Luˇkaꞈ 1:35 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Akha

³⁵ Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 1:35 Referans Kwoze

Maꞈtehˬ 1:18

Yeqsur Kali daefle-euq garkawv-aq heulof-aer mae. Aqyawf-euq aqma Maqliv-aq, Yorsaev-anr danqdzaq-ir ma laer aertsaev taq-euq mae. Aqyawfnyaf maq sheuqdanq dzaq-euq minav-aer, Maqliv, Yawshawr Saflar-euq baqda’nae zaq tsaevler-euq mae.

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Lormav 1:4

Yawshawr Saflar-euq baoq-anr ghoe-awr nae Kali shir-euq khawf ghofdaef lar-euq mirnae, Miqyaer-euq Zaqyo mae laer bi siqnya naeqlaf-euq mae.

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Maˬkuˆ 1:24

Aqyawf aer-eu, “Naqzaqlaer tsawrhaq Yeqsur-or! Nawr, nga’maf-anr aqjeq taf-eu le? Nga’maf-anr lavcawv le-euq le lor? Nawr aqsur ghaq-a laer ngar siqnya ma. Nawr-aq, Miqyaer-euq Yawshawr ghaq mae.”

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

Luˇkaꞈ 1:27

Daqbir-euq arjeuq arca Yorsaev laer kur-eu ghaq-anr danqdzaq-ir ma laer dawqtsaev ngaeqtaq-euq miqdaf dafshawr tiq ghaq jawr-eu gar dawqtsaf tsafle-euq mae. Miqdaf dafshawr khoerghaq-euq tsawrmyanr-aq, Maqliv laer kur-eu mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Gʼaˬkʼehˇ 8:36

Aqyawfnyaf garma kanrli-aer irghae-awr, ircuf danq-eu tiq tsanr-anr irkeuv ngae, aqyuif khoerghaq aer-eu, “Hawsher-eq. Heugar ircuf danq ngar-a. Ngar bartirsaq hageuf-eu gar lavtsoeq paq-aer tiqjeqnav jav-a laq?”

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Maˬkuˆ 1:1

Miqyaer-euq Zaqyo, Yeqsur Kali-euq guiqlanqdawq ardanq heulof-aer bae-euq mae.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Eˇpeˇsu 2:3

Khoerngae, aqdui khawf aqyawf maf-euq lafkhoer keuq-awr, shiqshaq-euq nuikhanr tiqshir mr-awr, nuinoeq hawr-eu shiqshaq khar lovlar-eu jeq mr-euq ma. Aqdui khawf aqcawq kharpyeuf-eu jeq pyeuf-awr, nuima paer-eu jeq-euq zaq pyeufyaf-euq ma.

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Jaceuq 51:5

Hawsher-eq, ngar iqbax-euq lafkhoer ngaqma-euq uqmav-anr tsaevler-awr, Daefle ngae nae yawlaeq yawca anrluf-eu ma.

Luˇkaꞈ 1:34

Khoerngae, Maqliv, mqtav ghaqkhaer-anr aernaeq-eu, “Ngar maq danqdzaq-ir-aq siq, teulof-aer aqjox-aer pyeuflar nya-eu?”

Luˇkaꞈ 1:36

Khoeruqtaf, dzeurlaf ngae maqbaw aqma laer bikur-euq nawq-euq aqyuif aqnyir Erlirsaqbaev khawf, mawqle-euq gar zaqyo tiq ghaq piluf-awr, nymq-mr bala kof siq byanlar-euq mae.