Luˇkaꞈ 1:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² tersar yawkhav-aer heulof-aer aer-eu mae: “Nawr-aq, zaqmiq aqbur deuq-euq lafkhoer nae guiqlanq huiqdzaeq dzaeq-eu ghaq ngar-a, nawq-euq uqmav-euq lafkhoer piluf-eu zaq khawf guiqlanq huiq-eu mae!

Akha

⁴² Aˬ yawꞈ yaw kʼaˆ-ehˇ guˇ-awˇ ehˇ-eu, “Nawˇ-aˬ, zaˬ miˬ zaˬ dawˬ tawˆ luꞈ laꞈ kʼoeˇ aˬ cawˬ naˆ maˬ tseˇ guiˬ lahˬ huiˬ-eu gʼaˬ meh. Nawˬ-euˬ uˬ maˆ laꞈ kʼoeˇ pi luꞈ-eu zaˬ kʼawꞈ, guiˬ lahˬ huiˬ dui dui meh.

Luˇkaꞈ 1:42 Referans Kwoze

Luˇkaꞈ 19:38

“ ‘Sanqpaq Miqyaer-euq tsawrmyanr-euq uqmov oeluf-eu Sanqpaq-anr jaceuq-awq.’ Mq-euq khoertav nuisar of-eu jeq jav luf-ur. Gor duidui-eu gar yawshaef khanqsaer jav luf-ur.” (Jc 118:26)

Luˇkaꞈ 1:28

Mqtav ghaqkhaer khoerghaq, Maqliv jawr-eu gar oe-awr aer-eu, “Guiqlanq zawr huiq-eu zaqmiq-or! Nawr nuisar of luf-ur. Sanqpaq Miqyaer, nawq naeq-aer jawrluf mae!”

Luˇkaꞈ 1:48

Aqjeq mirnae aernar-aq, teq-awr nyir-eu aqyawf-euq aqbur zaqkhav-anr aqyawf noeqkeuv naeqlaf-euq mae. Aqkar nar-aq, tiqzir sair tiqzir ngaq-anr guiqlanq huiq-eu ghaq laer kur taef-a.

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

Jaceuq 45:2

Nawr-aq, tsawrhaq-euq zaqyo deuq navmaqtser arghaer shaevdzeuf muiqdzaeq-awr; Nawq-euq maeqluq-anr guiqlanq yawdzanr shaevdav taq-euq mae. Khoermirnae, Miqyaer, nawq-anr mqmaq maqbyav yarzir guiqlanq bif-eu mae.

Luˇkaꞈ 1:41

Erlirsaqbaev, Maqliv dawqcawq puqlar-eu gar yagaq-euq naeq-aer, aqyawf piluf-eu zaq khoerghaq, uqmav-euq lafkhoer luvluv-aer teuv-eu mae. Khoeruqtaf, Erlirsaqbaev-anr Yawshawr Saflar byanle-awr,

Luˇkaꞈ 1:43

Ngaq-euq Sanqpaq-euq aqma, ngar jawr-eu gar lar-eu heu, ngar aqgeugar nae za-euq guiqlanq nga?