˇ kuˆ laꞈ kuˆ kuˆ-eu tsawˇ haˬ deuˬ, kuiˇ shiˇ laꞈ shiˇ shiˇ-eu tsawˇ haˬ deuˬ hawˇ-eu, myaˆ behꞈ behꞈ-eu tsawˇ haˬ deuˬ-ahˇ kuˇ-awˬ.

Luˇkaꞈ 14:13 Referans Kwoze

Luˇkaꞈ 14:21

Kuirlaf zaqkhav khoerghaq ghoflar-awr, garkawv khoerdeuq nymrsanr ghaq-anr dzawrnaeq lar-euq mae. Khoerngae, nymrsanr ghaq nuima paer duidui lar-awr aqyawf-euq kuirlaf zaqkhav-anr aernaeq-eu, ‘Meuq-euq lafkhoer danr-eu garjawq hawr-eu garma deuq-anr yawkawr-aer ir-awr, irshaqzaq, arsaer cawv-ir-euq deuq, myavbaef deuq, kuircawv deuq-anr sheuqlaq-ir-awq.’

Dawqdaq 14:31

Irshaqzaq-anr khaeq-eu tsawrhaq-aq, Aqyawf-anr bae-euq ghaq-anr hawdoer-eu jeq pyeuf-eu mae. Aerkhawf, yawshaqzaq-anr ghawqshaq gaq-eu-aq, Aqyawf-anr taqhuiq-eu jeq pyeuf-eu mae.

HeˬByehˇ 13:2

Daqyan-anr yawmuiq-aer hageuf-eu taqngaer. Aqjeq mirnae aernar-aq, tiqpavnav deuq daqyan-anr hageuf ngae, yawqha maq siqnya-aer, mqtav ghaqkhaer-anr hageufzaq haw-euq mae.

Maꞈtehˬ 22:10

Khoerngae, kuirlaf zaqkhav khoerdeuq garjawq doeni ir-awr, kharpuq khar mawrle-euq tsawrhaq-anr, tsawrmuiq tsawrdoer maqtserni kuruiq laf-awr, oermr barduq-anr daqyan jawqbyan taq-euq mae.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 3:2

Kalizaq armur-anr hawlanr-eu tsawrhaq-aq, aerkhar maqza-eu, miqzaq tiq ghaq taef-aer baw-eu, kharnoeq kharlov-eu lof-aer maqdzaq maqdawr-eu, yawqha-euq nuima-anr ghaqler-eu, yawzeu bawlar paq-aer ghae-eu, daqyan-anr ha’nya-eu hawr-eu maeqnaeq tsovnaeq nya-eu tsawrhaq yapyeuf-eu mae.

Tiˇtuˆ 1:8

Daqyan-anr ha’nya-eu, yawmuiq jeq mr-eu gar gaq-eu, noeqganr-awr daef-eu, dawr-awr tsaq-eu, yawshawr shawr-aer daef-awr, yawqha-euq nuima-anr ghaqler-eu tsawrhaq yapyeuf-eu mae.

Piˇleˇmoˬ 1:7

Maernmr-or! Nawr gaqnya-eu mirnae nga’nyaf laqkhaqcaer duidui-awr, nuima sarlar-euq mir-a. Aqjeq mirnae aernar-aq, nawq-euq baqda’nae tsawrshawr deuq-euq nuima ghaqnaq biza-euq mae.

Gʼaˬkʼehˇ 9:39

Khoerngae, Beqtuvluv tur-awr aqyawfnyaf naeq-aer ir-euq mae. Khoergar irkeuv-euq naeq-aer, aqcawq, aqyawf-anr nymr laftav tiv-euq kuvlawv-anr sheuqdav lef-euq mae. Miqcoeq miqma dawqtawvluf Beqtuvluv-euq dawqpae yawf-awr, Dawkar daef ngae guf-euq paerkhanq hawr-eu maeqtsoeq deuq, aqyawf-anr sheuhaw sheuhaw-aer ngoer-eu mae.

Luˇkaꞈ 11:41

Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Dawqdaq 22:9

Nuijer jer-eu myavnuiv-aq, guiqlanq huiq-eu mae. Aqjeq mirnae aernar-aq, Aqyawf, irshaqzaq-anr aqyawf-euq kaqmur bifnaeq-eu mae.

Maꞈtehˬ 15:30

Tsawrhaq armaf mafma, aqyawf jawr-eu gar lar-euq mae. Aqyawfmaf lar ngae, kuircawv tsawrhaq, myavbaef baef-eu tsawrhaq, aqdzawq deuq, arsaer cawv-ir-euq tsawrhaq hawr-eu nuijeq nar-eu tsawrhaq-anr khawf, Yeqsur-euq aqkuir-euq dawqpae baftaq lar-euq mae. Khoerngae, Yeqsur, aqyawf maf-euq nargawr lavtaq naeq-euq mae.

Luˇkaꞈ 14:12

Yeqsur, aqyawf-anr kur-euq ghaq-anr khawf heulof-aer aernaeq-euq mae, “Nawr, aqcawq-anr kur-awr, ghanrhawq maqngeur nar-aq cifhawq bidzaq ngae, nawq-euq cawqdeuq, nawq-euq maernmr deuq, nawq-euq aqyuif aqnyir deuq hawr-eu nawq-euq dawqpae jawr-eu smrmuiq smrbaw deuq-anr taqkur. Khoerdeuq-anr kur nar-aq, aqyawfmaf khawf nawq-anr kur-awr, guiqlanq janrkhof naeqlaf taef-a.

Luˇkaꞈ 14:14

Khoerdeuq-anr kur nar-aq, nawr guiqlanq za taef-a. Aqjeq mirnae aernar-aq, aqyawfmaf, nawq-anr guiqlanq maq janrkhof naeqlaf nya-a. Tsaq-awr dawr-eu tsawrhaq ghofdaef lar-eu aryamq keuvlar ngae, nawr guiqlanq za taef-a.”