Luˇkaꞈ 12:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerngae, Yeqsur, aqyawf maf-anr par aernaeq-eu, “Nawmaf maerjuir maqjuirni, yawqhar yawqha yawmuiq-aer yanr-awq. Aqjeq mirnae aernar-aq, pyurshuir myawqganq ghawqmya’ni jav-eu mirnae, tsawrhaq yawdaef daefnya-eu maqngeur-a.”

Akha

¹⁵ Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Luˇkaꞈ 12:15 Referans Kwoze

HeˬByehˇ 13:5

Nawmaf, yawdaef daef-eu lafkhoer, pyurshuir-anr maerjuir taqjuir. Yawqha kharjav-eu jeq-anr nuikhanr shir-awq. Aqjeq mirnae aernar-aq, Miqyaer aer-eu, “Ngar, nawq-anr tiqjawr-iq maqghawq maqghaer-ir. Tiqjawr-iq maq byaerdzae.” (Dm 31:6,8)

Dawqdaq 15:16

Pyurshuir myawqganq ghawqmya’ni jav-awr, shaq-eu jeq cantae-eu navmaqtser, Ya’we Miqyaer-anr guv-awr uicuiv taef-aer jav-eu-aq, muiqdzaeq-eu mae.

Dawqdaq 16:16

Shuir za-eu navmaqtser, Zaqsiq tsawrganr za-eu arnavni muiqdzaeq-eu nga. Pyur za-eu navmaqtser, ghovshaw nya-eu jeq za’ni tsergeuf-eu tsaq mae.

2 Tiˆmoˇseˬ 3:2

Khoerngae yamq-anr tsawrhaqzaq heulof-aer pyeuflar taef-a. Yawqha-euq gharduq taef-aer sharnoeq-eu, pyurshuir-anr maerjuir juir-eu, janrghae-eu, nuima huiq-eu, yaeqbawq saerlu-aer ngaeq-eu, aqma aqda-euq dawq maq narhaq-eu, guiqlanq-anr maq noeqmawr-eu, maqshawr-eu,

Luˇkaꞈ 16:14

Paqliqsaer deuq-aq, pyurshuir-anr maerjuir juir-eu tsawrhaq mirnae, aqyawfmaf khoerdeuq dawqtawv luf-anr yagaq ngae, Yeqsur-anr aqjaf jafjaf-aer uir-eu mae.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

Luˇkaꞈ 8:14

Aqgan daefmyaq-eu tsanr-anr ga-ir-euq deuq-aq, Miqyaer-euq dawq yagaq-awr irdov ngae, mirtsaq-euq khoertav jawr ngae khanqlanr-eu jeq, pyurshuir myawqganq hawr-eu lurgha caergha-eu jeq nae bi uvtaeq taq-awr, arsiq siqle khawf maq lovlar nya-eu deuq-anr aermawf-eu mae.

Jaceuq 62:10

Nawqdzaq khavdzaq-euq jeq-anr taqghoe, Khoeqdzaq joedzaq-euq jeq-anr khawf taq noeqtmq; Nawq-euq pyurshuir myawqganq myaqlar ngae, Nawq-euq nuima khoerdeuq-anr taq noeqtsovtaq.

Jaceuq 37:16

Tsaq-awr dawr-eu tsawrhaq uicuiv taef-aer jav-eu khoer-aq, Tsawrcawv deuq pyurshuir ghawqmya’ni jav-eu navmaqtser muiqdzaeq-eu mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Maˬkuˆ 7:22

smrkhoeq khoeq-eu, aqcawq-euq myawq-anr maerjuir juir-eu, yawcawv jeq mr-eu, jaqmyawf myawf-eu, jawflafni daef-eu, myavnav nav-eu, yaeqbawq saerlu-aer aer-eu, nuima huiq-eu, aqdzawq argan gan-eu,

Jaceuq 10:3

Tsawrcawv-aq, yawqha-euq nuima nuikhanr jav-eu jeq-anr khanqsaer jaev-awr; Yawlof maqbaw-eu tsawrhaq-anr jaceuq-eu uqtaf, Ya’we Miqyaer-anr yaeqbawq-aer aer-eu mae.

1 Gawˇliˬtu 6:10

smrkhoeq khoeq-eu, aqcawq-euq myawq-anr maerjuir juir-eu, jirbaq dawryaef-eu, jabu jadoer-eu hawr-eu, aqcawq-euq myawq-anr khaeqgeuf khavgeuf-eu, heulof-aer ghae-eu tsawrhaq-aq, Miqyaer uvlanr-eu jeq maqza nya-a.

Luˇkaꞈ 21:34

“Nawmaf yawmuiq-aer yanr-awq. Dzaqyaef dawryaef-awr jiryaef tiqjawr-iq maqbeurni, daefzir gharduq khanqlanr-eu baqda’nae, nuima kafduiqni ghae-awr, maqnoeq maqdur-aer jawr ngae, arnan khoernan nawmaf-euq khoertav keuvle taef-a.

Dawqdaq 28:16

Ghovshaw nya-eu jeq, maqanr-eu uvlanr-eu tsawrhaq-aq, Yawkhav-aer khaeq-awr khav-eu tsawrhaq pyeuf-eu mae. Aerkhawf, maerjuir juir-eu jeq-anr byae-eu tsawrhaq-aq, zir baw-eu mae.

2 Beˬtuˆluˆ 2:14

Aqyawf maf-euq myavnuiv-aq, banq-awr joe-eu jeq byan-awr, iqbax mr-eu maq naqnya-aer, nuima maqzif-eu tsawrhaq-anr mur-awr shuir-eu mae. Aqyawf maf-euq nuima maerjuir juir-eu jeq za’ni mrdzaw laf-awr, yaqkhaer yaq-eu gar yadaq-eu tsawrhaq mae.

Luˇkaꞈ 12:16

Khoernar-aq, Yeqsur, aqyawf maf-anr yawjeq majeq dawq-anr nae heulof-aer aernaeq-euq mae: “Smrmuiq smrbaw tiq ghaq daeyar daecaer ghawqmya’ni za-euq mae.