Jaceuq 98:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Mirtsaq dawqtawvluf laqkhaq tiqcaer, Ya’we Miqyaer-anr gurnaeq-awr; Dawqcar car-awr, laqkhaq caer-eu uqtaf, car-awr jaceuq-awq.

Akha

⁴ Miˇ tsaˬ zaˬ dawˬ tawˆ luꞈ laˬ kʼaˬ tiˬ cehˇ, Sahˬpaˬ Miˬyehˇ-ahˇ ja ceuˬ-awˇ caˇ-awˬ. Laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Jaceuq 98:4 Referans Kwoze

Jaceuq 100:1

Mirkhanq dawqtawvluf laqkhaq caer-awr, Ya’we Miqyaer-anr gurnaeq-awq.

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Jaceuq 66:1

Mirtsaq tanqkhawr dawqtawvluf, laqkhaq caertavni Miqyaer-anr gurgaq-awq.

Jaceuq 95:1

Lar-awq, aqdui, Ya’we Miqyaer-anr carnaeq ma. Aqdui-anr bibuq-ir naeqlaf-eu logur-anr laqkhaq caertavni gurgaq ma.

Panmaeq 19:1

Khoernar-aq, ngar, mq-euq khoertav tsawrhaq armaf mafma-euq tersar yawkhav-aer heulof-aer aer-eu gar yagaq-euq ma: “Haleluya! Kakhof-eu jeq, yawshaef khanqsaer, taqhuiq taqmanr-eu jeq hawr-eu baoq, aqdui-euq Miqyaer-euq pyeuf-eu mae.

Maꞈtehˬ 21:9

Yeqsur-euq maeqhu maeqnan canluf-eu tsawrhaq armaf mafma deuq gur-eu, “Daqbir-euq Zaqyo-anr hosa’na! Sanqpaq Miqyaer-euq tsawrmyanr-euq uqmov oeluf-eu ghaq-aq, guiqlanqhuiq luf-ur! Gor duidui-eu jawrduq-euq lafkhoer hosa’na!” (Jc 118:26)

Jaceuq 67:4

Nawr, mirtsaq-euq khoertav jawr-eu tsawrjeuq tsawrca-anr uvlanr-awr, Tsaq-awr dawr-eu lafkhoer tsawrhaqzaq-anr yarkhaq dar-eu mirnae, Tsawrjeuq tsawrca deuq laqkhaq caer-eu cardawq car-awr lurgha caergha luf-ur. Sela.

Jaceuq 66:4

Mirtsaq tanqkhawr dawqtawvluf, nawq-anr uqduq tanq-eu laer, Nawq-anr car-awr jaceuq taef-a. Aqyawfmaf, nawq-euq tsawrmyanr-anr car-awr jaceuq taef-a.” Sela.

Jaceuq 71:22

Ngar, nawq-anr arcav tsof-eu keuka mui-awr jaceuq ma. Ngaq-euq Miqyaer-or! Nawr sarjax zif-eu gar ngar jaceuq ma. Irsaqleqlav-euq Yawshawr ghaq pyeuf-eu nawq-anr, Deur-mq cuq diq-awr jaceuq-eu cardawq car ma.

Jaceuq 95:2

Aqdui, aqyawf-euq maeqshi lar-awr, Aqyawf-euq guiqlanq-anr jaceuq-awr; Aqyawf-anr laqkhaq tiqcaer jaceuq-eu dawq carnaeq kar-eur.