Lormav 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf-euq gharduq maq naqlerni aqmyanluf guiqlanq shar-eu gar Miqyaer, ngaq-euq gharduq sarkir kamqnya mae. Ngar-aq, ngaq-euq nuima saflar nae aqyawf-euq gharduq mr-awr, aqyawf-euq Zaqyo-euq garkawv guiqlanqdawq maeqluf-eu ma.

Akha

⁹ Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Lormav 1:9 Referans Kwoze

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

2 Tiˆmoˇseˬ 1:3

Ngar guiqlanq kharshar ngae, uqcif nan’ghanr maqaer, aqmyanluf nawq-anr noeqkeuv-awr, Miqyaer-anr jaceuq-eu ma. Aqpoeq aqbawr deuq shawrjaevni ghae-eu zaqsiq nuisiq anranr-aer, Miqyaer-euq gar mr-euq lof-aer ngar khawf mrluf-eu ma.

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

1 Teˇsaˬloˇni 5:17

Yawqjawr navluf guiqlanq shar-awq.

2 Gawˇliˬtu 1:23

Ngar, Miqyaer-anr kur-awr, ngaq-euq nuima-euq gharduq sarkir bikamq ma. Ngar, Gawrliqtu-anr maqoe-euq khoer-aq, nawmaf-anr maqbi deuqlarni taqnaeq mawf-eu mirnae ma.

1 Teˇsaˬloˇni 3:10

Nga’maf, nawmaf-anr parya mawr-awr, nawmaf jan-eu maqbyan-eu deuq byanlarni, uqcif nan’ghanr maqaer guiqlanqshar duidui luf-eu ma.

1 Teˇsaˬloˇni 1:2

Nga’maf, aqmyanluf nawmaf yawqghaq navluf-euq gharduq Miqyaer-anr jaceuq jaceuq-aer guiqlanq sharluf ma.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Piˇliˇpiˆ 1:4

Ngar, nawmaf yawqghaq navluf-euq gharduq guiqlanq kharshar ngae, laqkhaq caertavni sharluf-eu ma.

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Gʼaˬkʼehˇ 19:21

Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Gaˬlaˬtiˆ 1:20

Ngar, nawmaf-anr bofnaeq luf-eu heu-aq, jaqmyawf myawf-eu maqngeur laer Miqyaer-euq maeqshi ngar aer-eu ma.

2 Gawˇliˬtu 11:31

Ngar jaqmyawf myawf-eu maqngeur-a laer, mqmaq maqbyav yarzir guiqlanq huiq-eu Sanqpaq Yeqsur Kali-euq Aqda Miqyaer siqnya mae.

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Gʼaˬkʼehˇ 12:5

Khoermirnae, Beqtuvluv kuv-anr bi kaflanr taq-euq mae. Aerkhawf, Kalizaq armur-aq, maq naqlerni aqyawf-euq gharduq Miqyaer-anr guiqlanq shar-euq mae.

Gʼaˬkʼehˇ 3:26

Nawmaf yawqghaq navluf, yawqha-euq yawlaeq jeq-anr byaerdzae-awr, aqyawf, nawmaf-anr guiqlanq bibif-eu gharduq, Miqyaer, aqyawf-euq ghaqzaq ghaqkhaer, Yeqsur-anr bi ghofdaef lar-awr, nawmaf jawr-eu gar jeqhu bi’oe-euq mae.”

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Maˬkuˆ 1:1

Miqyaer-euq Zaqyo, Yeqsur Kali-euq guiqlanqdawq ardanq heulof-aer bae-euq mae.

Piˇleˇmoˬ 1:4

Ngar guiqlanq kharshar ngae, nawq-anr aerkeuv-awr aqmyanluf nawq-euq gharduq ngar, ngaq-euq Miqyaer-anr jaceuq luf-eu ma.

Piˇliˇpiˆ 1:3

Ngar, nawmaf-anr khar noeqdovlar ngae, ngaq-euq Miqyaer-anr jaceuq-eu ma.