Luˇkaꞈ 1:48 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Aqjeq mirnae aernar-aq, teq-awr nyir-eu aqyawf-euq aqbur zaqkhav-anr aqyawf noeqkeuv naeqlaf-euq mae. Aqkar nar-aq, tiqzir sair tiqzir ngaq-anr guiqlanq huiq-eu ghaq laer kur taef-a.

Akha

⁴⁸ Aˬ jeˬ miˇ neh cehˇ te ehˇ naˇ, teˬ-eu nyiˇ-eu tsawˇ haˬ pyeuꞈ-eu, ngaˇ loꞈ-ehˇ gʼeh-eu tsawˇ haˬ-ahˇ, aˬ yawꞈ noeˬ keuˆ nehˬ laꞈ-euˬ meh.

Luˇkaꞈ 1:48 Referans Kwoze

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Luˇkaꞈ 11:27

Yeqsur khoerlof-aer aerluf ngae, tsawrhaq armaf mafma-euq lafkhoer nae zaqmiq aqbur tiq ghaq tersar yawkhav-aer aqyawf-anr aernaeq-eu, “Nawq-anr bi daefdov le-awr, aqcoer bidawr-euq ghaq-aq, guiqlanq huiq-eu ngar-a.”

Jaceuq 136:23

Aqdui teq-awr nyir-eu artiv-anr jawr ngae, aqyawf, aqdui-anr noeqkeuv naeqlaf-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Luˇkaꞈ 1:42

tersar yawkhav-aer heulof-aer aer-eu mae: “Nawr-aq, zaqmiq aqbur deuq-euq lafkhoer nae guiqlanq huiqdzaeq dzaeq-eu ghaq ngar-a, nawq-euq uqmav-euq lafkhoer piluf-eu zaq khawf guiqlanq huiq-eu mae!

Luˇkaꞈ 1:28

Mqtav ghaqkhaer khoerghaq, Maqliv jawr-eu gar oe-awr aer-eu, “Guiqlanq zawr huiq-eu zaqmiq-or! Nawr nuisar of luf-ur. Sanqpaq Miqyaer, nawq naeq-aer jawrluf mae!”

Jaceuq 102:17

Aqyawf tiqjeq-iq maq dzerlar-euq, aqyawf-euq tsawrhaq-euq guiqlanq shardawq-anr hageuf naeq-awr; Aqyawf maf-euq guiqlanq shardawq-anr maq hawdoer-a.

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Luˇkaꞈ 1:45

Nawr-aq, jan-eu zaqmiq mirnae guiqlanqhuiq ngar-a. Aqjeq mirnae aernar-aq, Sanqpaq Miqyaer nae aqyawf-anr khar aernaeq-euq dawq yawqdawq navluf byanlar taef-a.”

Luˇkaꞈ 1:49

Baoq huiq-eu ghaq, ngaq-anr huiq duidui-eu jeq janrnaeq laf-euq mae. Aqyawf-euq tsawrmyanr-aq yawshawr mae.