Luˇkaꞈ 12:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Sanqpaq Yeqsur heulof-aer aernaeq-euq mae, “Zaqsiq tsawrganr anr-awr sarjax zif-eu lafkhoer, myawqganq-anr hawpir nya-eu aqgeu ghaq la? Aqyawf-aq, nymrkhanqzaq-anr hawpir-awr, aryamq tsaq ngae, kuirlaf zaqkhav nuideuq-anr dzaqdzaq dawrdawr shaqbymr tsaqni birnaeq nya-eu, yawsanr ghaq nae khaertaq-euq khoerghaq maqngeur-a lor?

Akha

⁴² Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Luˇkaꞈ 12:42 Referans Kwoze

HeˬByehˇ 13:17

Nawmaf-anr uvlanr-eu deuq-anr narhaq geuf-awr, aqyawf maf-euq lafov yawmuiq-aer jawr-awq. Aqjeq mirnae aernar-aq, aqyawfmaf, Miqyaer-anr ya dzawrnaeq ler-eu lof-aer, nawmaf-euq nuima saflar-anr hawpir luf-eu mae. Aqyawfmaf hawpirluf ngae, laqkhaq caertavni bi mrnya-awq. Noeqshaq-eu lafkhoer mr-eu jeq taqbi pyeuf, khoerlof-aer ngeur nar-aq, nawmaf-euq gharduq khawf gardanr maqtsoeq-a.

HeˬByehˇ 13:7

Nawmaf-anr uvlanr-awr Miqyaer-euq dawq ngaeqnaeq-euq gar taqngaer. Aqyawfmaf nae mr-awr shar-euq baqda’nae dovlar-euq deuq-anr sharnoeq-awr, aqyawf maf-euq jan-eu jeq-anr cantae-awq.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

1 Tiˆmoˇseˬ 5:17

Kalizaq armur-anr yawmuiq-aer uvlanr-eu aqyuif aqtsu deuq-aq, nyiq bymr byanni taqhuiq naeq-eu gar za-eu geux-eu mae. Aqyawf maf-euq lafkhoer, dawqmaeq maeq-eu hawr-eu dawqmaeq dawqtsov tsov-eu gar mr-eu deuq-anr, ngeurdzaeq taqhuiqnaeq paq-aer ghae-eu mae.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Maꞈtehˬ 20:8

“Uqcif cifle ngae, aqgaf yarkmr-euq yawsanr ghaq, yar-anr hawpir-eu ghaq-anr kur-awr aernaeq-eu, ‘Gar mrlar-euq deuq-anr kur-awr ghaqgarpoeq bifnaeq-awq. Mrsaq saqle-euq deuq-anr jeqhu bif-awr, mrbae baele-euq deuq-anr bifsaq saq-awq.’

Dawqdaq 15:23

Tsaq-eu dawq aerkhof nya-eu tsawrhaq-aq, laqkhaq caer-awr, Aryamq-anr ngaeqtsaq-euq dawq, arnavni muiq-eu nga.

HeˬByehˇ 3:5

Morseq-aq, aqkar maeqhu paw jagaq le-eu garkawv deuq-anr sarkir kamq-eu gharduq, Miqyaer-euq nymrkhanq dawqtawv luf-euq lafkhoer aqdir sarjax zif-eu kuirlaf zaqkhav tiq ghaq mae.

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

Luˇkaꞈ 7:13

Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Dawqdaq 27:18

Siqguq arbawr-anr hawpir-eu tsawrhaq-aq, Siqguq arsiq yadzaq-awr, Yawqha-euq yawsanr-anr lof-awr dawq-eu tsawrhaq-aq, Taqhuiq taqmanr-eu jeq za taef-a.

Dawqdaq 31:15

Aqyawf uqbya maqbya lar-euq minav-aer tur-awr, Nymrkhanq-euq zaqdeuq, dzaq-eu gharduq dzar lavsav-awr, Aqbur zaqkhav deuq-anr, gar daeqbir naeq-eu mae.

Luˇkaꞈ 7:19

Yorhaq, aqyawf-euq zaqlanr nyiq ghaq-anr kur-awr, Sanqpaq Yeqsur-anr heulof-aer bi narhaq-ir-euq mae. “Oe taef-a laer aer-eu khoerghaq, nawr ma lor? Maqngeur nar-aq, nga’maf yawqghaq yawq-anr parya dawq-a siq laq?”

Luˇkaꞈ 12:43

Yawsanr ghaq ghofle ngae, aqyawf khoerlof-aer mrluf-eu gar ya’mawr nar-aq, kuirlaf zaqkhav khoerghaq guiqlanqhuiq taef-a.

Dawqdaq 12:8

Tsawrhaqzaq-aq, yawqha zaqsiq tsawrganr anr-eu navni yabi ciqpoeq taef-a. Aerkhawf, nuima biryawf-aer ghae-eu tsawrhaq-aq, Hawdoer-eu gar yadaq taef-a.