Luˇkaꞈ 12:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoernar-aq, ngar, ngaq-euq saflar-anr heulof-aer aernaeq ma, “Ngaq-euq nuima-or! Nawr-aq, ghawqmya khof-euq gharduq myawqganq ghawqmya’ni povuiq taq-euq mae. Sarlaevni daef-awr, tiqdaev dzaq, tiqdaev dawrdawr-aer laqkhaq caertavni daef-awq.” ’

Akha

¹⁹ Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

Luˇkaꞈ 12:19 Referans Kwoze

Dawqdaq 27:1

Nishawq-euq garkawv khanqsaer taqjaev. Aqjeq mirnae aernar-aq, Nawr, aqgeu nan-anr aqjeq pyeuflar-eu la laer maq siqnya-a.

1 Gawˇliˬtu 15:32

Tsawrhaqzaq lof-aer ngar, Erpersu-anr jeqzaq yawghae naeq-aer dawfcae cae-euq ngeur nar-aq, ngaq-euq gharduq aqjeq gardanr tsoeq-eu la? Shir-euq tsawrhaq ghofdaef lar-eu maqbaw nar-aq, “Nishawq yashir-eu mirnae, aqdui tiqdaev dzaq-awr dawr kar-eur.” (Isy 22:13)

Yaˬkoˆ 5:5

Nawmaf, mirtsaq-euq khoertav lurgha caergha-eu lafkhoer byaeqlaeq shaevdae-aer daefluf-awr, saef-eu arnan-euq gharduq, nawmaf yawqha-euq nuima cutsur taq-euq mae.

Piˇliˇpiˆ 3:19

Aqyawf maf-euq uqmav-aq, aqyawf maf-euq miqyaer pyeuf-awr, aqyawf maf-euq khanqsaer-aq, shafdawr paq-aer ghae-eu jeq-euq lafkhoer jav-eu uqtaf, aqyawf maf-euq nuinoeq-aq, mirtsaq-anr taf-eu jeq-anr sharnoeq-eu mirnae, arsaq saqlar ngae-aq, aqyawfmaf yacawv-ir taef-a.

Dawqdaq 18:11

Smrmuiq aqda-euq pyurshuir myawqganq-aq, Yawqha-euq gharduq zifdanni ghae-eu meuq-anr dur-awr, Gorca’ni ghae-eu meuqlanr-anr dur-eu ma laer noeq-eu mae.

Jaceuq 62:10

Nawqdzaq khavdzaq-euq jeq-anr taqghoe, Khoeqdzaq joedzaq-euq jeq-anr khawf taq noeqtmq; Nawq-euq pyurshuir myawqganq myaqlar ngae, Nawq-euq nuima khoerdeuq-anr taq noeqtsovtaq.

Panmaeq 18:7

Aqyawf yawqhar yawqha taqhuiq taqmanr-awr, byaeqlaeq shaevdae-aer daef-euq lof-aer, Aqyawf-euq khoertav khaeq-awr khav-eu jeq hawr-eu noeqshaq-eu jeq bi keuvle-awq. Aqjeq mirnae aernar-aq, nuima-euq lafkhoer aqyawf aer-eu, ‘Ngar-aq, miqcoeq miqma maqngeur, sanqpaqma geuf-awr nuirluf-eu ma. Noeqshaq-eu jeq, ngaq-anr tiqjawr-iq maq keuvlar-ar.’

1 Beˬtuˆluˆ 4:3

Dzeurlaf ngae, aqdui, Miqyaer-anr maqjan-eu tsawrhaq khardaef-eu lof-aer: jawflafni ghae-eu, shiqshaq-euq nuikhanr geuf-eu, jirbaq dawryaef-eu, byaeqlaeq shaevdae-aer bui-eu, dzaqyaef dawryaef-eu yawbui bui-eu uqtaf, tanqpanq aqma mawrkawr-anr uqduq maqtanq khmqgar tanq-eu, heudeuq-anr ardzaeq-aer mrdzeur shardzeur yaf-euq ma.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

Dawqdaq 23:5

Nawr, nawq-euq myavnuiv, Yawqngaef pyeuf-ir-eu jeq-anr hawluf-eu le laq? Aqjeq mirnae aernar-aq, pyurshuir myawqganq-aq, Yawqha yawqha aqdanr tsoflar-awr, Khaqdzer lof-aer mq paw zawbyovghae nya-eu mae.

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

1 Tiˆmoˇseˬ 5:6

Aerkhawf, lurgha caergha-eu gar gaq-eu miqcoeq miqma-aq, daefluf-eu khawf shir-euq gar dur-eu mae.

Luˇkaꞈ 21:34

“Nawmaf yawmuiq-aer yanr-awq. Dzaqyaef dawryaef-awr jiryaef tiqjawr-iq maqbeurni, daefzir gharduq khanqlanr-eu baqda’nae, nuima kafduiqni ghae-awr, maqnoeq maqdur-aer jawr ngae, arnan khoernan nawmaf-euq khoertav keuvle taef-a.

Luˇkaꞈ 16:19

“Smrmuiq smrbaw tiq ghaq jawr-eu mae. Aqyawf nerpuir puir-eu maeqtsoeq hawr-eu sheqsha maeqtsoeq dm-awr, yawqnan navluf byaeqlaeq shaevdae-aer yawbui builuf-eu mae.

Jaceuq 49:18

Aqyawf yawdaefdaef ngae, yawqha-euq nuima saflar-anr dawq ngaeqghae naeq-euq mae. (Aqjeq mirnae aernar-aq, nawr daefdzaq nar-aq, aqcawq khawf, nawq-anr jaceuq-eu mae.)

Dawqdaq 10:2

Yawdoer jeq mr-eu lafkhoer, lavza-euq pyurshuir myawqganq-aq, Tiqjeq-iq gardanr maqtsoeq-a. Aerkhawf, tsaq-awr dawr-eu jeq-aq, Shir-eu jeq-anr nae bibuq-ir nya-eu mae.

Luˇkaꞈ 12:18

Khoernar-aq, aqyawf heulof-aer aer-eu mae, ‘Ngar heulof-aer janr ma. Ngaq-euq caerjir deuq pyavdzae-awr tsovhuiq ma. Khoer-euq lafkhoer ngaq-euq sanqlanq ghawqdar deuq hawr-eu myawqganq dawqtawvluf dawvanrtaq ma.

Dawqdaq 14:24

Smrmuiq muiq-eu jeq-aq, tsawrganr anr-eu deuq-euq shuir uqkhov mae. Aerkhawf, aqdzawq argan-euq yawdzawq yawgan-aq, Yawdzawq yawgan jeq bi dovlar-eu mae.