Luˇkaꞈ 10:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Meuq khoermeuq-anr jawr-eu, nar-awr gawr-eu tsawrhaq deuq-anr lavtaq naeq-awr, ‘Miqyaer uvlanr-eu jeq nawmaf-euq dawqpae keuvle taq-euq mae’ laer aernaeq-awq.

Akha

⁹ Kʼoeˇ gaˇ jawˇ-eu naˇ-eu gawˇ-eu tsawˇ haˬ deuˬ-ahˇ laˆ taˬ nehˬ-awˇ, ‘Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh’ lehˇ ehˇ nehˬ-awˬ.

Luˇkaꞈ 10:9 Referans Kwoze

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Luˇkaꞈ 10:11

‘Nga’maf-euq aqkuir-anr laeflar-euq nawmaf-euq meuq-euq khaqlaer, nawmaf-euq maeqshi sawvkharyaf ma. Aerkhawf, Miqyaer uvlanr-eu jeq nawmaf-euq dawqpae paele-euq ngar-a laer nawmaf siqnya-awq.’

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Gʼaˬkʼehˇ 28:28

“Khoermirnae, nawmaf heulof-aer siqnya-awq. Miqyaer kakhof-eu garkawv heu, aqcawq tsawrjeuq tsawrca-anr keuv-ir ngae, aqyawfmaf lawnmr-aq narhaq taef-a.”

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Maˬkuˆ 6:13

Aqyawfmaf, naef ghawqmya mawr taedov-awr, nar-eu tsawrhaq ghawqmya ghaq-anr khawf tsir laefnaeq-awr bi taqler-euq mae.

Maˬkuˆ 4:30

Yeqsur heulof-aer paraer-eu mae: “Aqdui, Miqyaer uvlanr-eu jeq aqjeq-anr ciqcaevhaw paq nga? Yawjeq majeq dawq aqgeu jeq nae maeqnaeq paq nga?

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Luˇkaꞈ 10:10

Meuq aqgeu meuq-anr ur-ir-eu maqkaq, aqyawfmaf, nawmaf-anr maq hageuf naeqlaf nar-aq, meuq khoermeuq-euq garjawq-anr yawf-awr heulof-aer aer-awq,