Jaceuq 98:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Or, Ya’we Miqyaer-anr cardawq yawshuif carnaeq-awq! Aqjeq mirnae aernar-aq, aqyawf zanqler paq-aer muiq-eu jeq mr-euq mae. Aqyawf-euq armar laf hawr-eu aqyawf-euq shawr-eu lafdu nae, Aqyawf ghaqler-euq mae.

Akha

¹ Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Jaceuq 98:1 Referans Kwoze

Panmaeq 14:3

Aqyawf maf-aq, nuirmanq-euq maeqshi, yawdaef jeq khoer oeq mawr hawr-eu aqyuif aqtsu khoerdeuq-euq maeqshi, cardawq yawshuif carluf-eu mae. Mirtsaq-euq khoertav nae kakhof taq-euq tsawrhaq khoer 144,000 ghaq maqngeur nar-aq, cardawq khoerbymr maq dzawnya-a.

Jaceuq 96:1

Ya’we Miqyaer-anr cardawq yawshuif car-awr jaceuq-awq! Mirtsaq tanqkhawr dawqtawvluf, Ya’we Miqyaer-anr carnaeq-awq.

Jaceuq 33:3

Miqyaer-anr cardawq yawshuif carnaeq-awq. Deur-mq yawmuiq-aer diq-awr laqkhaq caer-eu lafkhoer gur-awq.

Jaceuq 96:3

Tsawrjeuq tsawrca-euq ghanrcae, aqyawf-euq yawshaef khanqsaer-euq garkawv, dawqdzawr mr-awr; Tsawrhaqzaq dawqtawv luf-anr aqyawf-euq zanqler paq-aer ghae-eu jeq dzawrnaeq-awq.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

Gawˇlawˇsehˇ 2:15

Aqyawf heu-euq lafkhoer, mqsanr hawr-eu aryaq deuq-anr ghaqler-awr, aqyawfmaf shafdawr paq-aer aqcawq-euq maeqshi byacaevni janrnaeq-euq mae.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

Gʼaˬkʼehˇ 2:11

Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.”

Luˇkaꞈ 1:49

Baoq huiq-eu ghaq, ngaq-anr huiq duidui-eu jeq janrnaeq laf-euq mae. Aqyawf-euq tsawrmyanr-aq yawshawr mae.

Jaceuq 149:1

Haleluya! Ya’we Miqyaer-anr cardawq yawshuif carnaeq-awq. Tsawrshawrzaq uiqler taq-awr jawr-eu gar, aqyawf-anr jaceuq-awq.

Jaceuq 139:14

Ngar, nawq-anr jaceuq ma. Aqjeq mirnae aernar-aq, Nawr, ngaq-anr guvlar paq-aer hawr-eu zanqler paq-aer bae naeqlaf-euq mae. Nawq nae mr-euq gardeuq-aq, muiq duidui-eu mae. Ngaq-euq nuima saflar, yawmuiq paq-aer siqnya ma.

Jaceuq 136:4

Aqyawf tiq ghaq taef-aer yawkhav-aer zanqler paq-aer ghae-eu jeq mr-eu mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 105:5

Miqyaer nae mr-euq zawr muiq-eu gardeuq hawr-eu; Aqyawf nae zanqler paq-aer ghae-eu jeq mr-euq uqtaf; Aqyawf-euq khaqmae nae yarkhaq dar-euq jeq-anr noeqmawr-awq,

Jaceuq 86:10

Aqjeq mirnae aernar-aq, Nawr-aq, huiq-awr zanqler paq-aer ghae-eu jeq mrnya-eu mae. Nawr tiq ghaq taef-aer Miqyaer pyeuf-eu mae.

Jaceuq 77:14

Nawr-aq, zanqler paq-aer ghae-eu jeq mr-eu Miqyaer mae. Nawr ghaq khav-eu garkawv, tsawrhaqzaq-anr dawqdzawr mrnaeq-euq mae.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”

Gʼaˬkʼehˇ 19:20

Khoermirnae, Sanqpaq Miqyaer-euq dawq-aq, ghaq khavlar luf-awr ghaqler luf-eu mae.

Panmaeq 6:2

Hawsher-eq. Ngar hawghae ngae, manq manqpyur tiq mawr-anr dziqluf-eu ghaq, kav tiq kanr bafluf-eu gar ya’mawr-euq ma. Aqyawf-anr shuir uqkhov bif-awr, aqyawf ghaqler-euq ghaq lof-aer ghaqlerni dov-ir-euq mae.

Jaceuq 72:18

Irsaqleqlav-euq Miqyaer pyeuf-eu Ya’we Miqyaer-anr jaceuq-awq! Aqyawf tiq ghaq taef-aer zanqler paq-aer ghae-eu gardeuq mr-eu mae.

Jaceuq 89:14

Tsaq-awr dawr-eu jeq hawr-eu dawr-awr tsaq-eu jeq-aq, Nawq-euq nuirmanq-euq dawqpaeq duqpur mae. Ghawqshaq gaq-eu jeq hawr-eu yawtsaq yawdawr-aq, Nawq-euq maeqshi canluf-eu mae.